Նորություններ

Մեկնարկել են մոնիտորինգային այցերը դեպի ավագ դպրոցներ

24.08.2016

  Օգոստոսի 11-ին և 12-ին ԿԾԿ ԾԻԳ-ի ներկայացուցիչները երկօրյա աշխատանքային այցով եղան ՀՀ մարզերում: Այցի նպատակը «Կրթության բարելավում» վարկային ծրագրի շրջանակներում ՀՀ մարզերի ավագ դպրոցներում հիմնանորոգման ընթացիկ աշխատանքների մշտադիտարկումն էր: Ներկաները եղան Վանաձորի թիվ 13, Սևանի Խ. Աբովյանի անվան և Նոյեմբերյանի ավագ դպրոցներում: Հիշեցնենք, որ վերոնշյալ դպրոցների հիմնանորոգման աշխատանքները գտնվում են նախագծային փուլում: ԿԾԿ ԾԻԳ-ի ներկայացուցիչները, տնօրեն Գ. Հովհաննիսյանի գլխավորությամբ, ծանոթացան դպրոցների և դրանց հարակից տարածքներին, քննության առան հետագա շինարարական աշխատանքներին առնչվող որոշ հարցեր: Հանդիպմանը ներկա էին նաև վերոնշյալ կրթական հաստատությունների տնօրենները: «Կրթության բարելավում» ծրագրի շրջանակներում նախատեսվող գործողությունների համատեքստում՝ ներկաները քննարկեցին վերոնշյալ դպրոցների շենքերի հիմնանորոգման և շինարարական աշխատանքների ընթացքում առաջացող խնդիրների, դրանց կանխման, հնարավորինս մեղմացման ուղիները: Ընդգծելով նախագծերի մշակման փուլի կարևորությունը՝ ԿԾԿ ԾԻԳ-ի ներկայացուցիչները հանդիպեցին Լոռու մարզպետարանի ներկայացուցիչներին: Փոխմարզպետի գլխավորությամբ քննարկեցին Վանաձորի թիվ 13 ավագ դպրոցիհիմնանորոգմանն առնչվող որոշ հարցեր, մասնավորապես շենքի չորորդ հարկի կազմաքանդման հարցը և փորձեցին գտնել լուծման ուղիներ: Վերոնշյալ կրթական հաստատությունների տնօրենների կողմից հնչեցին մի շարք հարցեր, նախատեսվող հիմնանորոգման աշխատանքների վերաբերյալ: Բարձրացված հարցերին տրվեցին սպառիչ պատասխաններ:
Քննարկվեցին նաև շինարարական աշխատանքների ն նախագծերի համապատասխանությանն առնչվող որոշ հարցեր: Հավելենք, որ շինարարական աշխատանքների ընթացքում նախատեսվում է իրականացնել շինարարական տարածքի ցանկապատում, նախազգուշացնող նշանների տեղադրում և տարածքի վերահսկողություն: Նշենք նաև, որ շինարարական աշխատանքների կազմակերպման ընթացքում վերոնշյալ դպրոցները ուսումնական գործընթացը կկազմակերպեն այլ տարածքներում: ԿԾԿ ԾԻԳ-ի ներկայացուցիչները եղան նաև Ստեփանավանում, որտեղ <<Դպրոցին երեխաների պատրաստվածության բարձրացում և կրթության հավասար մեկնարկային հնարավորությունների ապահովում>> ենթաբաղադրիչի շրջանակներում իրականացվում է նախակրթարանների հիմնանորոգում: Շրջելով ինչպես շինհրապարակի ողջ տարածքում, այնպես էլ շենքի ներսում, ներկաները ծանոթացան շինարարական աշխատանքների ընթացքին: Ներկաները փաստեցին, որ «Կրթության բարելավում» ծրագրի իրականացումը կնպաստի, ոչ միայն ընտրված դպրոցների ենթակառուցվածքների վերականգնմանն ու բարելավմանը, այլ կնվազեցնի շահագործման և պահպանման ծախսերը:

Նորություններ

23.11.2022 Աշխատանքային այցեր ՀՀ մարզերի ուսումնական հաստատություններում «Կրթության բարելավման ծրագրի լրացուցիչ ֆինանսավորում» վարկային ծրագրի շրջանակներում «Դպրոցին երեխաների պատրաստվածության մակարդակի բարձրացում և կրթության հավասար մեկնարկային հնարավորությունների ապահովում» ենթաբաղադրիչի աշխատակիցները նոյեմբեր ամսվա ընթացքում  այցեր են իրականացրել ՀՀ Արմավիրի, Արարատի, Արագածոտնի, Գեղարքունիքի և  Կոտայքի մարզերում: Աշխատանքային այցերի նպատակն էր միկրոծրագրերի իրականացման հայտ ներկայացրած ուսումնական հաստատությունների կողմից... 22.11.2022 Ամփոփվել է Նորարարությունների մրցակցային հիմնադրամի (ՆՄՀ) դրամաշնորհային մրցույթի հայտերի ընդունման գործընթացը Նոյեմբերի 22-ին ‹‹Կրթական ծրագրերի կենտրոն›› ԾԻԳ-ի ‹‹Աջակցություն Նորարարությունների մրցակցային հիմնադրամի զարգացմանը›› բաղադրիչի աշխատակիցներն ամփոփեցին Նորարարությունների մրցակցային հիմնադրամի (ՆՄՀ) դրամաշնորհային մրցույթի հայտերի ընդունման գործընթացը: Հիշեցնենք, որ ս.թ. սեպտեմբերի 19-ից Նորարարությունների մրցակցային հիմնադրամի շրջանակներում մեկնարկել էր դրամաշնորհային մրցույթի հայտերի ներկայացման գործընթացը, որի վերջնաժամկետը... 16.11.2022 Կրթությունն ունի բավարար ներուժ՝ դառնալու Հայաստանի մրցակցային առավելություններից մեկը. Ազգային ժողովն ընդունեց կրթության զարգացման՝ մինչև 2030 թվականի ծրագիրը Ազգային ժողովի լիագումար նիստում երկրորդ ընթերցմամբ և ամբողջությամբ ընդունվեց ‹‹Հայաստանի Հանրապետության կրթության՝ մինչև 2030 թվականը զարգացման պետական ծրագիրը հաստատելու մասին» օրենքը: Հարցը զեկուցել է ԿԳՄՍ նախարար Վահրամ Դումանյանը՝ նշելով, որ ընթացիկ տարվա հոկտեմբերի 5-ին Ազգային ժողովն առաջին ընթերցմամբ ընդունել է «ՀՀ կրթության՝ մինչև 2030 թվականը զարգացման պետական ծրագիրը հաստատելու մասին» օրենքը, որից հետո նախարարությունը սերտորեն համագործակցել է ԱԺ...