Նորություններ

Երկօրյա աշխատաժողով՝ ՆՄՀ հավելյալ շրջափուլի շրջանակներում

26.01.2017

      Հունվարի 24-25-ին ԿԳՆ «Կրթական ծրագրերի կենտրոն» ԾԻԳ-ում` իրականացվեց «Կրթության բարելավում» վարկային ծրագրի շրջանակներում կազմակերպված երկօրյա աշխատաժողովը: Այն ուղղված էր Նորարարությունների մրցակցային հիմնադրամի (ՆՄՀ) հավելյալ շրջափուլի շրջանակներում դրամաշնորհային ծրագրերում գնումների ընթացակարգերի և ֆինանսական հաշվետվությունների մշակման ու ներկայացման գործընթացի հստակեցմանը: Վերապատրաստման նպատակով՝ աշխատաժողովին մասնակցում էին ԾԻԳ-ի հետ պայմանագրեր կնքած պետական և ոչ պետական վեց բուհերի ներկայացուցիչներ: Հիշեցնենք, որ 2016 թվականի հուլիսի 25-ին մեկնարկել է Նորարարությունների մրցակցային հիմնադրամի հավելյալ շրջափուլի կազմակերպումը, որի արդյունքով դեկտեմբերի 23-ին ԿԳՆ «Կրթական ծրագրերի կենտրոն» ԾԻԳ-ի և ՀՀ վեց բուհերի միջև կնքվել են դրամաշնորհային պայմանագրեր: Ըստ այդմ Ֆիզիկական կուլտուրայի և սպորտի Հայկական պետական ինստիտուտում, Շիրակի պետական համալսարանում, Խ. Աբովյանի անվան Հայկական պետական մանկավարժական համալսարանում, Երևանի պետական կոնսերվատորիայում, Գլաձոր համալսարանում և Հյուսիսային համալսարանում մեկնարկել է դրամաշնորհային ծրագրերի իրականացման գործընթացը:
Հունվարի 24-ին աշխատաժողովի մասնակիցների ուշադրության կենտրոնում ՆՄՀ դրամաշնորհային ծրագրերի գնումների ընթացակարգերի պլանավորման և կազմակերպման առանձնահատկություններն էին: Աշխատաժողովի օրակարգը և նպատակները ներկայացրեց «Աջակցություն Նորարարությունների մրցակցային հիմնադրամի զարգացմանը» բաղադրիչի ղեկավար Ժաննա Անդրեասյանը: Ընդգծելով աշխատաժողովի կարևորությունը, նա արդյունավետ քննարկում մաղթեց աշխատաժողովի մասնակիցներին: «Կրթական ծրագրերի կենտրոն» ԾԻԳ-ի գնումների մասնագետ Վարդան Պողոսյանը ներկայացրեց գնումների ընթացակարգերը, մասնավորապես անդրադառնալով գնանշման փաթեթի կազմման, խորհրդատվական ծառայությունների ընտրության մեթոդների առանձնահատկություններին: Հաջորդ օրն աշխատաժողովի մասնակիցների ուշադրության կենտրոնում ՆՄՀ դրամաշնորհային ծրագրերի ֆինանսական ընթացակարգերի պլանավորման և կազմակերպման առանձնահատկություններն էին: Հարկ է նշել, որ ֆինանսական ընթացակարգերը ներկայացվեցին «Կրթական ծրագրերի կենտրոն» ԾԻԳ-ի ֆինանսական բաժնի կողմից: «Կրթական ծրագրերի կենտրոն» ԾԻԳ-ի ներկայացուցիչները մանրամասն ներկայացրեցին և պարզաբանեցին ֆինանսական հաշվետվության լրացման ենթակա բոլոր ձևաչափերի կազմման առանձնահատկությունները: Հանդիպման ընթացքում եղան նաև բովանդակային հարցեր, որոնց պարզաբանումը տրվեց գրասենյակի բարձրագույն կրթության բաղադրիչի աշխատակիցների կողմից: Ծավալվեց քննարկում, եղան դիտարկումներ ու առաջարկներ, հարցերին տրվեցին սպառիչ պատասխաններ: Հանդիպման ավարտին պարզաբանվեց նաև բուհերի կողմից ներկայացվող փուլային, եռամսյակային և ավարտական հաշվետվության հետ կապված որոշ հարցեր: Աշխատաժողովի ավարտին ներկաները փաստեցին, որ հանդիպումը նպաստեց դրամաշնորհային ծրագրի իրականացման գործընթացը առավել համակարգված և գրագետ կազմակերպելուն:

 

Նորություններ

28.04.2024 ԵՊՀ Ֆարմացիայի ինստիտուտի Դեղապատրաստուկների որակի հսկման և մոնիտորինգի գիտաուսումնական կենտրոնը ստացել է պետական հավատարմագիր ԵՊՀ Ֆարմացիայի ինստիտուտի Դեղապատրաստուկների որակի հսկման և մոնիտորինգի գիտաուսումնական կենտրոնը ստացել է պետական հավատարմագիր: Մասնագիտական թիմն իրականացնելու է դեղերի և հանքանյութերի փորձաքննություն: Հիշեցնենք, որ նորարարական կենտրոնը ստեղծվել է Համաշխարհային բանկի համաֆինանսավորմամբ ‹‹Կրթության բարելավում›› ծրագրի շրջանակում 2021թվականին : Ժամանակակից վերլուծական սարքավորումներով համալրված գիտաուսումնական կենտրոնի գործունեությունը և դրա հենքի վրա... 23.04.2024 ԵՊՀ-ն՝ «Գիտություն» ցուցահանդեսին ներկայացրեց ՆՄՀ դրամաշնորհով ստեղծված ենթակառուցվածքները ՀՀ գիտությունների ազգային ակադեմիայի տարեկան ընդհանուր ժողովի շրջանակում անցկացվեց «Գիտություն» ցուցահանդեսը՝ մեկ հարթակում համախմբելով գիտական կազմակերպությունների, ՀՀ պետական բուհերի ներկայացուցիչներին, կրթության և գիտության ոլորտում ՀՀ ԿԳՄՍՆ և ԳԱԱ գործընկերներին: ԵՊՀ-ն նույնպես մասնակցեց ցուցահանդեսին՝ առանձին տաղավարով ներկայացնելով բուհի գիտական գործունեությունը, կրթական ծրագրերը: Ցուցահանդեսին ողջույնի խոսքով հանդես եկավ ՀՀ ԳԱԱ նախագահ, ակադեմիկոս Աշոտ Սաղյանը։ Նա... 19.04.2024 Աշխատանքային այց Վանաձորի Ս. Նալղռյանի անվան թիվ 3 ավագ դպրոցում Ապրիլի 19-ին ԿԾԿ ԾԻԳ-ի ներկայացուցիչները աշխատանքային այցով եղել են ՀՀ Լոռու մարզի Վանաձորի Ս. Նալղռյանի անվան թիվ 3 ավագ դպրոցում : Այցի նպատակը «Կրթության բարելավման ծրագրի լրացուցիչ ֆինանսավորում» վարկային ծրագրի շրջանակում վերոնշյալ ավագ դպրոցի հիմնանորոգման աշխատանքների մշտադիտարկումն էր : Վերոնշյալ ավագ դպրոցը ներկայումս «Աջակցություն միջնակարգ դպրոցի երրորդ աստիճանի զարգացմանը» ենթաբաղադրիչի աշխատանքների շրջանակներում իրականացվող վերանորոգման ծրագրում...