Նորություններ

Աշխատանքային այց Խաչատուր Աբովյանի անվան հայկական պետական մանկավարժական համալսարան

12.07.2019

Հուլիսի 10-ին աշխատանքային այցով Խաչատուր Աբովյանի անվան հայկական պետական մանկավարժական համալսարանում (ՀՊՄՀ) էին ԿԳՄՍ նախարարության և ԿԾԿ ԾԻԳ-ի ներկայացուցիչները: Այցի նպատակը Հայաստանի բարձրագույն կրթության Նորարարությունների մրցակցային հիմնադրամի շրջանակներում բուհի կողմից իրականացվող դրամաշնորհային ծրագրի ընթացիկ մշտադիտարկումն էր: Ներկաները ՀՊՄՀ միջազգային համագործակցության բաժնի ղեկավար, դրամաշնորհային ծրագրի համակարգող Մարիաննա Հարությունյանի ուղեկցությամբ ծանոթացան ՆՄՀ շրջանակներում հիմնվող մուլտիմեդիոն լաբորատորիայի, հետազոտական լսարանների, էլեկտրոնային հարթակի ստեղծման ընթացիկ աշխատանքներին: Նշենք, որ ՀՊՄՀ դրամաշնորհային ծրագրի շրջանակներում ծրագրված էր նախադպրոցական և տարրական մանկավարժության գծով ուսուցման որակը բարելավելու նպատակով ստեղծել նյութատեխնիկապես հագեցած մուլտիմեդիոն լաբորատորիա, երկու մուլտիմեդիոն հետազոտական լսարաններ, մշակել էլեկտրոնային հարթակ՝ դրանց օգնությամբ պատրաստելով ՀՊՄՀ–ում նորարարական գործնական ու հետազոտական հմտություններով և կարողություններով մասնագետներ նախադպրոցական և տարրական կրթության ոլորտում: Մշտադիտարկման արդյունքում ներկաներն ամրագրեցին, որ ծրագրի շրջանակներում ձեռք բերված համակարգչային տեխնիկան, որոնց մատակարարումը իրականացվել էր ծրագրի իրականացման նախորդ փուլերում տեղադրված էին համապատասխան լաբորատորիայում և լսարաններում:
Հանդիպման ընթացքում ներկաները քննարկեցին նաև դրամաշնորհային ծրագրով նախատեսված գործողությունները և գործողությունների ժամանակացույցը: Դրամաշնորհային ծրագրի համակարգողը նշեց, որ ՏՀՏ և հետազոտական կարողությունների զարգացման նպատակով վերապատրաստման մոդուլներ մշակող և վերապատրաստումներ իրականացնող վեց անհատ խորհրդատուներն արդեն իսկ ավարտել են իրենց պայմանագրերով նախատեսված աշխատանքները:Նրա հավաստմամբ ընտրված կազմակերպության կողմից ընթացքի մեջ են նաև ծրագրով նախատեսված էլեկտրոնային կրթական հարթակի և էլեկտրոնային գրադարանի մշակման աշխատանքները:
Հանդիպման առանցքում էր նաև էլեկտրոնային կրթական հարթակի և էլեկտրոնային գրադարանի կիրառելիության հարցը` կրթական գործընթացի վրա ունեցած ազդեցության տեսանկյունից:Դրամաշնորհային ծրագրի համակարգողը փաստեց` երբ համապատասխան ֆակուլտետի ուսանողները կսկեն օգտվել բուհում ստեղծված այդ հնարավորություններից, էլեկտրոնային կրթական հարթակը և էլեկտրոնային գրադարանը զգալիորեն կնպաստեն ուսանողների հմտությունների և կարողությունների կատարելագործմանը:
ՀՊՄՀ դրամաշնորհային ծրագրի համակարգողը նշեց, որ մուլտիմեդիոն հետազոտական լսարանները և լաբորատորիան ծառայում են թիմային նախագծեր, էլեկտրոնային ուսումնաօժանդակ նյութեր պատրաստելուն և օգտագործվում են ամենօրյա հաճախականությամբ: Ներկաները հուսով էին, որ ստեղծվող լաբորատորիան կնպաստի բարձր որակավորում ունեցող մանկավարժական կադրերի պատրաստմանը նախադպրոցական և տարրական կրթության ոլորտում:

 

Նորություններ

26.04.2021 Ամփոփվում են ՀՀ Շիրակի մարզի Գյումրի քաղաքի Ակադեմիական վարժարանի հիմնանորոգման աշխատանքները Ապրիլի 23-ին «Կրթության բարելավում» ծրագրի շրջանակներում իրականացվող աշխատանքների համատեքստում «Կրթական ծրագրերի կենտրոն» ԾԻԳ ներկայացուցիչները ամփոփիչ այց են իրականացրել ՀՀ Շիրակի մարզի Գյումրի քաղաքի Ակադեմիական վարժարանում: «Կրթական ծրագրերի կենտրոն» ԾԻԳ-ի «Աջակցություն միջնակարգ դպրոցի երրորդ աստիճանի զարգացմանը» ենթաբաղադրիչի ղեկավար Գ. Բաղդասարյանը և ինժեներ –շինարարներ Մ. Սարիբեկյանը և Վ. Բոյաջյանը եղան հիմնանորոգվող տեղամասում,... 22.04.2021 ԿԾԿ ԾԻԳ-ի ներկայացուցիչները մշտադիտարկում իրականացրեցին ՀՀ Կոտայքի մարզում ՀՀ ԿԳՄՍՆ «Կրթական ծրագրերի կենտրոն» ԾԻԳ-ի «Դպրոցին երեխաների պատրաստվածության մակարդակի բարձրացում և կրթության հավասար մեկնարկային հնարավորությունների ապահովում» ենթաբաղադրիչի աշխատանքների համատեքստում շարունակվում են «Կրթության բարելավում» ծրագրի շրջանակներում ստեղծված նախակրթարանների մշտադիտարկման այցերը: Այցերի համատեքստում «Դպրոցին երեխաների պատրաստվածության մակարդակի բարձրացում և կրթության հավասար մեկնարկային հնարավորությունների ապահովում»... 20.04.2021 Մշտադիտարկում մայրաքաղաքի ավագ դպրոցներում Ապրիլի 19-ին «Կրթության բարելավում» ծրագրի շրջանակներում իրականացվող աշխատանքների համատեքստում «Կրթական ծրագրերի կենտրոն» ԾԻԳ ներկայացուցիչները աշխատանքային այցով եղան հիմնանորոգվող մայրաքաղաքի Տ.Գ. Շևչենկոյի անվան թիվ 42 ավագ դպրոցում: Հիշեցնենք, որ վերոնշյալ ավագ դպրոցում շարունակվում են սեյսմակայուն հիմնանորոգման շինաշխատանքները: Այցի նպատակը շինարարական աշխատանքների որակի ու տեմպի տեխնիկական մոնիտորինգն էր: «Կրթական ծրագրերի կենտրոն» ԾԻԳ-ի...