Նորություններ

ՆՄՀ-ի ուշադրության կենտրոնում՝ հեռավար մագիստրոսական կրթությունն է

08.12.2016

Դեկտեմբերի 7-ին ԿԾԿ ԾԻԳ-ի ներկայացուցիչները աշխատանքային այցով եղան Հայաստանի Հանրապետության պետական կառավարման ակադեմիայում, որտեղ տեղի ունեցավ աշխատանքային հանդիպում: Այցի նպատակը Հայաստանի բարձրագույն կրթության Նորարարությունների մրցակցային հիմնադրամի (ՆՄՀ) դրամաշնորհային ընթացիկ ծրագրի մշտադիտարկումն էր: Ծրագրի ղեկավար, ՀՀ պետական կառավարման ակադեմիայի արտաքին կապերի գծով պրոռեկտոր Թերեզա Խեչոյանը ներկաներին ծանոթացրեց ՆՄՀ շրջանակներում <<Հեռավար մագիստրոսական կրթություն՝ համատեղ դիպլոմի շնորհմամբ>> դրամաշնորհային ծրագրի ընթացիկ աշխատանքներին: Դրամաշնորհային ծրագրի իրականացումը մեկնարկել է 2015 թվականի դեկտեմբերին և միտված է ՀՀ-ում հեռավար կրթության ներդրմանն ու զարգացմանը, տեղեկատվական հաղորդակցական տեխնոլոգիաների (ՏՀՏ) կիրառման միջոցով մագիստրոսական կրթության հասանելիության ապահովմանը: Ծրագրի շրջանակներում նախատեսվում է հեռավար ուսուցման հարթակի տեղադրում, ՀՀ պետական կառավարման ակադեմիայի և ՀՀ ԳԱԱ գիտակրթական միջազգային կենտրոնի պրոֆեսորադասախոսական կազմի վերապատրաստում և հեռավար դասընթացների կառուցում, համատեղ դիպլոմի ձևաչափի մշակում: Սույն թվականի դեկտեմբերին ավարտվում է դրամաշնորհային ծրագրի երկրորդ փուլը: Հիշեցնենք, որ առաջին փուլի ավարտին դրամաշնորհային ծրագրով նախատեսված կոնսորցիումի մասնակից երկու բուհերի և ՀՀ կրթության և գիտության նախարարության միջև կնքվել էր <<Հեռավար կրթության զարգացման հուշագիր>>, դրամաշնորհային ծրագրի երկրորդ փուլի ավարտին կատարված մշտադիտարկման արդյունքում ներկաներն արդեն ամրագրեցին որ ավարտվել են հեռավար ուսուցմանը համահունչ և հեռավար կրթության իրականացումը կարգավորող նորմատիվ իրավական ակտերի մշակումը և հաստատումը. փաստաթղթերը հասանելի են, թե՛ ՀՀ ՊԿԱ-ի, թե՛ գործընկեր բուհերի կայքերում: Ծրագրի շրջանակներում մշակված նորմատիվ իրավական փաստաթղթերը առանցքային նշանակություն ունեն դրամաշնորհին մասնակից բուհերի տեսանկյունից, և կարևորագույն խթան են հանդիսանում Հայաստանի բարձրագույն կրթության տարածքում հեռավար կրթության զարգացման համար: Ավարտվել է Բիզնես կառավարում մագիստրոսական ծրագրի հեռավար ուսուցման ուսումնական պլանի կազմումը: Նախատեսվում է ծրագրում ներառված դասընթացների՝ հեռավար ձևաչափով ուսուցմամբ առարկայական նկարագրերի մշակման և դասընթացների կառուցման, աշխատանքների մեկնարկը: Ձեռք բերված անհրաժեշտ տեխնիկական սարքավորումները արդեն տեղադրված են: Դրամաշնորհային ծրագրի ղեկավարը տեղեկացրեց նաև, որ իրականացվել է ուսումնական այց Դրեզդենի տեխնոլոգիական համալսարան (Գերմանիա), և կոնսորցիումի մասնակից երկու բուհերի չորս գիտաշխատողներ ծանոթացել են Սաքսոնիայի ամենախոշոր բուհում իրականացվող հեռավար ուսուցման գործընթացին: Ուսումնական այցի արդյունքների ներկայացման, ձեռք բերված գիտելիքների և փորձի փոխանակման նպատակով առաջիկայում նախատեսվում է աշխատաժողովի կազմակերպում, որը ևս կնպաստի դրամաշնորհային ծրագրի հետագա աշխատանքների արդյունավետ իրականացմանը: Հանդիպման ընթացքում քննարկվեցին դրամաշնորհային ծրագրով նախատեսված հետագա աշխատանքների և գործընթացների կազմակերպմանն առնչվող մի շարք հարցեր: Հավելենք, որ դրամաշնորհային ծրագրի իրականացումը միտված է ՀՀ-ում հեռավար ուսուցման հիմքերի ամրապնդմանն ու հեռավար ուսուցման ազգային համակարգի զարգացմանն ու ինտեգրմանը:

