Ակնարկ

Արդի հասարակության հիմքն ու կրթական ոլորտի զարգացումը և գիտելիքահեն տնտեսության ստեղծումը միտված է կրթության որակի բարձրացմանը: <<Կրթական ծրագրերի կենտրոն>> ծրագրերի իրականացման գրասենյակի (ԾԻԳ) հիմնական նպատակը ՀՀ կրթության ոլորտում որակի, համապատասխանության, հասանելիության և արդյունավետության բարելավման ուղղված ծրագրերի իրականացումն է: Կրթության ոլորտում իրականացվող բարեփոխումները միտված են այնպիսի կրթական համակարգի ստեղծմանը, որը կլինի արդյունավետ և կբավարարի հասարակական և տնտեսական զարգացման ակնկալիքներն ու պահանջները: ԾԻԳ-ի գործունեությունը համահունչ լինելով ՀՀ կառավարության տնտեսական զարգացման ռազմավարությանը , ամրագրել է այնպիսի գերակա ուղղություններ, որոնք հնարավորություն կստեղծեն մատչելի և որակյալ կրթական ծառայությունների մատուցման համար, ընդգրկելով կրթական բոլոր մակարդակները` նախադպրոցականից մինչև բարձրագույն: Ներկայումս իրականացվում կամ նախատեսվում են կրթական ոլորտի գործառնության բարելավմանն ուղղված տարբեր աջակցության ծրագրեր` (նախադպրոցական կրթության համակարգի զարգացում , հանրակրթական դպրոցների ուսումնամեթոդական հենքի արդիականացում, ուսուցիչների վերապատրաստում, կրթակարգի, չափորոշիչների մշակման ապահովում, բարձրագույն կրթության ֆինանսական կառավարման համակարգի բարեփոխում` Նորարարությունների մրցակցային հիմնադրամի ձևավորում և այլն), որոնք միտված են միջազգային լավագույն չափանիշներին համապատասխան ծառայություններ մատուցող կրթական համակարգի ձևավորմանը , բնակչության բոլոր սոցիալական խմբերի համար ուսման հավասար պայմաների ստեղծմանը գիտական և հետազոտական աշխատանքների խրախուսմանը:Այսպիսով ԾԻԳ-ի գործունեությունը ներառում է ոչ միայն հանրակրթության ոլորտը, այլ նաև նախադպրոցական կրթության և բարձրագույն կրթության որոշակի բաղադրիչներ: Կրթության և գիտության ոլորտում բարեփոխումների արդյունավետության բարձրացումը կարևորագույն գործիք է պետական, հանրային և անհատական ապահովության և հասարակության կայուն զարգացման երաշխավորման համար:

 

Նորություններ

26.02.2024 Համաշխարհային բանկի թիմը Կրթական ծրագրերի կենտրոնի աշխատակիցների հետ ամփոփել է մայրաքաղաքային և մարզային այցերը Փետրվարի 23-ին Հայաստան այցի շրջանակում Համաշխարհային բանկի պատվիրակությունը ամփոփիչ հանդիպում է ունեցել ՀՀ ԿԳՄՍՆ ‹‹Կրթական ծրագրերի կենտրոն›› ԾԻԳ-ի աշխատակիցների հետ: Առաքելության կազմում էին Առաջադրանքի թիմի համաղեկավար Շիզուկա Կոնիմոտոն, ՀԲ խորհրդատու Աննա Մալխասյանը, ՀԲ Հայաստանի գրասենյակի ծրագրերի ավագ պատասխանատու՝ Նարինե Թադևոսյանը և ՀԲ գնումների մասնագետ Արմինե Այդինյանը : Հանդիպման առանցքում ՀԲ-ի կողմից ֆինանսավորվող «Կրթության բարելավման ծրագրի... 23.02.2024 ՀԲ-ն ներկայացրել է ԲՏՃՄ ուղղություններով իրականացված կրթական բարեփոխումների անկախ գնահատման արդյունքները ՀՀ կրթության, գիտության, մշակույթի և սպորտի նախարար Ժաննա Անդրեասյանն այսօր մասնակցել է Համաշխարհային բանկի կողմից Հայաստանում ԲՏՃՄ ուղղություններով իրականացված կրթական բարեփոխումների գնահատման վերաբերյալ հետազոտության արդյունքների ներկայացմանը նվիրված միջոցառմանը: Միջոցառմանը ներկա են եղել նաև Հայաստանում Եվրոպական միության ղեկավար, դեսպան Վասիլիս Մարագոսը, Համաշխարհային բանկի հայաստանյան գրասենյակի ղեկավար Կարոլին Գեգինաթը, ԿԳՄՍ նախարարի տեղակալներ Արաքսիա Սվաջյանն ու Արթուր... 22.02.2024 ՀԲ պատվիրակության այցերը ՀՀ մարզեր շարունակվում են ՀԲ պատվիրակության այցերը ՀՀ մարզեր շարունակվեցին նաև փետրվարի 21-ին: ՀԲ պատվիրակությունը եղավ ՀՀ Արմավիրի մարզի Մուսալեռ և Զարթոնք համայնքների միջնակարգ դպրոցներում, որտեղ դիտարկվեցին նորաստեղծ նախակրթարանները և տեղեկատվական տեխնոլոգիաների ( ինֆորմատիկա) և բնագիտական առարկաների (ֆիզիկա, քիմիա, աշխարհագրություն և կենսաբանություն) գծով լաբորատորիաները:: ՀԲ Առաջադրանքի թիմի համաղեկավար, Շիզուկա Կոնիմոտոն, նշեց, որ նախադպրոցական կրթությունը դպրոցում ուսումնական գործընթացի հաջող մեկնարկի...