Նորություններ

Ամփոփվում է ԵԳՀ դրամաշնորհային ծրագրի երկրորդ փուլը

26.01.2018

Հունվարի 26-ին աշխատանքային այցով Երևանի Գլաձոր համալսարանում(ԵԳՀ) էին ԿԾԿ ԾԻԳ-ի ներկայացուցիչները: Այցի նպատակը Հայաստանի բարձրագույն կրթության Նորարարությունների մրցակցային հիմնադրամի (ՆՄՀ) դրամաշնորհային ընթացիկ ծրագրի մշտադիտարկումն էր: ԵԳՀ Դրամաշնորհային ծրագրի ղեկավար Ռիմա Այդինյանը ներկաներին ծանոթացրեց ՆՄՀ շրջանակներում <<Իրավագիտություն մասնագիտության արդիականացում>> դրամաշնորհային ծրագրի ընթացիկ աշխատանքներին: Ծրագրի ղեկավարի խոսքով դրամաշնորհային ծրագիրը միտված է ՀՀ-ում <<Իրավագիտություն>> մասնագիտության մրցունակության բարձրացմանը և իրավագիտության բնագավառում մասնագիտական գիտելիքներով օժտված կադրեր պատրաստելու նոր հնարավորությունների ստեղծմանը: Աշխատանքային այցի ընթացքում ներկաները շրջեցին կրիմինալիստիկայի լաբորատորիայում, քննության առան դրամաշնորհային ծրագրով նախատեսված հետագա աշխատանքների և գործընթացների կազմակերպմանն առնչվող մի շարք հարցեր: Ծրագրի նախորդ փուլում կատարված մշտադիտարկման ընթացքում ամրագրվել էր, որ բուհի կողմից տրամադրված տարածքը վերանորոգված է, ձեռք բերված անհրաժեշտ կահույքը և համակարգչային սարքավորումները տեղադրված են: Ծրագրի համատեքստում իրականացվել է նաև դրա լուսաբանումը հեռուստատեսությամբ համապատասխան հոլովակի հեռարձակման միջոցով: Մի շարք քայլեր են ձեռնարկված նաև <<Իրավագիտություն>> մասնագիտության ուսումնական բովանդակության արդիականացման ուղղությամբ: Մասնավորապես, ուսումնասիրվել է Հայաստանի բարձրագույն ուսումնական, գիտահետազոտական ու փորձագիտական հաստատությունների կրիմինալիստիկական լաբորատորիաների փորձը, ինչի արդյունքում մշակվել է կրիմինալիստիկական ուսումնական կաբինետի և լաբորատորիայի կիրարման համար փաստաթղթային հենքը: Մշակվել և տպագրվել է <<Կրիմինալիստիկական գործունեություն>> մագիստրոսական ծրագրի ձեռնարկը:
Բուհը նախատեսածի համաձայն ձեռք է բերել գրենական պիտույքներ՝ լաբորատորիայի ուսումնական գործընթացների արդյունավետության ապահովման նպատակով:
Բուհում <<Իրավագիտություն>> մասնագիտության ուսումնական բովանդակության արդիականացումը իրականացվում է նաև ուսումնական պլանների, դասընթացների նկարագրերի վերանայման միջոցներով: Ամփոփվել են <<Կրիմինալիստիկական գործունեություն>> մագիստրոսական կրթական ծրագրի նկարագրի և ուսումնական պլանի վերամշակման աշխատանքները և ընթացքում է նորացված ուսումնական պլանի դասընթացներին համապատասխան մասնագետների հավաքագրման աշխատանքները: Բուհը նախատեսում է լոկալ գրադարանի համար ձեռք բերել անհրաժեշտ կրիմինալիստիկական գրականություն: Դրամաշնորհային ծրագրի ղեկավարի հավաստմամբ մասնագիտական գրականության ցանկը ճշտված է և փաթեթն արդեն պատրաստ է: Հավելենք, որ դրամաշնորհային ծրագրի իրականացումը միտված է համալսարանում գիտական ու նորարարական աշխատանքների ծավալմանը և բուհի մրցունակության բարձրացմանը:

 

Նորություններ

22.03.2024 Աշխատանքային այց Աշտարակի և Արտաշատի ավագ դպրոցներում Մարտի 22-ին ԿԾԿ ԾԻԳ-ի ներկայացուցիչները աշխատանքային այցով եղել են ՀՀ Արագածոտնի մարզի Աշտարակի Ն. Սիսակյանի անվան թիվ 5 ավագ դպրոցում և ՀՀ Արմավիրի մարզի Արտաշատի ավագ դպրոցում : Այցերի նպատակը «Կրթության բարելավման ծրագրի լրացուցիչ ֆինանսավորում» վարկային ծրագրի շրջանակում վերոնշյալ ավագ դպրոցների հիմնանորոգման աշխատանքների մշտադիտարկումն էր : Վերոնշյալ ավագ դպրոցները ներկայումս «Աջակցություն միջնակարգ դպրոցի երրորդ աստիճանի զարգացմանը» ենթաբաղադրիչի աշխատանքների... 20.03.2024 Աշխատանքային այցեր մայրաքաղաքի հիմնական դպրոցներում «Կրթության բարելավման ծրագրի լրացուցիչ ֆինանսավորում» վարկային ծրագրի շրջանակներում իր աշխատանքներն է շարունակում «Դպրոցին երեխաների պատրաստվածության մակարդակի բարձրացում և կրթության հավասար մեկնարկային հնարավորությունների ապահովում» ենթաբաղադրիչը: Այդ համատեքստում ենթաբաղադրիչի աշխատակիցները կարիքների գնահատման, տարածքի ուսումնասիրման և իրազեկման գործողությունների կազմակերպման նպատակով մարտի 5-ից 20-ը աշխատանքային այցեր են իրականացրել Երևանի ուսումնական... 15.03.2024 ՀՀ Շիրակի մարզում շարունակվում են աշխատանքային այցերը «Կրթության բարելավման ծրագրի լրացուցիչ ֆինանսավորում» վարկային ծրագրի շրջանակներում «Դպրոցին երեխաների պատրաստվածության մակարդակի բարձրացում և կրթության հավասար մեկնարկային հնարավորությունների ապահովում» ենթաբաղադրիչի աշխատակիցները կարիքների գնահատման, տարածքի ուսումնասիրման և իրազեկման գործողությունների կազմակերպման նպատակով մարտի 1-ից 15-ը աշխատանքային այցեր են իրականացրել ՀՀ Շիրակի մարզի ուսումնական հաստատություններ: Հիշեցնենք, որ «Դպրոցին երեխաների...