 

Նորություններ

28.04.2024 ԵՊՀ Ֆարմացիայի ինստիտուտի Դեղապատրաստուկների որակի հսկման և մոնիտորինգի գիտաուսումնական կենտրոնը ստացել է պետական հավատարմագիր ԵՊՀ Ֆարմացիայի ինստիտուտի Դեղապատրաստուկների որակի հսկման և մոնիտորինգի գիտաուսումնական կենտրոնը ստացել է պետական հավատարմագիր: Մասնագիտական թիմն իրականացնելու է դեղերի և հանքանյութերի փորձաքննություն: Հիշեցնենք, որ նորարարական կենտրոնը ստեղծվել է Համաշխարհային բանկի համաֆինանսավորմամբ ‹‹Կրթության բարելավում›› ծրագրի շրջանակում 2021թվականին : Ժամանակակից վերլուծական սարքավորումներով համալրված գիտաուսումնական կենտրոնի գործունեությունը և դրա հենքի վրա... 23.04.2024 ԵՊՀ-ն՝ «Գիտություն» ցուցահանդեսին ներկայացրեց ՆՄՀ դրամաշնորհով ստեղծված ենթակառուցվածքները ՀՀ գիտությունների ազգային ակադեմիայի տարեկան ընդհանուր ժողովի շրջանակում անցկացվեց «Գիտություն» ցուցահանդեսը՝ մեկ հարթակում համախմբելով գիտական կազմակերպությունների, ՀՀ պետական բուհերի ներկայացուցիչներին, կրթության և գիտության ոլորտում ՀՀ ԿԳՄՍՆ և ԳԱԱ գործընկերներին: ԵՊՀ-ն նույնպես մասնակցեց ցուցահանդեսին՝ առանձին տաղավարով ներկայացնելով բուհի գիտական գործունեությունը, կրթական ծրագրերը: Ցուցահանդեսին ողջույնի խոսքով հանդես եկավ ՀՀ ԳԱԱ նախագահ, ակադեմիկոս Աշոտ Սաղյանը։ Նա... 19.04.2024 Աշխատանքային այց Վանաձորի Ս. Նալղռյանի անվան թիվ 3 ավագ դպրոցում Ապրիլի 19-ին ԿԾԿ ԾԻԳ-ի ներկայացուցիչները աշխատանքային այցով եղել են ՀՀ Լոռու մարզի Վանաձորի Ս. Նալղռյանի անվան թիվ 3 ավագ դպրոցում : Այցի նպատակը «Կրթության բարելավման ծրագրի լրացուցիչ ֆինանսավորում» վարկային ծրագրի շրջանակում վերոնշյալ ավագ դպրոցի հիմնանորոգման աշխատանքների մշտադիտարկումն էր : Վերոնշյալ ավագ դպրոցը ներկայումս «Աջակցություն միջնակարգ դպրոցի երրորդ աստիճանի զարգացմանը» ենթաբաղադրիչի աշխատանքների շրջանակներում իրականացվող վերանորոգման ծրագրում...