Նորություններ

ՀՀ Տավուշի մարզի թվով 80 դպրոցներին տրամադրվել են լաբորատոր սարքավորումներ, լաբորատոր գույք և համակարգչային սարքավորումներ

20.02.2023

Տավուշի մարզում բնագիտական, տեխնոլոգիական, ճարտարագիտական, մաթեմատիկական (ԲՏՃՄ) կրթության կրթական միջավայրի բարելավման նպատակով մարզի թվով 80 դպրոցներին ֆիզիկա, քիմիա, կենսաբանություն, աշխարհագրություն և ՏՀՏ առարկաներից տրամադրվել են անհրաժեշտ լաբորատոր սարքավորումներ, պարագաներ, նյութեր և լաբորատոր գույք, ինչպես նաև համակարգչային սարքավորումներ։ Նշված լաբորատորիաների ստեղծումը հնարավորություն է տվել մարզում ԲՏՃՄ առարկաների արդյունավետ և համալիր դասավանդման տեսանկյունից տեսությունը զուգակցել գործնական հմտությունները զարգացնող և փորձը ապահովող անհրաժեշտ սարքավորումներով, գույքով և նյութերով: Նշված սարքավորումները, նյութերը և գույքը կիրառվելու են նաև նոր մշակված առարկայական չափորոշիչների փորձարկման և ներդրման նպատակով: Վերոնշյալ սարքավորումները, նյութերը և գույքը կիրառվում են ամենօրյա դասապրոցեսում: Վերոնշյալ լաբորատորիաները ստեղծվել են «Հայաստանում ԵՄ-ն հանուն նորարարության. բնագիտության, տեխնոլոգիայի, ճարտարագիտության, մաթեմատիկայի (ԲՏՃՄ) ոլորտներում կրթության բարելավում» դրամաշնորհային փորձնական ծրագրի շրջանակում , որը միտված էր նոր ստեղծված «Կրթության զարգացման և նորարարության ազգային կենտրոն»-ի (ԿԶՆԱԿ) կարողությունների հզորացմանը, ինչպես նաև Տավուշի մարզում ԲՏՃՄ առարկաների կրթական միջավայրի բարելավմանը՝ մարզի դպրոցներին համապատասխան լաբորատոր սարքավորումներով, գույքով և նյութերով, համակարգչային տեխնիկայով ապահովելու միջոցով, նպաստելով այս ուղղությամբ կրթության որակի և բովանդակության արդիականացմանն ու կատարելագործմանը: Ստեղծված լաբորատորիաների մասին պատմող տեսանյութը ստորև` https://www.facebook.com/lurer1tv/videos/1284942955394501 

Նորություններ

28.03.2024 Նախադպրոցական կրթության միկրոծրագրերի Կառավարման Մարմին հանձնաժողովը հաստատել է միկրոծրագրերի իրականացման համար ընտրված հաստատությունների ցանկը «Կրթության բարելավման ծրագրի լրացուցիչ ֆինանսավորում» վարկային ծրագրի շրջանակներում շարունակվում է դրամաշնորհների տրամադրումը նախակրթարանների հիմնման նպատակով: 2024 թվականի նախադպրոցական կրթության միկրոծրագրերի իրականացմանն ուղղված նախնական աշխատանքները սկսվել են 2023 թվականի դեկտեմբերից: Ծրագրի արդյունավետությունն ու նպատակայնությունը բարձրացնելու նպատակով 2023 թվականի դեկտեմբերին ՀՀ թվով 9 մարզերի մարզպետարանների համապատասխան վարչություններից ԿԾԿ ԾԻԳ է ներկայացվել... 22.03.2024 Աշխատանքային այց Աշտարակի և Արտաշատի ավագ դպրոցներում Մարտի 22-ին ԿԾԿ ԾԻԳ-ի ներկայացուցիչները աշխատանքային այցով եղել են ՀՀ Արագածոտնի մարզի Աշտարակի Ն. Սիսակյանի անվան թիվ 5 ավագ դպրոցում և ՀՀ Արմավիրի մարզի Արտաշատի ավագ դպրոցում : Այցերի նպատակը «Կրթության բարելավման ծրագրի լրացուցիչ ֆինանսավորում» վարկային ծրագրի շրջանակում վերոնշյալ ավագ դպրոցների հիմնանորոգման աշխատանքների մշտադիտարկումն էր : Վերոնշյալ ավագ դպրոցները ներկայումս «Աջակցություն միջնակարգ դպրոցի երրորդ աստիճանի զարգացմանը» ենթաբաղադրիչի աշխատանքների... 20.03.2024 Աշխատանքային այցեր մայրաքաղաքի հիմնական դպրոցներում «Կրթության բարելավման ծրագրի լրացուցիչ ֆինանսավորում» վարկային ծրագրի շրջանակներում իր աշխատանքներն է շարունակում «Դպրոցին երեխաների պատրաստվածության մակարդակի բարձրացում և կրթության հավասար մեկնարկային հնարավորությունների ապահովում» ենթաբաղադրիչը: Այդ համատեքստում ենթաբաղադրիչի աշխատակիցները կարիքների գնահատման, տարածքի ուսումնասիրման և իրազեկման գործողությունների կազմակերպման նպատակով մարտի 5-ից 20-ը աշխատանքային այցեր են իրականացրել Երևանի ուսումնական...