Նորություններ
ԿԾԿ ԾԻԳ-ի ներկայացուցիչները մշտադիտարկում իրականացրեցին ՀՀ Կոտայքի մարզում
22.04.2021
ՀՀ ԿԳՄՍՆ «Կրթական ծրագրերի կենտրոն» ԾԻԳ-ի «Դպրոցին երեխաների պատրաստվածության մակարդակի բարձրացում և կրթության հավասար մեկնարկային հնարավորությունների ապահովում» ենթաբաղադրիչի աշխատանքների համատեքստում շարունակվում են «Կրթության բարելավում» ծրագրի շրջանակներում ստեղծված նախակրթարանների մշտադիտարկման այցերը: Այցերի համատեքստում «Դպրոցին երեխաների պատրաստվածության մակարդակի բարձրացում և կրթության հավասար մեկնարկային հնարավորությունների ապահովում» ենթաբաղադրիչի համակարգող Ռուզաննա Խաչատրյանը և ԿԾԿ ԾԻԳ-ի ինժեներ-խորհրդատու Վռամ Բոյաջյանը ապրիլի 21-ին մշտադիտարկման այցեր են իրականացրել ՀՀ Կոտայքի մարզի չորս ուսումնական հաստատություններում, որոնց հենքի վրա 2015 թ.-ի ընթացքում «Կրթության բարելավում» ծրագրի շրջանակում դրամաշնորհային միջոցներով հիմնվել են նախակրթարաններ: Այցը մեկնարկել է Գետարգելի հիմնական դպրոցից, որտեղ ԿԾԿ ԾԻԳ-ի ներկայացուցիչները ծանոթացել են իրականացված աշխատանքներին, երեխաների կրթության և դաստիարակության համար ստեղծված պայմաններին, զրուցել դաստիարակների ու երեխաների հետ: Տնօրենը նշվեց, որ նախակրթարանը բնականոն գործում է, և երեխաներն ակտիվորեն մասնակցում են դասապրոցեսին: Նախակրթարանը գործում է երկհերթ ռեժիմով՝ 5-օրյա աշխատանքային գրաֆիկով:«Կրթական ծրագրերի կենտրոն» ԾԻԳ-ի ներկայացուցիչներն այցելել են նաև Աբովյանի կրթահամալիր , Աբովյանի Ն. Վանյանի անվան թիվ 5 հիմնական դպրոց և Վերին Պտղնու միջնակարգ դպրոց, որտեղ ևս իրականացվել են նախադպրոցական միկրոծրագրեր:
Նշենք, որ բոլոր նախակրթարանները գործում են 5-օրյա աշխատանքային գրաֆիկով: Դասապրոցեսը ընթանում էր բավականին ակտիվ՝ երեխաների անմիջական մասնակցությամբ:
Հավելենք, որ բոլոր չորս նախակրթարանները, դրամաշնորհային ծրագրերի իրականացման շրջանակում կահավորվել են ժամանակակից գույքով ու սարքավորումներով, ինչպես նաև ապահովվել են ուսումնական և ուսուցողական նյութերով ու խաղալիքներով: Բոլոր նախակրթարաններում դաստիարակի աշխատանքներն իրականացնում են ծրագրի շրջանակում վերապատրաստված դաստիարակները: Նախակրթարաններում պահպանվում են ՀՀ առողջապահության նախարարության հաստատած սանիտարահիգիենիկ պահանջները: Հավելենք, որ նախակրթարաններն ունեն հարմարեցված պայմաններ: