Նորություններ
Համաշխարհային բանկի ներկայացուցիչն այցելել է հիմնանորոգվող ավագ դպրոցներ
21.10.2025
Հայաստան այցի շրջանակներում հոկտեմբերի 8-ին և 9-ին Համաշխարհային բանկի առաջադրանքի թիմի ղեկավար, Շիզուկա Կոնիմոտոն ԿԾԿ ԾԻԳ-ի ներկայացուցիչների ուղեկցությամբ այցելել է Երևանի Կ.Դեմիրճյանի անվան թիվ 139, ՀՀ Արարատի մարզի Արտաշատի, ՀՀ Արագածոտնի մարզի Աշտարակի և ՀՀ Լոռու մարզի Վանաձորի ավագ դպրոցներ։ Այցելությունների համատեքստում էր Համաշխարհային բանկի համաֆինանսավորմամբ «Կրթության բարելավման լրացուցիչ ֆինանսավորում» վարկային ծրագրի շրջանակներում իրականացված և ընթացիկ աշխատանքների մշտադիտարկումը։ Կրթական ծրագրերի կենտրոն ԾԻԳ-ի բնապահպան խորհրդատու Ա. Կարապետյանի, ԿԾԿ ԾԻԳ-ի 1.2 ենթաբաղադրիչի ղեկավար Գ. Բաղդասարյանի և 1.2 ենթաբաղադրիչի համակարգող Մ. Սարիբեկյանի ուղեկցությամբ հոկտեմբերի 8-ին Համաշխարհային բանկի ներկայացուցիչն աշխատանքային այցը մեկնարկեց Երևանի Կ.Դեմիրճյանի անվան թիվ 139 ավագ դպրոցից, որտեղ քննարկվեցին շենքի սեյսմակայուն ամրացման և ընդհանուր հիմնանորոգման աշխատանքների հետ կապված մի շարք հարցեր: Հաջորդ կանգառը ՀՀ Արարատի մարզի Արտաշատի ավագ դպրոցն էր, որտեղ ամփոփվում են շինարարական աշխատանքները: Հոկտեմբերի 9-ին ՀԲ ներկայացուցիչը եղավ ևս 2 ավագ դպրոցներում՝ Վանաձորում և Աշտարակում։ Այցելությունների ընթացքում ՀԲ և ԿԾԿ ԾԻԳ-ի ներկայացուցիչները ուսումնասիրել են շինարարական աշխատանքների որակը։ Նրանք շրջել են շինհրապարակներով, քննարկել նախագծային և շինարարական աշխատանքներին վերաբերող մի շարք հարցեր: Այցի ընթացքում ԿԾԿ ԾԻԳ-ի ներկայացուցիչները նշել են, որ շենքերի ամրացման աշխատանքներն ավարտված են։ Ընթանում են ներքին հարդարման և տարածքի բարեկարգման աշխատանքները, Շինարարական աշխատանքներն ամփոփման փուլում են: Համաշխարհային բանկի առաջադրանքի թիմի ղեկավար, Շիզուկա Կոնիմոտոն հիմնանորոգվող դպրոցներ այցերն ամփոփել է Կրթական ծրագրերի կենտրոնում՝ ԿԾԿ ԾԻԳ-ի աշխատակիցների հետ համատեղ քննարկմամբ :
