Նորություններ

Կրիմինալիստիկական ուսումնափորձագիտական կենտրոն ՆՄՀ դրամաշնորհով

16.02.2019

Փետրվարի 15-ին Երևանի ‹‹Գլաձոր›› համալսարանում տրվեց Կրիմինալիստիկական ուսումնափորձագիտական կենտրոնի› մեկնարկը, որը ստեղծվել է Համաշխարհային բանկի(ՀԲ) համաֆինանսավորմամբ, ‹‹Կրթական ծրագրերի կենտրոն›› ԾԻԳ-ի ‹‹Կրթության բարելավում›› վարկային ծրագրի Նորարարությունների մրցակցային հիմնադրամի (ՆՄՀ) շրջանակներում: Կենտրոնի բացման հանդիսավոր արարողությանը ներկա էին ՀՀ Կրթության և գիտության նախարար Արայիկ Հարությունյանը, ՀՀ ԿԳ փոխնախարար Գրիշա Թամրազյանը, ‹‹Կրթական ծրագրերի կենտրոն›› ԾԻԳ-ի տնօրեն Գրիշա Հովհաննիսյանը, ՀԲ երևանյան գրասենյակի կրթության փորձագետ Անուշ Շահվերդյանը, ոլորտի մասնագետներ, ինչպես նաև բուհի պրոֆեսորադասախոսական կազմի ներկայացուցիչներ և ուսանողներ: Կրիմինալիստիկական ուսումնափորձագիտական կենտրոնի ստեղծման պատմությունը սկսվել է 2017 թ.-ի դեկտեմբերից, երբ ‹‹Կրթության բարելավում›› ծրագրի Նորարարությունների մրցակցային հիմնադրամի (ՆՄՀ) շրջանակում մեկնարկել էր «Իրավագիտություն մասնագիտության արդիականացում» դրամաշնորհային ծրագրի իրականացումը: Հավելենք, որ կենտրոնի ստեղծման պատմությունը և այլ մանրամասներ հասանելի են Կրթական ծրագրերի կենտրոն ԾԻԳ-ի նախկին հրապարակումներում:
Կենտրոնի բացման արարողության սկզբում ԵԳՀ-ի ռեկտոր ի.գ. դոկտոր, պրոֆեսոր Ժ. Ջհանգիրյանը ողջույնի և շնորհավորանքի իր խոսքում նշեց, որ դրամաշնորհային ծրագիրն իրականացավ ԾԻԳ-բուհ համատեղ աշխատանքի շնորհիվ:
«Մեր համատեղ աշխատանքի ու համագործակցության արդյունքում ստեղծվել է եզակի ուսումնափորձագիտական կենտրոն, որը հնարավորություն կտա համալսարանի և այլ ուսումնական հաստատությունների ուսանողներին ձեռք բերել մասնագիտացված գիտելիքներ, փորձառություն՝ իրավական խորհրդատվություն տրամադրելու համար: Մենք համոզված ենք` կատարված աշխատանքի արդյունավետության հետագա ցուցանիշը կլինի իրավագիտության բնագավառում մասնագիտական գիտելիքներով օժտված նոր կադրերի պատրաստումը››,-հավելեց ռեկտորը: ՀՀ կրթության և գիտության նախարար Արայիկ Հարությունյանը ևս կարևորեց նմանօրինակ ծրագրերի իրականացումը, որը նոր որակական հարթության վրա է տեղափոխում մասնավոր բուհի գործունեությունն ու նրա վարկանիշը: Ծանոթանալով կետրոնի ընձեռած հնարավորություններին՝ նախարարը ընդգծեց. ‹‹Այս ենթակառուցվածքի առկայությունը բուհում թույլ է տալիս իրավագիտության ոլորտում ձևավորել մրցունակ գիտական և նորարարական ներուժ››:
Հատկանշական է՝ ապագա, ինչպես նաև արդեն գործող իրավաբանների գործնական հմտությունների զարգացմանն ու կատարելագործմանն ուղղված կենտրոնը, որը հագեցած է փորձաքննությունների համար նախատեսված եզակի սարքավորումներով դեռևս միակն է ողջ տարածաշրջանում: Հենց տեղում հյուրերը հնարավորություն ունեցան դիտելու ներկայացված սարքավորումների աշխատանքը, հետաքրքվեցին և ծանոթացան ուսումնական գործընթացում դրանց կիրառության նպատակներին: Դրամաշնորհային ծրագրի արդյունքում ստեղծվել է իրավագիտության ոլորտում մասնագիտական կարողությունների ձևավորման համար նորագույն, իր տեսակի մեջ եզակի կրթական համալիր՝ հագեցված մատնադրոշմային, ֆինանսատնտեսական և դատահաշվապահական հետազոտությունների ծրագրային ապահովմամբ համակարգչային տեխնիկայով, համապատասխան կահույքով, քննչական ճամպրուկներով, կրիմինալիստիկական ուսումնական ստենդերով, հավաքածուներով, մանեկեններով, ինչպես նաև մասնագիտական ուսումնական գրականությամբ:
Խոսելով կենտրոնի հնարավորությունների մասին դրամաշնորհային ծրագրի ղեկավար Ռիմա Այդինյանը նշեց. ‹‹Դրամաշնորհային ծրագրի արդյունքում բուհն ունի ակտիվ և արդյունավետ համագործակցություն ծավալելու լուրջ նախադրյալներ և արդեն իսկ նախաձեռնել է համագործակցության ծրագրեր մասնագիտական կառույցների հետ››:
Հավելենք, որ ժամանակակից սարքավորումներով զինված լաբորատորիայից և կլինիկայից օգտվելու հնարավորություն կունենան ոչ միայն ԵԳՀ-ի ուսանողները և դասախոսները, այլև այս ոլորտի այլ մասնագետները:


 

Նորություններ

26.07.2021 Ուղեղի գերազանցության կենտրոնի ստեղծման ճանապարհին Հուլիսի 23-ին երկշաբաթյա մոնիտորինգային այցերի համատեքստում աշխատանքային այցով Երևանի պետական բժշկական համալսարանում (ԵՊԲՀ) էին «Կրթական ծրագրերի կենտրոն›› ԾԻԳ-ի ներկայացուցիչները: Այցի նպատակը Հայաստանի բարձրագույն կրթության Նորարարությունների մրցակցային հիմնադրամի (ՆՄՀ) դրամաշնորհային ընթացիկ ծրագրի մշտադիտարկումն էր: Նշենք, որ Երևանի Մ. Հերացու անվան պետական բժշկական համալսարանում միջազգային չափանիշներին համապատասխան գիտահետազոտական և կրթական կենտրոն է ստեղծվում, որը... 23.07.2021 Գենային ճարտարագիտության, գենոմի խմբագրման և 3-րդ սերնդի սեքվենավորման գերազանցության կենտրոնի ստեղծման աշխատանքներն ամփոփվում են «Հայաստանի բարձրագույն կրթության Նորարարությունների մրցակցային հիմնադրամ»-ի ընթացիկ դրամաշնորհային ծրագրերի երկշաբաթյա ամփոփիչ մշտադիտարկումների համատեքստում, հուլիսի 22-ին տեղի ունեցավ հանդիպում Հայ-Ռուսական համալսարանում (ՀՌՀ): Հանդիպման ընթացքում ՀՌՀ-ի կողմից իրականացվող դրամաշնորհային ծրագրի ղեկավար Արսեն Առաքելյանը ՀՀ ԿԳՄՍՆ և ԿԾԿ ԾԻԳ-ի ներկայացուցիչներին ծանոթացրեց ՆՄՀ երկրորդ հիմնական շրջափուլի շրջանակներում հիմնվող «Գենային ճարտարագիտության, գենոմի խմբագրման և 3-րդ... 21.07.2021 Ամփոփիչ մշտադիտարկում Ճարտարապետության և շինարարության Հայաստանի ազգային համալսարանում Հուլիսի 20-ին, Հայաստանի բարձրագույն կրթության Նորարարությունների մրցակցային հիմնադրամի (ՆՄՀ) աշխատանքների համատեքստում, տեղի ունեցավ հանդիպում Ճարտարապետության և շինարարության Հայաստանի ազգային համալսարանում (ՃՇՀԱՀ): Հանդիպման նպատակը ՃՇՀԱՀ-ում իրականացվող դրամաշնորհային ծրագրի ամփոփիչ մշտադիտարկումն էր: Համալսարանում ԿԾԿ ԾԻԳ-ի ներկայացուցիչներին ողջունեց ՃՇՀԱՀ դրամաշնորհային ծրագրի ղեկավար Վարազդատ Հովհաննիսյանը: Նշենք, որ 2019 թվականի հուլիսից բուհում մեկնարկել է...