a Ընթացիկ ծրագրեր - Ծրագրեր - Կրթական ծրագրերի կենտրոն

Ընթացիկ ծրագրեր

Կրթության բարելավում ծրագիր. Լրացուցիչ ֆինանսավորում


  Հիմք ընդունելով ԿԲԾ-ի   շրջանակներում ձեռք բերված հաջողություններն ու  վերջնարդյունքները, ինչպես նաև հաշվի առնելով ՀՀ կառավարության 2021-2026 թվականների ծրագրի առաջնահերթություններին համահունչ միջոցառումների իրականացման անհրաժեշտությունը՝ ՀՀ Կառավարությունը  խնդրել է Համաշխարհային բանկի աջակցությունը՝ տրամադրել   լրացուցիչ ֆիանսավորում ԿԲԾ-ի հետագա շարունակականությունը ապահովելու համար, քանի որ երեխաների և ուսանողների համար բարձրորակ կրթական միջավայրի ապահովումը ՀՀ կառավարության առաջնահերթություններից է։

 Լրացուցիչ ֆինանսավորմամբ  ԿԲԾ-ի   հիմնական նպատակներն են՝ բարելավել տարրական դպրոց մուտք գործող երեխաների դպրոցական պատրաստվածությունը, բարելավել ավագ  դպրոցների ֆիզիկական պայմանները և ապահովել դրանցում կրթական ռեսուրսների առկայությունը, ապահովել լաբորատոր գույքի և սարքավորումների տրամադրումը հանրակրթական դպրոցներին և աջակցել Հայաստանի բարձրագույն ուսումնական հաստատություններին՝ ապահովելով կրթության որակն ու  համապատասխանությունը:  ԿԲԾ-ի  ավարտ է սահմանվել 2022 թվականի ապրիլի 30-ը,  և  լրացուցիչ ֆինանսավորմամբ ծրագիրը Հայաստանում կգործի ևս երեք տարի:    

 Ծրագիրը համահունչ է և նպաստում է Հայաստանի Հանրապետության 2019-2023 թվականների Երկրի Գործընկերության ամենավերջին Շրջանակին (ԵԳՇ)՝ ուղղված Մարդկային կապիտալի զարգացմանն ու  հավասարությանը: Մասնավորապես, Ծրագիրը կարևորում է բարձրորակ կրթական ծառայությունների հասանելիության  ընդլայնումը՝   հմտությունների զարգացման և աշխատունակությունն ապահովելու նպատակով, և ընդգծում  վաղ մանկության կրթության մեջ ընդգրկված երեխաների մասնաբաժնի ավելացման կարևորությունը; Այն կարևորում է նաև  կրթական համակարգի տարբեր ոլորտներում կիրառվող hայտորոշիչ գործիքների որակի բարելավումը, բուհերի և գիտահետազոտական կենտրոնների նոր ճյուղերի ստեղծումը։

            Ծրագիրն իր  նպատակները կիրականացնի հետևյալ  գործողությունների միջոցով.

(ա)      Աշխատաշուկայի պահանջներին համապատասխան հմտությունների ձևավորում և  բարելավում՝ վաղ մանկությունից մինչև պատանեկություն ընկած հատվածում տրամադրվող կրթության որակի բարձրացման միջոցով;

(բ)        Բուհերի, գիտահետազոտական կենտրոնների, արդյունաբերական հիմնարկների  և կառավարության համախմբում՝ գիտությունը և  նորարարությունները խթանելու  ավելի արդյունավետ մեխանիզմներ ստեղծելու նպատակով, ինչը սովորողներին հնարավորություն կտա ձեռք բերել աշխատաշուկայի պահանջներին համապատասխան հմտություններ;

 (գ)       Փաստերի վրա հիմնված որոշումների կայացման կարողությունների հզորացում՝ տվյալների ենթակառուցվածքային համակարգի ստեղծման միջոցով, որը կտրամադրի տեղեկատվություն սովորողների, ուսուցիչների և դպրոցների վերաբերյալ՝ կրթական համակարգի բոլոր մակարդակներում:

 (դ)      Աշխատաշուկայում, հատկապես կանանց համար, ներգրավվածության  խոչընդոտների վերացում՝ վաղ մանկության զարգացման ծրագրերում ընդգրկվածության մեծացման և  գյուղական շրջաններում անապահով ընտանիքի երեխաների համար նախադպրոցական կրթության մատչելիության  բարձրացման միջոցով:

Ելնելով վերոնշյալից ԿԲԾ-ն ԼՖ-ով բաղկացած կլինի հտևյալ երեք բաղադրիչներից.

Առաջին բաղադրիչ  «Հանրակրթության որակի բարելավում», (ՎԶՄԲ  ֆինանսավորում՝ 19.707 մլն Եվրո, և համաֆինանսավորում՝  4.927 մլն Եվրո ) որը կազմված է չորս ենթաբաղադրիչներից.

