Նորություններ

Հանրակրթության պետական չափորոշիչի և ծրագրերի վերանայման 4-րդ աշխատաժողովը՝ առցանց

01.07.2020

Հունիսի 23-25-ն առցանց ձևաչափով անցկացվում է Հանրակրթության պետական չափորոշիչի և ծրագրերի վերանայման 4-րդ աշխատաժողովը՝ Եվրամիության ֆինանսավորած «ԵՄ-ն հանուն նորարարության» ծրագրի շրջանակում։

Ողջունելով մասնակիցներին` ԿԳՄՍ նախարարի տեղակալ Ժաննա Անդրեասյանն արձանագրել է, որ գործընթացն արդեն աշխատանքային այն փուլում է, երբ Հանրակրթության պետական չափորոշիչի ու առարկայական ծրագրերի վերաբերյալ ձևավորված են հստակ պատկերացում, որոնց մշակման ուղղությամբ մասնագիտական խմբերն ու փորձագետները մեծ աշխատանք են կատարել։ «Կարող ենք արձանագրել, որ հանրակրթության բովանդակության բարեփոխումն առաջ է ընթանում, և մենք արդեն քննարկում ենք հաջորդ փուլի՝ ուսումնառության նյութերի մշակման խնդիրը, որը պետք է մոտեցնի մեր պատկերացրած լավագույն ուսումնական միջավայրի ձևավորմանը։ Սա մեզ հնարավորություն կտա ուրվագծել փորձարկման և կոնկրետ բարեփոխմանը միտված քայլերը, որը շատ կարևոր միջանկյալ արդյունք է»,-հայտարարել է նախարարի տեղակալը։

Շեշտելով, որ համավարակը նոր մարտահրավեր է բոլորի համար, նախարարի տեղակալը հույս է հայտնել, որ այս պայմաններում կազմակերպված հեռավար աշխատաժողովը կլինի նույնքան արդյունավետ, որքան սովորական դեմ առ դեմ աշխատանքային քննարկումը։

Ժաննա Անդրեասյանը ՀՀ կառավարության և ԿԳՄՍ նախարարության անունից շնորհակալություն է հայտնել Եվրոպական Միությանը և Համաշխարհային բանկին՝ հանրակրթության բովանդակային բարեփոխման ծրագիրը համատեղ իրականացնելու համար՝ վստահություն հայտնելով, որ կրթության բարեփոխումների արդյունքը նպաստելու է Հայաստանում մարդկային կապիտալի զարգացմանը. «Կրթության բարելավումը հանրային բարիք է և դրա արդյունքները հասանելի են լինելու մեր հասարակության յուրաքանչյուր անդամի համար»,- նշել է Ժ. Անդրեասյանը՝ աշխատաժողովի մասնակիցներին մաղթելով արդյունավետ աշխատանք։

Հանրակրթության պետական չափորոշիչի և ծրագրերի վերանայման 4-րդ աշխատաժողովին մասնակցում են տեղացի և միջազգային փորձագետներ, առարկայական նոր ծրագրերի մշակման աշխատանքային խմբերում ընդգրկված մասնագետներ։ Աշխատաժողովի հիմնական թեման ուսումնառության նյութերի մշակումն է։

Տեղեկացնենք, որ ծրագիրը ֆինանսավորում է Եվրոպական Միությունը, իրականացվում է Համաշխարհային բանկի աջակցությամբ՝ «ԵՄ-ն հանուն նորարարության պիլոտային աշխատանք Հայաստանի STEM/բնագիտություն, տեխնոլոգիաներ, ճարտարագիտություն և մաթեմատիկա/ բնագավառում» ծրագրի շրջանակում։ 

Աղբյուրը՝http://escs.am

Նորություններ

23.11.2022 Աշխատանքային այցեր ՀՀ մարզերի ուսումնական հաստատություններում «Կրթության բարելավման ծրագրի լրացուցիչ ֆինանսավորում» վարկային ծրագրի շրջանակներում «Դպրոցին երեխաների պատրաստվածության մակարդակի բարձրացում և կրթության հավասար մեկնարկային հնարավորությունների ապահովում» ենթաբաղադրիչի աշխատակիցները նոյեմբեր ամսվա ընթացքում  այցեր են իրականացրել ՀՀ Արմավիրի, Արարատի, Արագածոտնի, Գեղարքունիքի և  Կոտայքի մարզերում: Աշխատանքային այցերի նպատակն էր միկրոծրագրերի իրականացման հայտ ներկայացրած ուսումնական հաստատությունների կողմից... 22.11.2022 Ամփոփվել է Նորարարությունների մրցակցային հիմնադրամի (ՆՄՀ) դրամաշնորհային մրցույթի հայտերի ընդունման գործընթացը Նոյեմբերի 22-ին ‹‹Կրթական ծրագրերի կենտրոն›› ԾԻԳ-ի ‹‹Աջակցություն Նորարարությունների մրցակցային հիմնադրամի զարգացմանը›› բաղադրիչի աշխատակիցներն ամփոփեցին Նորարարությունների մրցակցային հիմնադրամի (ՆՄՀ) դրամաշնորհային մրցույթի հայտերի ընդունման գործընթացը: Հիշեցնենք, որ ս.թ. սեպտեմբերի 19-ից Նորարարությունների մրցակցային հիմնադրամի շրջանակներում մեկնարկել էր դրամաշնորհային մրցույթի հայտերի ներկայացման գործընթացը, որի վերջնաժամկետը... 16.11.2022 Կրթությունն ունի բավարար ներուժ՝ դառնալու Հայաստանի մրցակցային առավելություններից մեկը. Ազգային ժողովն ընդունեց կրթության զարգացման՝ մինչև 2030 թվականի ծրագիրը Ազգային ժողովի լիագումար նիստում երկրորդ ընթերցմամբ և ամբողջությամբ ընդունվեց ‹‹Հայաստանի Հանրապետության կրթության՝ մինչև 2030 թվականը զարգացման պետական ծրագիրը հաստատելու մասին» օրենքը: Հարցը զեկուցել է ԿԳՄՍ նախարար Վահրամ Դումանյանը՝ նշելով, որ ընթացիկ տարվա հոկտեմբերի 5-ին Ազգային ժողովն առաջին ընթերցմամբ ընդունել է «ՀՀ կրթության՝ մինչև 2030 թվականը զարգացման պետական ծրագիրը հաստատելու մասին» օրենքը, որից հետո նախարարությունը սերտորեն համագործակցել է ԱԺ...