Նորություններ

Դրամաշնորհային պայմանագրերի կնքում՝ ՆՄՀ երկրորդ հիմնական շրջափուլի շրջանակներում

30.07.2019

Հուլիսի 30-ին Նորարարությունների մրցակցային հիմնադրամի երկրորդ հիմնական շրջափուլի (ՆՄՀ) շրջանակներում ԿԳՄՍՆ «Կրթական ծրագրերի կենտրոն» ԾԻԳ-ի և ՀՀ վեց բուհերի միջև կնքվեցին դրամաշնորհային պայմանագրեր: Հիշեցնենք, որ սույն թվականի հունվարից «Կրթության բարելավում» վարկային ծրագրի Նորարարությունների մրցակցային հիմնադրամի երկրորդ հիմնական շրջափուլի շրջանակներում մեկնարկել է ՀՀ բուհերին մրցակցային հիմունքներով դրամաշնորհներ տրամադրելու գործընթացը, իսկ դրամաշնորհային հայտերի ներկայացման վերջնաժամկետ է սահմանվել ս.թ. ապրիլի 16-ը: Հավելենք, որ ՆՄՀ շրջանակներում բուհերին դրամաշնորհների տրամադրման գործընթացը կազմակերպվում է ՀՀ ԿԳ նախարարի կողմից 20.12.2018թ. թիվ 1713-Ա/2 հրամանով հաստատված ՆՄՀ գործարկման Ղեկավար ձեռնարկով:
Հիշեցնենք նաև, որ դրամաշնորհային հայտերի մշակման գործընթացին աջակցելու նպատակով մարտի 21-22-ին շահառու բուհերի ներկայացուցիչների համար «Կրթական ծրագրերի կենտրոն» ԾԻԳ-ի կողմից կազմակերպվել և իրականացվել է երկօրյա աշխատաժողով: Հավելենք, որ սահմանված վերջնաժամկետում ներկայացվել է դրամաշնորհային ծրագրի 13 հայտ 11 բուհի կողմից: «Կրթական ծրագրերի կենտրոն» ԾԻԳ-ի կողմից իրականացվել է ներկայացված հայտերի ամբողջականության և իրավասության գնահատում, ապա, համաձայն ՆՄՀ Ղեկավար ձեռնարկի, դրանք գնահատվել են Հայտերի գնահատման հնաձնաժողովի կողմից: Գնահատման արդյունքներով ՆՄՀ Համակարգող խորհուրդը հուլիսի 19-ին կայացած նիստում որոշում է կայացրել դրամաշնորհ տրամադրել ամենաբարձրը գնահատված առաջին վեց բուհերին, որոնք են՝ Ճարտարապետության և շինարարության Հայաստանի ազգային համալսարանը, Երևանի պետական համալսարանը, Երևանի Վ. Բրյուսովի անվան պետական լեզվահասարակագիտական համալսարանը, Երևանի Մ. Հերացու անվան պետական բժշկական համալսարանը, Հայ-ռուսական համալսարանը, Հայաստանի ազգային ագրարային համալսարանը: Արդյունքում, վերոնշյալ բուհերի և ԿԾԿ ԾԻԳ-ի միջև իրականացվեց պայմանագրերի կնքում, որին հաջորդելու է դրամաշնորհային ծրագրերի իրականացման գործընթացը: Հավելենք, որ ՆՄՀ-ի շրջանակներում ՀՀ պետական և ոչ պետական բուհերում մինչ օրս իրականացվել են նորարարական 22 ծրագրեր:
 

Նորություններ

10.02.2025 ՀՖԿՍՊԻ-ում ՆՄՀ շրջանակում ստեղծված «Սպորտ ԿԱԲ» գերազանցության կենտրոնը այսօր տարածաշրջանում իրականացնում է կրթական, հետազոտական խորհրդատվական օրինակելի ծառայություններ Համաշխարհային բանկի համաֆինանսավորմամբ, «Կրթական ծրագրերի կենտրոն» ԾԻԳ-ի աջակցությամբ իրականացված «Կրթության բարելավում» վարկային ծրագրի Նորարարությունների մրցակցային հիմնադրամի (ՆՄՀ) շրջանակում ՀՖԿՍՊԻ-ում իրականացվել է «Ֆիզիկական կուլտուրայի և սպորտի ոլորտում մասնագիտական կրթության արդիականացում և բարելավում» դրամաշնորհային ծրագիրը, որի արդյունքում ստեղծվել և գործում է իր տեսակի մեջ եզակի, համապատասխան կահույքով, ժամանակակից նյութատեխնիկական բազայով,... 27.01.2025 Մշտադիտարկում Հայաստանի ազգային ագրարային համալսարանում Հունվարի 22-ին, Հայաստանի բարձրագույն կրթության Նորարարությունների մրցակցային հիմնադրամի (ՆՄՀ) դրամաշնորհային ծրագրերի մոնիտորինգային այցերի համատեքստում ՀՀ ԿԳՄՍ նախարարության և ԿԾԿ ԾԻԳ-ի ներկայացուցիչները աշխատանքային այց են իրականացրել Հայաստանի ազգային ագրարային համալսարան (ՀԱԱՀ): Այցի նպատակը ՆՄՀ դրամաշնորհային ծրագրի ընթացիկ մշտադիտարկումն էր: Բուհում աշխատանքային խմբին ընդունեցին ՀԱԱՀ ռեկտորի ժ/պ Հ. Զաքոյանը: Մոնիտորինգային աշխատանքնային խումբը ՀԱԱՀ ռեկտորի և բուհի... 20.01.2025 Մշտադիտարկման այց Ճարտարապետության և շինարարության Հայաստանի ազգային համալսարանում Հունվարի 16-ին աշխատանքային այցով Ճարտարապետության և շինարարության Հայաստանի ազգային համալսարանում (ՃՇՀԱՀ) էին ՀՀ ԿԳՄՍ նախարարության և ԿԾԿ ԾԻԳ-ի ներկայացուցիչները: Այցի նպատակը Հայաստանի բարձրագույն կրթության Նորարարությունների մրցակցային հիմնադրամի (ՆՄՀ) դրամաշնորհային ընթացիկ ծրագրի մշտադիտարկումն էր: ՀՀ ԿԳՄՍ նախարարության և «Կրթական ծրագրերի կենտրոն» ԾԻԳ-ի ներկայացուցիչները ՃՇՀԱՀ-ի դրամաշնորհային ծրագրի ղեկավար Ինժեներական գեոդեզիայի ամբիոնի դոցենտ, տ.գ.թ. Վարազդատ...