1.1 Դպրոցին  երեխաների պատրաստվածության  բարձրացում և կրթության հավասար մեկնարկային հնարավորությունների ապահովում (ՎԶՄԲ  ֆինանսավորում՝ 0.904 մլն. Եվրո,  համաֆինանսավորում՝  0.226 մլն. Եվրո );

1.2 1.2    Աջակցություն միջնակարգ դպրոցի երրորդ աստիճանի զարգացմանը (ՎԶՄԲ  ֆինանսավորում՝  9.944 մլն. Եվրո,  համաֆինանսավորում՝  2.486  մլն. Եվրո);

1.3 Կրթության համակարգում տվյալների հավաքագրման և առաջընթացի մշտադիտարկման բարելավում  (ՎԶՄԲ  ֆինանսավորում՝ 0.904մլն. Եվրո, համաֆինանսավորում 0.226 մլն. Եվրո.);

1.5 Հանրակրթական դպրոցների վերազինում (լաբորատոր սարքավորումներով և կահույքով) (ՎԶՄԲ  ֆինանսավորում  7.955 մլն. Եվրո, համաֆինանսավորում՝  1.989 մլն. Եվրո):

Երկրորդ բաղադրիչ - Աջակցություն Նորարարությունների մրցակցային հիմնադրամի զարգացմանը (ՎԶՄԲ  ֆինանսավորում՝ 1.356 Եվրո,  համաֆինանսավորում՝  0.339 մլն. Եվրո,);

Երրորդ բաղադրիչ - Ծրագրի կառավարում, մշտադիտարկում և գնահատում (ՎԶՄԲ  ֆինանսավորում՝  1.537 մլն. Եվրո , համաֆինանսավորում՝ 0.384 մլն. Եվրո):

 

 

Նորություններ

02.05.2025 Տեղեկատվություն Նորարարությունների մրցակցային հիմնադրամի շրջափուլով դրամաշնորհառու բուհերի կողմից իրականացվող դրամաշնորհային ծրագրերի շրջանակներում կնքված պայմանագրերի վերաբերյալ 22.05.2023թ. կնքված դրամաշնորհային պայմանագրերով դրամաշնորհառու երկու և 14.06.2023թ. կնքված դրամաշնորհային պայմանագրերով դրամաշնորհառու երեք բուհերը մեկնարկել են նորարարական ծրագրերի իրականացումը, մասնավորապես, ներքոնշյալ բուհերը, ըստ նախատեսվածի, իրականացրել են ապրանքների և ծառայությունների ձեռքբերման աշխատանքներ, որոնց արդյունքում շնորհված պայմանագրերի վերաբերյալ տեղեկատվությունը, համաձայն Նորարարությունների մրցակցային հիմնադրամի Ղեկավար ձեռնարկի պահանջների, հրապարակվել է համապատասխան... 09.04.2025 ՀԲ պատվիրակության այցերը բնագիտական և ինժեներական ուղղության առարկաների լաբորատորիաներ Ապրիլի 4-ին Համաշխարհային բանկի թիմը Կրթական ծրագրերի կենտրոն ԾԻԳ-ի աշխատակիցների ուղեկցությամբ այցելել է Երևանի և ՀՀ Արագածոտնի մարզի կրթական հաստատություններ: Այցերի համատեքստում ՀԲ-ի կողմից ֆինանսավորվող «Կրթության բարելավման ծրագրի լրացուցիչ ֆինանսավորում» վարկային ծրագրի շրջանակներում իրականացված և ընթացիկ աշխատանքների դիտարկումն էր: Այցերի նպատակն էր նաև հանդիպել դպրոցների տնօրենների, ուսուցիչների հետ՝ ծանոթանալու իրականացված աշխատանքների արդյունքներին: Առաքելության... 08.04.2025 Համաշխարհային բանկի թիմն այցելել է հիմնանորոգվող ավագ դպրոցներ Մարտի 31-ին Համաշխարհային բանկի թիմը ԿԾԿ ԾԻԳ-ի ներկայացուցիչների ուղեկցությամբ այցելել Երևանի Կ.Դեմիրճյանի անվան թիվ 139 և ՀՀ Արարատի մարզի Արտաշատի ավագ դպրոցներ։ Այցելությունների համատեքստում էր Համաշխարհային բանկի համաֆինանսավորմամբ «Կրթության բարելավման լրացուցիչ ֆինանսավորում» վարկային ծրագրի շրջանակներում իրականացված և ընթացիկ աշխատանքների մշտադիտարկումը։ Առաքելության կազմում էին Առաջադրանքի թիմի համաղեկավար, Շիզուկա Կոնիմոտոն, ՀԲ խորհրդատու Ալեքսանդր Թովմասյանը, ՀԲ...