Նորություններ

Ամփոփվում է ՆՄՀ առաջին փուլի դրամաշնորհային ծրագրերի մեկշաբաթյա մշտադիտարկումը

19.12.2016

     Դեկտեմբերի 15-ին Հայաստանի բարձրագույն կրթության Նորարարությունների մրցակցային հիմնադրամի շրջանակներում ամփոփվեց ընթացիկ դրամաշնորհային ծրագրերի մեկշաբաթյա մշտադիտարկումը բուհերում: Վերջին հանդիպումը տեղի ունեցավ Ճարտարապետության և շինարարության Հայաստանի ազգային համալսարանում (ՃՇՀԱՀ): Մշտադիտարկումն իրականացնում էին ՀՀ կրթության և գիտության նախարարության և ԿԾԿ ԾԻԳ-ի ներկայացուցիչները: Ներկաները ՃՇՀԱՀ ներկայացուցիչների ուղեկցությամբ շրջեցին բուհի տարածքում և ծանոթացան ՆՄՀ շրջանակներում Ճարտարապետական և շինարարական մասնագիտությունների ուսումնագիտափորձարարական լաբորատորիայի ստեղծման աշխատանքներին: Ներկաներին ողջունեց Ճարտարապետության և շինարարության Հայաստանի ազգային համալսարանի ռեկտոր Գագիկ Գալստյանը: Նա նշեց, որ դրամաշնորհային ծրագրերը լավ խթան են կրթության արդիականացման և բարեփոխման գործընթացը առավել ամբողջականացնելու տեսանկյունից, ինչն էլ բուհն իրականացնում է մշտապես ընդլայնելով համագործացության շրջանակը: Հանդիպման ընթացքում քննարկվեցին դրամաշնորհային ծրագրով նախատեսված հետագա աշխատանքների և գործընթացների կազմակերպմանն առնչվող մի շարք հարցեր: Նշենք, որ 2016 թվականի դեկտեմբերին ավարտվում է «Ճարտարապետական և շինարարական մասնագիտությունների ուսումնական ծրագրերի արդիականացումը՝ նորագույն տեխնոլոգիաներով հագեցած ուսումնագիտափորձարարական լաբորատորիայի ստեղծմամբ» դրամաշնորհային ծրագրի երկրորդ փուլը: Այս փուլի մշտադիտարկման արդյունքում ներկաներն ամրագրեցին, որ ավարտվել են լաբորատորիայի տարածքի բարեկարգման աշխատանքները, ամփոփվել է փորձարարական սարքերի, անհրաժեշտ այլ սարքավորումների զգալի մասի ձեռքբերման գործընթացը: Ձեռք բերված լաբորատոր սարքավորումները, հարմարանքները ու տեղակայանքները տեղադրված էին համապատասխան լաբորատորիաներում: Մեկնարկել են չափագրման աշխատանքները: Ընթացքում են փորձարկումների համար անհրաժեշտ նյութերի ձեռքբերումը: Հիշեցնենք, որ լաբորատորիայի համար նախատեսված գույքի, համակարգչային տեխնիկայի, օդափոխման և անվտանգության համակարգերի ձեռքբերումը իրականացվել է դրամաշնորհային ծրագրի առաջին փուլում: Լաբորատորիայի գիտափորձարարական և լսարանային մասի կահավորումը իրականացված է: Ընթացքում են լաբորատոր անձնակազմի ուսուցման նպատակով վերապատրաստումները: Դիտարկելով լաբորատոր սարքավորումները՝ ԿԾԿ ԾԻԳ-ին դրամաշնորհային ծրագրի ընթացքում մասնագիտական աջակցություն ցուցաբերող անհատ խորհրդատու Միհրան Յումուկյանը քննարկեց անհրաժեշտ լաբորատոր սարքավորումների շահագործման և փորձարկումների համար անհրաժեշտ պայմանների ապահովման հետ կապված մի շարք հարցեր:
ՃՇՀԱՀ դրամաշնորհային ծրագրի ղեկավար Վարազդատ Հովհաննիսյանը տեղեկացրեց, որ ծրագրի համատեքստում նախատեսվում է գործուղում Մոսկվայի պետական շինարարական համալսարան, որտեղ գործում է համանման լաբորատոր բազա: Նշված հաստատության հետ առկա են երկկողմ համաձայնագրեր: Ծրագրի ղեկավարը նշեց նաև, որ ճարտարապետաշինարարական կրթությունը նորովի կազմակերպելու համար առաջիկայում կմշակվի հումանիտար, բնագիտական և տեխնիկական կրթամասերում ընդգրկված յոթ մասնագիտությունների կրթական ծրագրերը, ընթացքում են կրթական ծրագրերի վերանայման գործընթացները: Առաջիկայում կմեկնարկի նաև գիտահետազոտական աշխատանքների հետագա սերտիֆիկացման գործընթացը: Հավելենք, որ ժամանակակից սարքավորումներով զինված այսպիսի կենտրոնները մոտ ապագայում որակի նոր չափանիշ կդառնան ոչ միայն ՃՇՀԱՀ-ի, այլև տվյալ բնագավառի համար ընդհանրապես:
 

Նորություններ

28.04.2024 ԵՊՀ Ֆարմացիայի ինստիտուտի Դեղապատրաստուկների որակի հսկման և մոնիտորինգի գիտաուսումնական կենտրոնը ստացել է պետական հավատարմագիր ԵՊՀ Ֆարմացիայի ինստիտուտի Դեղապատրաստուկների որակի հսկման և մոնիտորինգի գիտաուսումնական կենտրոնը ստացել է պետական հավատարմագիր: Մասնագիտական թիմն իրականացնելու է դեղերի և հանքանյութերի փորձաքննություն: Հիշեցնենք, որ նորարարական կենտրոնը ստեղծվել է Համաշխարհային բանկի համաֆինանսավորմամբ ‹‹Կրթության բարելավում›› ծրագրի շրջանակում 2021թվականին : Ժամանակակից վերլուծական սարքավորումներով համալրված գիտաուսումնական կենտրոնի գործունեությունը և դրա հենքի վրա... 23.04.2024 ԵՊՀ-ն՝ «Գիտություն» ցուցահանդեսին ներկայացրեց ՆՄՀ դրամաշնորհով ստեղծված ենթակառուցվածքները ՀՀ գիտությունների ազգային ակադեմիայի տարեկան ընդհանուր ժողովի շրջանակում անցկացվեց «Գիտություն» ցուցահանդեսը՝ մեկ հարթակում համախմբելով գիտական կազմակերպությունների, ՀՀ պետական բուհերի ներկայացուցիչներին, կրթության և գիտության ոլորտում ՀՀ ԿԳՄՍՆ և ԳԱԱ գործընկերներին: ԵՊՀ-ն նույնպես մասնակցեց ցուցահանդեսին՝ առանձին տաղավարով ներկայացնելով բուհի գիտական գործունեությունը, կրթական ծրագրերը: Ցուցահանդեսին ողջույնի խոսքով հանդես եկավ ՀՀ ԳԱԱ նախագահ, ակադեմիկոս Աշոտ Սաղյանը։ Նա... 19.04.2024 Աշխատանքային այց Վանաձորի Ս. Նալղռյանի անվան թիվ 3 ավագ դպրոցում Ապրիլի 19-ին ԿԾԿ ԾԻԳ-ի ներկայացուցիչները աշխատանքային այցով եղել են ՀՀ Լոռու մարզի Վանաձորի Ս. Նալղռյանի անվան թիվ 3 ավագ դպրոցում : Այցի նպատակը «Կրթության բարելավման ծրագրի լրացուցիչ ֆինանսավորում» վարկային ծրագրի շրջանակում վերոնշյալ ավագ դպրոցի հիմնանորոգման աշխատանքների մշտադիտարկումն էր : Վերոնշյալ ավագ դպրոցը ներկայումս «Աջակցություն միջնակարգ դպրոցի երրորդ աստիճանի զարգացմանը» ենթաբաղադրիչի աշխատանքների շրջանակներում իրականացվող վերանորոգման ծրագրում...