Նորություններ

Հանրակրթության վերանայված չափորոշիչները փորձնական կներդրվեն 2020-ին

13.09.2019

ՀՀ կրթության,գիտության, մշակույթի եւ սպորտի (ԿԳՄՍ) նախարարությունը սկսել է հանրակրթության պետական եւ առարկայական չափորոշիչների վերանայման գործընթացը։2020 թվականի սեպտեմբերին փոփոխված չափորոշիչները փորձնական կներդրվեն մարզերից մեկում։Հանրակրթության պետական եւ առարկայական չափորոշիչների վերանայման ծրագիրն իրականացնում են տեղի եւ միջազգային փորձագետները։ Մշակված փաստաթղթերը սահմանելու են առարկայացանկը, գնահատման համակարգը, դասավանդման մեթոդները, հենքային ուսումնական պլանը, կարողունակությունները, որ պետք է ունենա դպրոցն ավարտող աշակերտը։Զգալի փոփոխվել է հենքային ուսումնական պլանը։«Կրճատվել է սովորողների բեռնվածությունը, հատկապես՝ միջին դպրոցում, հարմարեցվել է սովորողի տարիքային առանձնահատկություններին։ Եթե երեխան ավագ դպրոցում ընտրում էր բնագիտամաթեմատիկական կամ ֆիզմաթ հոսքը, գիտելիքները խորացնում էր ֆիզիկա եւ մաթեմատիկա առարկաներից։ Բայց լինում էր, որ երեխային պետք էր մի առարկա խորացնել այս հոսքից, մյուսը՝ այն հոսքից, եւ չգիտերը՝ որն ընտրել։ Այժմ ուսումնական պլանն ավելի ճկուն է դարձել։ Անկախ իր հոսքից՝ երեխան կարող է ընտրել առնվազն 2 եւ ավելի առարկա»,- լրագրողներին ասել է փորձագետ Գագիկ Մելիքյանը։Չափորոշիչների վերանայման աշխատանքների առանցքում աշակերտի կարողությունների ու հմտությունների զարգացումն է։ Փոփոխություններ են նախատեսվում նաեւ առարկայացանկում։ Ավելանալու են ինտեգրված առարկաները։«Ավագ դպրոցի բնագիտական հոսքում ավելանում է հումանիտար հասարակություն առարկան։ Նախագծերի միջոցով աշակերտներն ուսումնասիրելու են հասարակական նյութը, որը առաջ դասավանդվում էր հասարակագիտություն, պատմություն եւ այլ առարկաների միջոցով։ Իսկ հումանիտար հոսքում ավելանալու է բնագիտություն առարկան։

 

Այն գիտությունները, որ աշակերտներն ուսումնասիրելու են 7-9-րդ դասարաններում, դրանց փորձերը, տարիքի համապատասխան, իրականացվելու են 5-6 դասարանի բնագիտություն դասընթացի շրջանակում, որպեսզի բարձր դասարաններում գիտություն ուսումնասիրելի ավելի հեշտությամբ սովորեն»,- ասել է փորձագետ Արտաշես Թորոսյանը։Կրթության, գիտության, մշակույթի եւ սպորտի փոխնախարար Արեւիկ Անափիոսյանը նշել է, որ եթե նախկինում դպրոցում որեւէ նորամուծություն կատարելու համար նոր առարկա էր ներդրվում, հիմա մոտեցումը փոխվել է. տարբեր թեմաները ներառվելու են մեկ կամ մի քանի առարկաներում։«Այնպիսի կարեւոր թեմաներ, ինչպիսիք են, մեդիագրագիտությունը, կայուն զարգացումը, ժողովրդավարացումը, քննական մտածողությունը, սովորել սովորելը, փորձում ենք ձեւավորել բոլոր առարկաների միջոցով։ Մենք ցանկանում ենք ոչ թե առարկաներն ու ծանրաբեռնվածությունն ավելացնել, այլ ճիշտ կազմակերպել բովանդակությունը եւ թեմաների մասին խոսել ինտեգրված տեսքով»,-ասել է փոխնախարարը։Նախարարությունն աշխատում է միջազգային գործընկերների հետ՝ ներգրավվելու ֆինանսական միջոցներ ամենածախսատար՝ ուսուցիչների վերապատրաստման ծրագրի համար։ Եթե համապատասխան ռեսուրսներ լինեն, նախատեսվում է 2023 թվականին վերանայված չափորոշիչները ներդնել հանրապետության բոլոր դպրոցներում։ 

Աղբյուրը՝ mediamax.am

Նորություններ

27.01.2023 Հանդիպում Կրթության Կառավարման և Տեղեկատվական Համակարգի (ԿԿՏՀ) բարելավման նպատակով աջակցություն տրամադրող անհատ խորհրդատուների և ՀՀ դպրոցների տնօրենների հետ ‹‹Կրթության համակարգում տվյալների հավաքագրման և առաջընթացի մշտադիտարկման բարելավում›› ենթաբաղադրիչը Կրթական տեխնոլոգիաների ազգային կենտրոնի (ԿՏԱԿ) հետ համատեղ կբարելավվի ԿԳՄՍՆ կարողությունները՝ տվյալների հավաքագրման, վերլուծության միջոցով վերահսկելու հայաստանյան դպրոցների գործունեության արդյունավետությունը: Այս Ենթաբաղադրիչը կխթանի տվյալներով հիմնավորված և փաստերի վրա հիմնված կրթական քաղաքականության մշակման գործընթացը։ Ներկայումս ընթացքում է տվյալների... 26.01.2023 ‹‹Կրթական ծրագրերի կենտրոն›› ԾԻԳ-ը մեկնարկել է թվով 4 ավագ դպրոցների վերակառուցման համար անհրաժեշտ նախապատրաստական աշխատանքները ‹‹Կրթական ծրագրերի կենտրոն›› ԾԻԳ-ի ‹‹Աջակցություն միջնակարգ դպրոցի երրորդ աստիճանի զարգացմանը›› ենթաբաղադրիչի շրջանակում մեկնարկել է թվով 4 ավագ դպրոցների վերակառուցման համար անհրաժեշտ նախապատրաստական աշխատանքները: Նշենք, որ շինարարական աշխատանքների տևողությունը վերոնշյալ ավագ դպրոցներում կազմելու է մոտ 27 ամիս: Ներկայումս ընթանում են վերակառուցման համար անհրաժեշտ նախագծանախահաշվային փաստաթղթերի վերամշակման աշխատանքները: Հավելենք, որ... 19.01.2023 Նախադպրոցական կրթության միկրոծրագրերի Կառավարման հանձնաժողովը հաստատել է միկրոծրագրերի իրականացման համար ընտրված հաստատությունների ցանկը «Կրթության բարելավման ծրագրի լրացուցիչ ֆինանսավորում» վարկային ծրագրի շրջանակներում շարունակվում է դրամաշնորհների տրամադրումը նախակրթարանների հիմնման նպատակով: 2023 թվականի նախադպրոցական կրթության միկրոծրագրերի իրականացմանն ուղղված նախնական աշխատանքները սկսվել են 2022 թվականի հունիսից: Ծրագրի արդյունավետությունն ու նպատակայնությունը բարձրացնելու նպատակով 2022 թվականի հունիս օգոստոս ամիսների ընթացքում ՀՀ թվով 5 մարզերի մարզպետարանների համապատասխան վարչություններից ԿԾԿ ԾԻԳ է...