Նորություններ

ՀԱԱՀ-ում ավարտվում է դրամաշնորհային ծրագրի երկրորդ փուլը

13.12.2016

     Դեկտեմբերի 12-ին ԿԾԿ ԾԻԳ-ի ներկայացուցիչները Հայաստանի ազգային ագրարային համալսարանի (ՀԱԱՀ) պրոռեկտոր, դրամաշնորհային ծրագրի ղեկավար Վաչագան Մելքոնյանի ուղեկցությամբ այցելեցին Արմավիրի մարզի Ոսկեհատ համայնքի ուսումնափորձնական տնտեսություն: Այցի նպատակը Հայաստանի բարձրագույն կրթության Նորարարությունների մրցակցային հիմնադրամի (ՆՄՀ) դրամաշնորհային ընթացիկ ծրագրի մշտադիտարկումն էր: Շրջելով ինչպես արտադրական տարածքում, այնպես էլ շենքի ներսում, ներկաները ծանոթացան ՆՄՀ շրջանակներում հիմնվող <<Գինեգործական կրթության գիտաուսումնաարտադրական բազայի>> ստեղծման ընթացիկ աշխատանքներին:: Գինեգործության գծով ԾԻԳ-ի անհատ խորհրդատու Մ. Մուրադյանը և դրամաշնորհային ծրագրի ղեկավար Վ. Մելքոնյանը քննարկեցին շենքային պայմանների բարեկարգման աշխատանքների իրականացման հետ կապված մի շարք խնդիրներ, ինչպես նաև գինեգործության համար անհրաժեշտ նորագույն տեխնիկայի ձեռք բերման, շահագործման, խնամքի և սպասարկման հետ կապված մի շարք հարցեր: Նշենք, որ <<Գինեգործական կրթության գիտաարտադրական բաղադրիչի զարգացում>> (ԳԿԳԲԶ) դրամաշնորհային ծրագրի իրականացումը մեկնարկել է 2015 թվականի դեկտեմբերին, և դրամաշնորհային ծրագրի արդյունքում նախատեսվում է գինեգործության ամբողջական արդյունավետ կրթական համակարգի ստեղծում, ինչպես նաև գիտափորձերի համար նախատեսված ժամանակակից գիտաարտադրական տեխնիկայով հագեցած օրինակելի տնտեսության գործարկում: Սույն թվականի դեկտեմբերին ավարտվում է դրամաշնորհային ծրագրի երկրորդ փուլը: Այս փուլի ավարտին կատարված մշտադիտարկման արդյունքում ներկաները ամրագրեցին, որ բուհի կողմից տրամադրված են անհրաժեշտ տարածքները, իսկ բարեկարգման աշխատանքները ընթացքում են: Մշակվել է նշված աշխատանքների համար անհրաժեշտ նաև տեխնիկա-տեխնոլոգիական սխեման: Ամփոփվում են գինեգործական սարքավորումների գնման աշխատանքները: Դրամաշնորհային ծրագրի ղեկավարը տեղեկացրեց նաև, որ գինեգործական կրթությունը նորովի կազմակերպելու համար ոչ միայն մշակվել է անհրաժեշտ կրթական բովանդակություն, այլև ձեռք է բերվել գինու արտադրության և այլ համապատասխան ոլորտների վերաբերյալ ժամանակակից մասնագիտական գրականություն: ՀԱԱՀ դրամաշնորհային ծրագրի ղեկավարի հավաստմամբ կատարվել է նաև գինեգործական արտադրությունների և հայաստանյան գինեգործական կազմակերպությունների փորձի ուսումնասիրում և բենչմարքինգի կազմակերպում: Արտասահմանյան փորձի ուսումնասիրման նպատակով ծրագրի համատեքստում նախատեսվում է դրամաշնորհային ծրագրի համակարգող անդամների գործողումների իրականացում Գերմանիայի Geisenheim համալսարան: Վ. Մելքոնյանը շեշտեց, որ դրամաշնորհային ծրագրի իրականացումը և գինեգործության մասնագիտացված լսարանի ստեղծումը ագրարային կրթություն ստացող ուսանողներին հնարավորություն կտա ձեռք բերել գործնական հմտություններ, գինու արտադրության, շշալցման, պահպանման, մատակարարման վերաբերյալ: ԳԿԳԲԶ-ի ստեղծումը կնպաստի ոլորտի հիմնարար և կիրառական հետազոտությունների արդիակացմանը, գինու արտադրությունում նոր տեխնոլոգիաների մշակմանն ու ներդրմանը:  

Նորություններ

28.04.2024 ԵՊՀ Ֆարմացիայի ինստիտուտի Դեղապատրաստուկների որակի հսկման և մոնիտորինգի գիտաուսումնական կենտրոնը ստացել է պետական հավատարմագիր ԵՊՀ Ֆարմացիայի ինստիտուտի Դեղապատրաստուկների որակի հսկման և մոնիտորինգի գիտաուսումնական կենտրոնը ստացել է պետական հավատարմագիր: Մասնագիտական թիմն իրականացնելու է դեղերի և հանքանյութերի փորձաքննություն: Հիշեցնենք, որ նորարարական կենտրոնը ստեղծվել է Համաշխարհային բանկի համաֆինանսավորմամբ ‹‹Կրթության բարելավում›› ծրագրի շրջանակում 2021թվականին : Ժամանակակից վերլուծական սարքավորումներով համալրված գիտաուսումնական կենտրոնի գործունեությունը և դրա հենքի վրա... 23.04.2024 ԵՊՀ-ն՝ «Գիտություն» ցուցահանդեսին ներկայացրեց ՆՄՀ դրամաշնորհով ստեղծված ենթակառուցվածքները ՀՀ գիտությունների ազգային ակադեմիայի տարեկան ընդհանուր ժողովի շրջանակում անցկացվեց «Գիտություն» ցուցահանդեսը՝ մեկ հարթակում համախմբելով գիտական կազմակերպությունների, ՀՀ պետական բուհերի ներկայացուցիչներին, կրթության և գիտության ոլորտում ՀՀ ԿԳՄՍՆ և ԳԱԱ գործընկերներին: ԵՊՀ-ն նույնպես մասնակցեց ցուցահանդեսին՝ առանձին տաղավարով ներկայացնելով բուհի գիտական գործունեությունը, կրթական ծրագրերը: Ցուցահանդեսին ողջույնի խոսքով հանդես եկավ ՀՀ ԳԱԱ նախագահ, ակադեմիկոս Աշոտ Սաղյանը։ Նա... 19.04.2024 Աշխատանքային այց Վանաձորի Ս. Նալղռյանի անվան թիվ 3 ավագ դպրոցում Ապրիլի 19-ին ԿԾԿ ԾԻԳ-ի ներկայացուցիչները աշխատանքային այցով եղել են ՀՀ Լոռու մարզի Վանաձորի Ս. Նալղռյանի անվան թիվ 3 ավագ դպրոցում : Այցի նպատակը «Կրթության բարելավման ծրագրի լրացուցիչ ֆինանսավորում» վարկային ծրագրի շրջանակում վերոնշյալ ավագ դպրոցի հիմնանորոգման աշխատանքների մշտադիտարկումն էր : Վերոնշյալ ավագ դպրոցը ներկայումս «Աջակցություն միջնակարգ դպրոցի երրորդ աստիճանի զարգացմանը» ենթաբաղադրիչի աշխատանքների շրջանակներում իրականացվող վերանորոգման ծրագրում...