Նորություններ
Մեկնարկել է երկօրյա աշխատաժողովը՝ «Կրթության բարելավման ծրագրի լրացուցիչ ֆինանսավորում» վարկային ծրագրի ՆՄՀ շրջափուլի շրջանակներում
20.10.2022
Հոկտեմբերի 20-ին ԿԳՄՍՆ «Կրթական ծրագրերի կենտրոն» ԾԻԳ-ում` մեկնարկեց «Կրթության բարելավման ծրագրի լրացուցիչ ֆինանսավորում» վարկային ծրագրի Նորարարությունների մրցակցային հիմնադրամի (ՆՄՀ) շրջանակներում դրամաշնորհային մրցույթի հայտերի լրացմանն օժանդակելու նպատակով կազմակերպված երկօրյա աշխատաժողովը, որն ուղղված է դրամաշնորհային հայտերի մշակմանը, ֆինանսական և գնումների ընթացակարգերին վերաբերող հարցերի ներկայացմանը: Աշխատաժողովին մասնակցում էին դրամաշնորհային ծրագրով հետաքրքրված պետական և ոչ պետական 10 և ավելի բուհերի 20 և ավելի ներկայացուցիչներ:
Հիշեցնենք, որ Նորարարությունների մրցակցային հիմնադրամի շրջանակներում բուհերին տրամադրվող դրամաշնորհային ծրագրերի մրցույթի հայտերի ներկայացման վերջնաժամկետ է սահմանվել ս.թ.նոյեմբերի 21-ը:
ՀՀ ԿԳՄՍՆ «Կրթական ծրագրերի կենտրոն» ԾԻԳ-ի աշխատակիցները մանրամասն ներկայացրեցին ՆՄՀ շրջափուլի հայտերի ներկայացման գերակա ուղղությունները, ներկայացվելիք դրամաշնորհային ծրագրերի տեսակները, հայտերի գնահատման և ընտրության գործընթացները, ինչպես նաև դրամաշնորհային հայտին կից ներկայացվող հավելվածների ձևաչափերի կազմման առանձնահատկությունները։ Հանդիպման ընթացքում անդրադարձ եղավ նաև կոնսորցիում ծրագրերի ներկայացման առանձնահատկություններին: Ներկայացվեց կոնսորցիում ծրագրի նպատակն ու մասնակիցներին ներկայացվող պահանջները։ Աշխատաժողովի ընթացքում ԿԾԿ ԾԻԳ-ի աշխատակիցների կողմից պարզաբանվեցին նաև բուհերի ներկայացուցիչների կողմից բարձրացված դրամաշնորհային ծրագրերի հայտերի լրացմանն առնչվող բովանդակային հարցերը:
«Աջակցություն Նորարարությունների մրցակցային հիմնադրամի զարգացմանը» բաղադրիչի ղեկավար Արմինե Մինասյանը շեշտեց, որ ՆՄՀ նպատակն է խթանել ՀՀ բարձրագույն կրթության ոլորտի բարեփոխումները՝ նորարարությունների, բուհերի կարողությունների և գիտահետազոտական գործունեության զարգացման միջոցով: Բովանդակային հարցերի և այլ ընթացակարգերի պարզաբանումը տրվեց «Կրթության բարելավման ծրագրի լրացուցիչ ֆինանսավորում» վարկային ծրագրի «Աջակցություն Նորարարությունների մրցակցային հիմնադրամի զարգացմանը» բաղադրիչի աշխատակիցների կողմից: Ծավալվեց քննարկում, եղան դիտարկումներ ու առաջարկներ, հարցերին տրվեցին սպառիչ պատասխաններ: Աշխատաժողովն ամփոփվելու է հոկտեմբերի 21-ին: Հարկ է նշել, որ երկրորդ օրն աշխատաժողովի մասնակիցները քննարկելու են ՆՄՀ դրամաշնորհային ծրագրերի գնումների և ֆինանսական ընթացակարգերի պլանավորման և կազմակերպման առանձնահատկությունները:
