Նորություններ

Աշխատանքային այց Ճարտարապետության և շինարարության Հայաստանի ազգային համալսարան

22.07.2016

        Հուլիսի 15-ին Հայաստանի բարձրագույն կրթության Նորարարությունների մրցակցային հիմնադրամը ամփոփեց մեկշաբաթյա մշտադիտարկումը բուհերում: Վերջին հանդիպումը տեղի ունեցավ Ճարտարապետության և շինարարության Հայաստանի ազգային համալսարանում (ՃՇՀԱՀ): Մշտադիտարկումն իրականացնում էին ՀՀ կրթության և գիտության նախարարության և ԿԾԿ ԾԻԳ-ի ներկայացուցիչները: Ներկաները ծանոթացան ՆՄՀ շրջանակներում Ճարտարապետական և շինարարական մասնագիտությունների ուսումնագիտափորձարարական լաբորատորիայի ստեղծման աշխատանքներին: Նշենք, որ 2015 թվականի դեկտեմբերին բուհում մեկնարկել է ՙՃարտարապետական և շինարարական մասնագիտությունների ուսումնական ծրագրերի արդիականացումը՝ նորագույն տեխնոլոգիաներով հագեցած ուսումնագիտափորձարարական  լաբորատորիայի ստեղծմամբ՚  ծրագիրը «Կրթության բարելավում» վարկային ծրագրի շրջանակներում: Այս դրամաշնորհային ծրագրի շրջանակներում նախատեսվում է Ճարտարապետական և շինարարական  նյութագիտության, տեխնոլոգիաների ու կոնստրուկցիաների հիմնահարցերին առնչվող  մասնագիտությունների կրթական ծրագրերի արդիականացում և վերանայում, բուհի կարողությունների հզորացմանը միտված արդիական ուսումնագիտափորձարարական լաբորատոր բազայի ստեղծում: Ծրագրի շրջանակներում նախատեսվում է լաբորատորիայի տարածքի մասնակի վերակառուցում ու վերանորոգում, փորձարարական սարքերի, անհրաժեշտ այլ սարքավորումների ու գույքի ձեռքբերում և մոնտաժում,:  Ուսումնագիտափորձարարական լաբորատորիայի ստեղծումը իրականացվում է դրամաշնորհային ծրագրով սահմանված փուլերի համաձայն:  Մշտադիտարկման արդյունքում ամրագրվեց, որ ավարտվել է լաբորատորիայի  համար նախատեսված գույքի, համակարգչային տեխնիկայի, օդափոխման և անվտանգության համակարգերի  ձեռքբերումը: Ընթացքում են լաբորատորիայի տարածքի բարեկարգման աշխատանքները: Մեկնարկել է նաև լաբորատոր սարքավորումներիձեռքբերման գործընթացը: ՃՇՀԱՀ դրամաշնորհային ծրագրի ղեկավար Վարազդատ Հովհաննիսյանը ծանոթացրեց կոնսորցիումի գործընկերոջ հետ համագործակցության ընթացքին: Նշենք, որ դրամաշնորհային ծրագիրն իրականացվում է  ՙՄիկշին՚ ՍՊԸ-ի հետ գործընկերությամբ: Ծրագրի ղեկավարը տեղեկացրեց, որ ճարտարապետաշինարարական  կրթությունը նորովի կազմակերպելու համար առաջիկայում կմշակվի նաև անհրաժեշտ կրթական բովանդակությունը՝ հումանիտար, բնագիտական և տեխնիկական կրթամասերում ընդգրկված յոթ մասնագիտությունների կրթական ծրագրերը: Նա շեշտեց, որ դրամաշնորհային ծրագրի իրականացումը ճարտարապետաշինարարական կրթություն ստացող ուսանողներին հնարավորություն կտա ձեռքբերել գործնական հմտություններ, որոնք  կարևոր պայմաններ են թե որակյալ, ժամանակակից կրթություն ապահովելու տեսանկյունից, թե հետագայում աշխատաշուկայում պատշաճ տեղ զբաղեցնելու համար : Հիշեցնենք, որ ՆՄՀ շրջանակներում 2013 թ.-ին «Կրթական ծրագրերի կենտրոն» ԾԻԳ-ի և ՃՇՀԱՀ–ի միջև դրամաշնորհային պայմանագրով ստեղծվել  և գործում է  Շրջակա միջավայրի, ջրային պաշարների պահպանության և արդյունավետ օգտագործման հիմնահարցերի ուսունագիտական լաբորատորիան, որն իրականացնում է հանրապետության տարածքում հիդրոշինարարական կառույցների փորձաքննություն:

 

 

Նորություններ

23.11.2022 Աշխատանքային այցեր ՀՀ մարզերի ուսումնական հաստատություններում «Կրթության բարելավման ծրագրի լրացուցիչ ֆինանսավորում» վարկային ծրագրի շրջանակներում «Դպրոցին երեխաների պատրաստվածության մակարդակի բարձրացում և կրթության հավասար մեկնարկային հնարավորությունների ապահովում» ենթաբաղադրիչի աշխատակիցները նոյեմբեր ամսվա ընթացքում  այցեր են իրականացրել ՀՀ Արմավիրի, Արարատի, Արագածոտնի, Գեղարքունիքի և  Կոտայքի մարզերում: Աշխատանքային այցերի նպատակն էր միկրոծրագրերի իրականացման հայտ ներկայացրած ուսումնական հաստատությունների կողմից... 22.11.2022 Ամփոփվել է Նորարարությունների մրցակցային հիմնադրամի (ՆՄՀ) դրամաշնորհային մրցույթի հայտերի ընդունման գործընթացը Նոյեմբերի 22-ին ‹‹Կրթական ծրագրերի կենտրոն›› ԾԻԳ-ի ‹‹Աջակցություն Նորարարությունների մրցակցային հիմնադրամի զարգացմանը›› բաղադրիչի աշխատակիցներն ամփոփեցին Նորարարությունների մրցակցային հիմնադրամի (ՆՄՀ) դրամաշնորհային մրցույթի հայտերի ընդունման գործընթացը: Հիշեցնենք, որ ս.թ. սեպտեմբերի 19-ից Նորարարությունների մրցակցային հիմնադրամի շրջանակներում մեկնարկել էր դրամաշնորհային մրցույթի հայտերի ներկայացման գործընթացը, որի վերջնաժամկետը... 16.11.2022 Կրթությունն ունի բավարար ներուժ՝ դառնալու Հայաստանի մրցակցային առավելություններից մեկը. Ազգային ժողովն ընդունեց կրթության զարգացման՝ մինչև 2030 թվականի ծրագիրը Ազգային ժողովի լիագումար նիստում երկրորդ ընթերցմամբ և ամբողջությամբ ընդունվեց ‹‹Հայաստանի Հանրապետության կրթության՝ մինչև 2030 թվականը զարգացման պետական ծրագիրը հաստատելու մասին» օրենքը: Հարցը զեկուցել է ԿԳՄՍ նախարար Վահրամ Դումանյանը՝ նշելով, որ ընթացիկ տարվա հոկտեմբերի 5-ին Ազգային ժողովն առաջին ընթերցմամբ ընդունել է «ՀՀ կրթության՝ մինչև 2030 թվականը զարգացման պետական ծրագիրը հաստատելու մասին» օրենքը, որից հետո նախարարությունը սերտորեն համագործակցել է ԱԺ...