Կրթական ծրագրերի կենտրոն Կրթության, գիտության, մշակույթի և սպորտի նախարարություն

Նորություններ

Մշտադիտարկում Հայաստանի ազգային ագրարային համալսարանում

27.01.2025

Հունվարի 22-ին, Հայաստանի բարձրագույն կրթության Նորարարությունների մրցակցային հիմնադրամի (ՆՄՀ) դրամաշնորհային ծրագրերի մոնիտորինգային այցերի համատեքստում ՀՀ ԿԳՄՍ նախարարության և ԿԾԿ ԾԻԳ-ի ներկայացուցիչները աշխատանքային այց են իրականացրել Հայաստանի ազգային ագրարային համալսարան (ՀԱԱՀ): Այցի նպատակը ՆՄՀ դրամաշնորհային ծրագրի ընթացիկ մշտադիտարկումն էր: Բուհում աշխատանքային խմբին ընդունեցին ՀԱԱՀ ռեկտորի ժ/պ Հ. Զաքոյանը: Մոնիտորինգային աշխատանքնային խումբը ՀԱԱՀ ռեկտորի և բուհի ներկայացուցիչների հետ քննարկեց դրամաշնորհային ծրագրի իրականցման ընթացքը, ինչպես նաև դրամաշնորհային ծրագրի հետագա սահուն ընթացքի ապահովման և ծրագիրը նախատեսված ժամանակահատվածում ավարտելուն առնչվող հարցեր: Հ. Զաքոյանը հավաստիացրեց, որ դրամաշնորհային ծրագրի շրջանակներում ստեղծվող Կենտրոնը կնպաստի Ագրարային ճարտարագիտության ոլորտի կրթության արդիականացմանը ու հնարավորություն կտա բուհին այսօրվա աշխատաշուկայի համար մրցունակ կադրեր պատրաստել››:
ՀԱԱՀ դրամաշնորհային ծրագրի ղեկավար, ՀԱԱՀ Որակի գնահատման և ապահովման կենտրոնի որակի կառավարման բաժնի վարիչ Արա Ամիրյանը և Ագրարային ճարտարագիտության ֆակուլտետի դեկան Արման Սիմոնյանը ՀՀ կրթության, գիտության, մշակույթի և սպորտի նախարարության Բարձրագույն կրթության և գիտության կոմիտեի ներկայացուցչի և «Կրթական ծրագրերի կենտրոնի» ԾԻԳ-ի մշտադիտարկման թիմի հետ շրջեցին կենտրոնի ճարտարագիտական լաբորատորիաներում, աշխատասենյակներում ու լսարաններում: Արձանագրվեց, որ նորաստեղծ կենտրոնին հատկացված տարածքի վերանորոգման, վերակառուցման աշխատանքներն ավարտվել էին, մատակարարվել էր դրամաշնորհային ծրագրի շրջանակներում ձեռքբերված գույքը, համակարգչային սարքավորումները: Դրանք համապատասխան տարածքում էին տեղակայված: Մեկնարկել է կենտրոնի համար լաբորատոր սարքավորումների/ռոբոտների ձեռքբերման գործընթացը: Դրամաշնորհային ծրագրի համակարգող Արման Սիմոնյանը տեղեկացրեց նաև, որ մեկնարկել են մասնագիտական կրթական ծրագրերի վերանայման աշխատանքները: Նա շեշտեց, որ ծրագրի արդյունքում Ագրարային ճարտարագիտության ֆակուլտետում կներդրվի «Ռոբոտաշինություն եւ մեխատրոնիկա» մասնագիտական կրթական ծրագիրը:

Նորություններ

02.05.2025 Տեղեկատվություն Նորարարությունների մրցակցային հիմնադրամի շրջափուլով դրամաշնորհառու բուհերի կողմից իրականացվող դրամաշնորհային ծրագրերի շրջանակներում կնքված պայմանագրերի վերաբերյալ 22.05.2023թ. կնքված դրամաշնորհային պայմանագրերով դրամաշնորհառու երկու և 14.06.2023թ. կնքված դրամաշնորհային պայմանագրերով դրամաշնորհառու երեք բուհերը մեկնարկել են նորարարական ծրագրերի իրականացումը, մասնավորապես, ներքոնշյալ բուհերը, ըստ նախատեսվածի, իրականացրել են ապրանքների և ծառայությունների ձեռքբերման աշխատանքներ, որոնց արդյունքում շնորհված պայմանագրերի վերաբերյալ տեղեկատվությունը, համաձայն Նորարարությունների մրցակցային հիմնադրամի Ղեկավար ձեռնարկի պահանջների, հրապարակվել է համապատասխան... 09.04.2025 ՀԲ պատվիրակության այցերը բնագիտական և ինժեներական ուղղության առարկաների լաբորատորիաներ Ապրիլի 4-ին Համաշխարհային բանկի թիմը Կրթական ծրագրերի կենտրոն ԾԻԳ-ի աշխատակիցների ուղեկցությամբ այցելել է Երևանի և ՀՀ Արագածոտնի մարզի կրթական հաստատություններ: Այցերի համատեքստում ՀԲ-ի կողմից ֆինանսավորվող «Կրթության բարելավման ծրագրի լրացուցիչ ֆինանսավորում» վարկային ծրագրի շրջանակներում իրականացված և ընթացիկ աշխատանքների դիտարկումն էր: Այցերի նպատակն էր նաև հանդիպել դպրոցների տնօրենների, ուսուցիչների հետ՝ ծանոթանալու իրականացված աշխատանքների արդյունքներին: Առաքելության... 08.04.2025 Համաշխարհային բանկի թիմն այցելել է հիմնանորոգվող ավագ դպրոցներ Մարտի 31-ին Համաշխարհային բանկի թիմը ԿԾԿ ԾԻԳ-ի ներկայացուցիչների ուղեկցությամբ այցելել Երևանի Կ.Դեմիրճյանի անվան թիվ 139 և ՀՀ Արարատի մարզի Արտաշատի ավագ դպրոցներ։ Այցելությունների համատեքստում էր Համաշխարհային բանկի համաֆինանսավորմամբ «Կրթության բարելավման լրացուցիչ ֆինանսավորում» վարկային ծրագրի շրջանակներում իրականացված և ընթացիկ աշխատանքների մշտադիտարկումը։ Առաքելության կազմում էին Առաջադրանքի թիմի համաղեկավար, Շիզուկա Կոնիմոտոն, ՀԲ խորհրդատու Ալեքսանդր Թովմասյանը, ՀԲ...