Նորություններ
Ամփոփվում է «Կրթության բարելավում» վարկային ծրագրի շրջանակներում 8 ավագ դպրոցների սեյսմակայուն հիմնանորոգումը
13.01.2022
Համաշխարհային բանկի համաֆինանսավորմամբ, «Կրթական ծրագրերի կենտրոն» ԾԻԳ-ի «Կրթության բարելավում» վարկային ծրագրի շրջանակներում 2-րդ փուլով իրականացվող 8 ավագ դպրոցների սեյսմակայուն հիմնանորոգումը ամփոփման փուլում է: Նշենք , որ 2021 թ. ընթացքում ավարտվել են երկրորդ փուլով վեց ավագ դպրոցների հիմնանորոգման աշխատանքները Երևանում, Գյումրում, Արթիկում և Վաղարշապատում, իսկ Սևանի ավագ դպրոցի հիմնանորոգումը ամփոփվել է 2022թ.-ի հունվարին: Այժմ ամփոփման փուլում է Գորիսի ավագ դպրոցի հիմնանորոգման աշխատանքները: Հավելենք, որ իրականացվող հիմնանորոգման ընթացքը մշտապես լուսաբանվել է ԿԾԿ ԾԻԳ-ի կայքում համապատասխան հոդվածների հրապարակման միջոցով: Նշենք, որ Վաղարշապատի ավագ դպրոցի հիմնանորոգումը իրականացվել է տնտեսումների արդյունքում, մասնավորապես Ծրագրի 2-րդ փուլով նախատեսված է եղել 7 ավագ դպրոցի հիմնանորոգում, սական ‹‹Կրթական ծրագրերի կետրոն›› ԾԻԳ-ի կողմից գնումների գործընթացի գրագետ կազմակերպման և ֆինանսական միջոցների արդյունավետ կառավարման և տնտեսումների արդյունքում իրականացավ դպրոցի սեյսմակայուն հիմնանորոգումը: ‹‹Կրթության բարելավում›› ծրագրի շրջանակներում իրականացվել են դպրոցների մասնաշենքերի սեյսմակայունությանն ուղղված ամրացման, տանիքների կառուցման, պատուհանների տեղադրման, շենքերի հիմքերի ուժեղացման և ամրացման աշխատանքներ: Իրականացվել են նաև ջեռուցման համակարգի մոնտաժման և տեղակայման աշխատանքներ, սանհանգույցների սալիկապատման աշխատանքներ, կառուցվել են արտաքին և ներքին աստիճաններ ու թեքահարթակներ: Բարեկարգվել են դպրոցների հարակից տարածքները: Կառուցվել են խաղահրապարակներ, ֆուտբոլի և թենիսի մարզահրապարակներ, մարզադահլիճներ, հանդիսությունների դահլիճներ: Իրականացվել են անհրաժեշտ կոմունիկացիաների անցկացման աշխատանքներ:Նշենք, որ «Կրթության բարելավում» ծրագրի շրջանակներում հիմնանորոգված դպրոցներում ևս ստեղծվել են ժամանակակից ռեսուրսներով կահավորված բնագիտական առարկաների գծով լաբորատորիաներ: Ժամանակակից կահավորմանը զուգահեռ քիմիայի և կենսաբանության լաբորատորիաներում իրականացվել են նաև ջրամատակարարման և ջրահեռացման մոնտաժային աշխատանքներ: Հիմնանորոգման նախագծերը մշակելիս «Կրթական ծրագրերի կենտրոն» ԾԻԳ-ի կողմից պահպանվել են ներառական կրթության կազմակերպման բոլոր պահանջները, այսինքն` վերակառուցված դպրոցների շենքերն ունեն հարմարեցված միջավայր:«Կրթական ծրագրերի կենտրոն» ԾԻԳ-ի «Աջակցություն միջնակարգ դպրոցի երրորդ աստիճանի զարգացմանը» ենթաբաղադրիչի ներկայացուցիչները հիմնանորոգման ընթացքում մշտադիտարկումներ են իրակակացրել հիմնանորոգվող տեղամասերում, դիտարկել շինարարության ընթացքն ու իրականացված աշխատանքները: Նշենք, որ հիմնանորոգման աշխատանքները իրականացվում են համաձայն սեյսմիկ անվտանգության չափանիշների: