Նորություններ

Նախադպրոցական միկրոծրագրերի մշտադիտարկում` ՀՀ Արմավիրի մարզում

19.03.2021

ՀՀ ԿԳՄՍՆ «Կրթական ծրագրերի կենտրոն» ԾԻԳ-ի «Դպրոցին երեխաների պատրաստվածության մակարդակի բարձրացում և կրթության հավասար մեկնարկային հնարավորությունների ապահովում» ենթաբաղադրիչի աշխատանքների համատեքստում ս.թ. փետրվար ամսից մեկնարկել են «Կրթության բարելավում» ծրագրի շրջանակներում ստեղծված նախակրթարանների մշտադիտարկման այցերը: Այցերի համատեքստում «Դպրոցին երեխաների պատրաստվածության մակարդակի բարձրացում և կրթության հավասար մեկնարկային հնարավորությունների ապահովում» ենթաբաղադրիչի համակարգողներ Արմինե Կարապետյանը, Ռուզաննա Խաչատրյանը և ԿԾԿ ԾԻԳ-ի ինժեներ-խորհրդատու Վռամ Բոյաջյանը մարտի 18 -ին շրջայց իրականացրեցին ՀՀ Արմավիրի մարզի 5 ուսումնական հաստատություններում, որոնց հենքի վրա 2016 և 2020թթ. ընթացքում դրամաշնորհային միջոցներով հիմնվել են նոր նախակրթարաններ: «Կրթական ծրագրերի կենտրոն» ԾԻԳ ներկայացուցիչները մշտադիտարկման այցը մեկնարկեցին Մեծամորի թիվ 1 հիմնական դպրոցից, որտեղ նախակրթարանի տնօրենի ուղեկցությամբ շրջեցին խմբասենյակներով: Ռ. Խաչատրյանը ծանոթացավ իրականացված աշխատանքներին, երեխաների կրթության և դաստիարակության համար ստեղծված պայմաններին, զրուցեց փոքրիկների հետ: Տնօրենը ներկայացրեց նախակրթարանի գործունեության ընթացքը: Հիշեցնենք, որ նախակրթարանը ստեղծվել է 2016թ.-ին «Կրթական ծրագրերի կենտրոն» ԾԻԳ-ի և վերոնշյալ կրթական հաստատության միջև կնքված դրամաշնորհային պայմանագրով: Նախակրթարանը գործում է 5-օրյա աշխատանքային ռեժեմիով: Երեխաները ակտիվորեն մասնակցում էին դասապրոցեսին: Հավելենք, որ նախակրթարանը նախատեսված է եղել 60 երեխայի համար, հետագայում դպրոցը ստեղծել է լրացուցիչ ևս մեկ խումբ , արդյունքում` այժմ նախակրթարան են հաճախում 100 երեխա:
«Կրթական ծրագրերի կենտրոն» ԾԻԳ-ի ներկայացուցիչները այցելեցին Այգեվանի, Արաքսի, Դաշտի և Ոսկեհատի միջնակարգ դպրոցներ, որտեղ ևս իրականացվել են նախադպրոցական միկրոծրագրեր: Նշենք, որ չորս նախակրթարաններն էլ, որտեղ յուրաքանչյուրում ընդգրկված են 25-ից ավելի 5 տարեկան երեխաներ, դրամաշնորհային ծրագրերի իրականացման արդյունքում կահավորվել են համապատասխան ժամանակակից գույքով, սարքավորումներով, ապահովվել են ուսումնական և ուսուցողական նյութերով ու խաղալիքներով: Նախակրթարանները բնականոն գործում են: Բոլոր նախակրթարաններում էլ դաստիարակի աշխատանքները իրականացնում են ծրագրի շրջանակներում վերապատրաստված դաստիարակները: Տնօրենները նշեցին, որ նախակրթարաններում պահպանված են առողջապահության նախարարության կողմից հաստատված սանիտարահիգիենիկ պահանջները: «Կրթական ծրագրերի կենտրոն» ԾԻԳ-ի ներկայացուցիչները մասնակցեցին դասապրոցեսին: Նշենք նաև, որ նախակրթարաններն ունեն հարմարեցված պայմաններ:
 

Նորություններ

27.01.2023 Հանդիպում Կրթության Կառավարման և Տեղեկատվական Համակարգի (ԿԿՏՀ) բարելավման նպատակով աջակցություն տրամադրող անհատ խորհրդատուների և ՀՀ դպրոցների տնօրենների հետ ‹‹Կրթության համակարգում տվյալների հավաքագրման և առաջընթացի մշտադիտարկման բարելավում›› ենթաբաղադրիչը Կրթական տեխնոլոգիաների ազգային կենտրոնի (ԿՏԱԿ) հետ համատեղ կբարելավվի ԿԳՄՍՆ կարողությունները՝ տվյալների հավաքագրման, վերլուծության միջոցով վերահսկելու հայաստանյան դպրոցների գործունեության արդյունավետությունը: Այս Ենթաբաղադրիչը կխթանի տվյալներով հիմնավորված և փաստերի վրա հիմնված կրթական քաղաքականության մշակման գործընթացը։ Ներկայումս ընթացքում է տվյալների... 26.01.2023 ‹‹Կրթական ծրագրերի կենտրոն›› ԾԻԳ-ը մեկնարկել է թվով 4 ավագ դպրոցների վերակառուցման համար անհրաժեշտ նախապատրաստական աշխատանքները ‹‹Կրթական ծրագրերի կենտրոն›› ԾԻԳ-ի ‹‹Աջակցություն միջնակարգ դպրոցի երրորդ աստիճանի զարգացմանը›› ենթաբաղադրիչի շրջանակում մեկնարկել է թվով 4 ավագ դպրոցների վերակառուցման համար անհրաժեշտ նախապատրաստական աշխատանքները: Նշենք, որ շինարարական աշխատանքների տևողությունը վերոնշյալ ավագ դպրոցներում կազմելու է մոտ 27 ամիս: Ներկայումս ընթանում են վերակառուցման համար անհրաժեշտ նախագծանախահաշվային փաստաթղթերի վերամշակման աշխատանքները: Հավելենք, որ... 19.01.2023 Նախադպրոցական կրթության միկրոծրագրերի Կառավարման հանձնաժողովը հաստատել է միկրոծրագրերի իրականացման համար ընտրված հաստատությունների ցանկը «Կրթության բարելավման ծրագրի լրացուցիչ ֆինանսավորում» վարկային ծրագրի շրջանակներում շարունակվում է դրամաշնորհների տրամադրումը նախակրթարանների հիմնման նպատակով: 2023 թվականի նախադպրոցական կրթության միկրոծրագրերի իրականացմանն ուղղված նախնական աշխատանքները սկսվել են 2022 թվականի հունիսից: Ծրագրի արդյունավետությունն ու նպատակայնությունը բարձրացնելու նպատակով 2022 թվականի հունիս օգոստոս ամիսների ընթացքում ՀՀ թվով 5 մարզերի մարզպետարանների համապատասխան վարչություններից ԿԾԿ ԾԻԳ է...