Իրականացված

 ՀՀ Կրթական ծրագրերի կենտրոն ԾԻԳ-ը հիմնադրվել է 1996 թվականի հոկտեմբերի 11-ին, ՀՀ կրթության և գիտության նախարարի թիվ 298-Մ հրամանով: Այս ընթացքում ԾԻԳ-ն իրականացրել է 3 վարկային ծրագիր: Ներկայումս ընթացքում է <<Կրթության բարելավում>>ծրագիրը:

1.<<Կրթության ֆինանսավորման և կառավարման բարեփոխումների ծրագիր>>, 1998-2002 թթ., այս ծրագրով խնդիր էր դրված ապահովել հանրակրթության համակարգի ֆինանսավորման և ուսուցչի աշխատավարձի աճը, միջոցների օգտագործման արդյունավետության բարձրացումը, համակարգի գործունեության ժողովրդավարացումը, ինչպես նաև ներդպրոցական կառավարման բարելավումը` նպաստելով կրթության որակի բարելավմանը: Այն բաղկացած էր երկու ենթածրագրից.

Դասագրքերի արտադրություն և բաշխում;

Կրթության բարեփոխման նյութատեխնիկական բազայի ստեղծում, որն իր հերթին ընդգրկում էր կրթության բարեփոխումների ռազմավարության մշակման և դպրոցների ղեկավար կադրերի վերապատրաստման և դպրոցների բարելավման ծրագրի իրականացման բաղադրիչները:

2. <<Կրթության որակ և համապատասխանություն>> առաջին ծրագիր, 2003-2009 թթ., որի նպատակն էր` ուղղորդել Հայաստանի կրթական համակարգի զարգացումը դեպի գիտելիքահեն տնտեսության պահանջները: Ծրագիրը բաղկացած էր չորս ենթածրագրերից.

Հանրակրթության կրթակարգի, առարկայական ուսումնական ծրագրերի և գնահատման նոր համակարգի ստեղծում,

Տեղեկատվական և հաղորդակցման տեխնոլոգիաների ներդրում հանրակրթության համակարգում,

Ուսուցիչների մասնագիտական զարգացում,

Հանրակրթության համակարգի կառավարման բարելավում և արդյունավետության բարձրացում:

3.<<Կրթության որակ և համապատասխանություն>> վարկային երկրորդ ծրագիր,2009-2014 թթ., որի նպատակն էր` Հայաստանի կրթական համակարգի զարգացումն ուղղորդել դեպի գիտելիքահեն տնտեսության պահանջները` ապահովելով հասարակության սոցիալ-տնտեսական պահանջներին համապատասխան հանրակրթության և բարձրագույն մասնագիտական կրթության որակի աճ: Այն բաղկացած է երկու ենթածրագրից.

Հանրակրթության որակի բարելավում,

Բոլոնիայի գործընթացի համատեքստում աջակցություն բարձրագույն կրթության բարեփոխումներին:

 <<Կրթության բարելավում>> ծրագիրը, 2014-2019 թթ., որը հետապնդում էր երկու նպատակ՝ հանրակրթության հետագա բարելավում, ապահովելով տարրական դպրոց մուտք գործող երեխաների պատրաստվածությունը և բարելավելով ավագ դպրոցներում ֆիզիկական պայմաններն ու կրթական ռեսուրսների առկայությունը և աջակցություն բարձրագույն կրթական հաստատություններին` ապահովելով կրթության որակն ու համապատասխանությունը: Այս ծրագրի հիմքում ընկած էին <<Կրթության որակ և համապատասխանություն>> առաջին և երկրորդ ծրագրերի արդյունքները:Կրթության բարելավում ծրագիրն ամբողջությամբ համահունչ էր ՀՀ կառավարության 2012-2017 թվականների տնտեսական զարգացման ռազմավարության հետ: Ընդգրկելով կրթության բոլոր մակարդակները` նախադպրոցականից մինչև բարձրագույն, <<Կրթության բարելավում>> ծրագիրը միտված էր միջազգային լավագույն չափորոշիչներին համահունչ ծառայություններ մատուցող կրթական համակարգի ստեղծմանը, բնակչության բոլոր սոցիալական խմբերի համար ուսման հավասար պայմաների ստեղծմանը, գիտական և հետազոտական աշխատանքների խրախուսմանը: 

<<Կրթության բարելավում>> ծրագիրը հետապնդում էր երկու նպատակ՝ հանրակրթության հետագա բարելավում, ապահովելով տարրական դպրոց մուտք գործող երեխաների պատրաստվածությունը և բարելավելով ավագ դպրոցներում ֆիզիկական պայմաններն ու կրթական ռեսուրսների առկայությունը և աջակցություն բարձրագույն կրթական հաստատություններին` ապահովելով կրթության որակն ու համապատասխանությունը: Այս ծրագրի հիմքում ընկած էին "Կրթության որակ և համապատասխանություն" առաջին և երկրորդ ծրագրերի արդյունքները: <<Կրթության բարելավում>> ծրագիրը կազմված էր հետևյալ բաղադրիչներից.
Առաջին բաղադրիչ` <<Հանրակրթության որակի բարելավում>>, որը կազմված էր չորս ենթաբաղադրիչներից.
1.1 Դպրոցին երեխաների պատրաստվածության բարձրացում և կրթության հավասար մեկնարկային հնարավորությունների ապահովում:
1.2 Աջակցություն միջնակարգ դպրոցի երրորդ աստիճանի զարգացմանը:
1.3 Կրթության համակարգում տվյալների հավաքագրման և առաջընթացի մշտադիտարկման բարելավում:
1.4 Աջակցություն կրթության որակի բարելավմանը` կրթակարգի և չափորոշիչների վերանայման միջոցով:
Երկրորդ բաղադրիչ՝ <<Աջակցություն Նորարարությունների մրցակցային հիմնադրամի զարգացմանը>>:
 

 

Նորություններ

02.05.2025 Տեղեկատվություն Նորարարությունների մրցակցային հիմնադրամի շրջափուլով դրամաշնորհառու բուհերի կողմից իրականացվող դրամաշնորհային ծրագրերի շրջանակներում կնքված պայմանագրերի վերաբերյալ 22.05.2023թ. կնքված դրամաշնորհային պայմանագրերով դրամաշնորհառու երկու և 14.06.2023թ. կնքված դրամաշնորհային պայմանագրերով դրամաշնորհառու երեք բուհերը մեկնարկել են նորարարական ծրագրերի իրականացումը, մասնավորապես, ներքոնշյալ բուհերը, ըստ նախատեսվածի, իրականացրել են ապրանքների և ծառայությունների ձեռքբերման աշխատանքներ, որոնց արդյունքում շնորհված պայմանագրերի վերաբերյալ տեղեկատվությունը, համաձայն Նորարարությունների մրցակցային հիմնադրամի Ղեկավար ձեռնարկի պահանջների, հրապարակվել է համապատասխան... 09.04.2025 ՀԲ պատվիրակության այցերը բնագիտական և ինժեներական ուղղության առարկաների լաբորատորիաներ Ապրիլի 4-ին Համաշխարհային բանկի թիմը Կրթական ծրագրերի կենտրոն ԾԻԳ-ի աշխատակիցների ուղեկցությամբ այցելել է Երևանի և ՀՀ Արագածոտնի մարզի կրթական հաստատություններ: Այցերի համատեքստում ՀԲ-ի կողմից ֆինանսավորվող «Կրթության բարելավման ծրագրի լրացուցիչ ֆինանսավորում» վարկային ծրագրի շրջանակներում իրականացված և ընթացիկ աշխատանքների դիտարկումն էր: Այցերի նպատակն էր նաև հանդիպել դպրոցների տնօրենների, ուսուցիչների հետ՝ ծանոթանալու իրականացված աշխատանքների արդյունքներին: Առաքելության... 08.04.2025 Համաշխարհային բանկի թիմն այցելել է հիմնանորոգվող ավագ դպրոցներ Մարտի 31-ին Համաշխարհային բանկի թիմը ԿԾԿ ԾԻԳ-ի ներկայացուցիչների ուղեկցությամբ այցելել Երևանի Կ.Դեմիրճյանի անվան թիվ 139 և ՀՀ Արարատի մարզի Արտաշատի ավագ դպրոցներ։ Այցելությունների համատեքստում էր Համաշխարհային բանկի համաֆինանսավորմամբ «Կրթության բարելավման լրացուցիչ ֆինանսավորում» վարկային ծրագրի շրջանակներում իրականացված և ընթացիկ աշխատանքների մշտադիտարկումը։ Առաքելության կազմում էին Առաջադրանքի թիմի համաղեկավար, Շիզուկա Կոնիմոտոն, ՀԲ խորհրդատու Ալեքսանդր Թովմասյանը, ՀԲ...