Նորություններ
Ուշադրության կենտրոնում նախադպրոցական կրթությունն է
25.11.2016
Նոյեմբերի 24-ին «Կրթության բարելավում» ծրագրի շրջանակներում իրականացվող աշխատանքների համատեքստում աշխատանքային այցով ՀՀ Արմավիրի մարզում էին ԿԾԿ ԾԻԳ-ի «Դպրոցին երեխաների պատրաստվածության մակարդակի բարձրացում և կրթության հավասար մեկնարկային հնարավորությունների ապահովում» ենթաբաղադրիչի ներկայացուցիչները: Աշխատանքային այցի նպատակը ՀՀ Արմավիրի մարզի համայքներում իրականացվող միկրոծրագրերի ընթացիկ աշխատանքների մշտադիտարկումն էր : Արմավիրի մարզի Մեծամորի թիվ 1 հիմնական և Արմավիր քաղաքի թիվ 5 միջնակարգ դպրոցներում ինչպես նաև Տանձուտ, Ջրառատ , Նորավան, Ոսկեհատ, Հայկավան, Բաղրամյան, Արմավիր, Նոր Արմավիր, Ծաղկալանջ համայքներում միկրոծրագրերն արդեն կյանքի են կոչվել և նախակրթարաններն արդեն գործում են սույն թվականի նոյեմբերի մեկից: Հիշեցնենք, որ Ծրագրի մեկնարկը տրվել է սույն թվականի հունիսի 29-ին, երբ «Կրթական ծրագրերի կենտրոն» ԾԻԳ-ի և Արմավիրի մարզի 12 կրթական հաստատությունների միջև կնքվեցին դրամաշնորհային պայմանագրեր «Կրթության բարելավում» վարկային ծրագրի շրջանակներում: Դրամաշնորհային պայմանագրերի կնքմանը հաջորդեցին վերանորոգման աշխատանքները, գույքի, սարքավորումների, ուսումնական և ուսուցողական նյութերի ձեռքբերումը: Միկրոծրագրերն իրականացվում են դրամաշնորհային ծրագրով սահմանված փուլերի համաձայն: Աշխատանքային այցի շրջանակներում կատարված մշտադիտարկման արդյունքում ԿԾԿ ԾԻԳ-ի ներկայացուցիչներն ամրագրեցին , որ ավարտվել են շենքային պայմանների և տարածքի հիմնանորոգման աշխատանքները, իրականացվել է համապատասխան գույքի, սարքավորումների ձեռքբերումն և տեղադրումը, արդեն մշակված է անհրաժեշտ կրթական բովանդակություն նախադպրոցական կրթությունը նորովի կազմակերպելու համար, ինչպես նաև կատարվել է դաստիարակների վերապատրաստում Կրթության Ազգային ինստիտուտի կողմից: Անհրաժետ գրականության, ուսումնական նյութերի, գրենական պարագաների ձեռքբերումը, ու խաղային անկյունների ստեղծումը կնպաստի նախադպրոցական տարիքի երեխաների կարողությունների և հմտությունների զարգացմանը, անհրաժեշտ գիտելիքների ու հմտությունների ձեռք բերմանը և կապահովվի նրա սահուն անցումը դպրոց: Վերոնշյալ դպրոցի տնօրենները փաստում են , որ ստեղծված հաճելի պայմանները բարձրանում են ուսումնական գործընթացի արդյունավետությունը և որակը:
