Հայտարարություններ

Հայտարարություն «Կրթության բարելավում» վարկային ծրագրի «Նորարարությունների մրցակցային հիմնադրամի» ֆինանսական աջակցությամբ իրականացվող «Լեզվական և կրթական տեխնոլոգիաների «ՀայԼինգվոՏեք» գերազանցության կենտրոնի ստեղծում» դրամաշնորհային ծրագրի շրջանակներում «UD_Armenian_Brusov (ՅուԴի_Արմինիան_Բրյուսով) շարահյուսական ծառերի բանկ» կիրառական հետազոտական նախագծի ծրագրի իրականացման համար լեզվաբան հիմնական հետազոտող և համակարգող անհատ խորհրդատուի ընտրության մրցույթի

12.04.2021

Վ. Բրյուսովի անվան պետական համալսարանը (այսուհետև՝ ԲՊՀ) իրականացնում է «Լեզվական և կրթական տեխնոլոգիաների «ՀայԼինգվոՏեք» գերազանցության կենտրոնի ստեղծում» դրամաշնորհային ծրագիրը (այսուհետև՝ Ծրագիր)` «Կրթության բարելավում» վարկային ծրագրի շրջանակներում իրականացվող «Հայաստանի բարձրագույն կրթության նորարարությունների մրցակցային հիմնադրամի» ֆինանսավորմամբ:
Ծրագրի նպատակն է զարգացնել լեզվահասարակագիտական մասնագիտությունների ոլորտում տեխնոլոգիահենք կրթությունն ու հետազոտությունը Հայաստանի Հանրապետությունում՝ պատրաստելով մասնագետներ հաշվողական լեզվաբանություն, համընթաց թարգմանություն, կրթության գնահատման և թեստավորում միջոլորտային մասնագիտություններով: Ծրագիրը նաև նպատակ ունի զարգացնել թվային միջավայրում հայերենի լիարժեք օգտագործումը և ներդնել հայերենի իմացության մակարդակների գնահատման գործիքակազմ: Ծրագրի իրականացումը կխթանի կրթություն-հետազոտություն-նորարարություն կապը:
Ծրագրի նպատակների իրագործումն ապահովելու համար նախատեսվում է.
 ներդնել բակալավրի «Հաշվողական լեզվաբանություն» և մագիստրոսի «Համընթաց թարգմանություն» ՄԿԾ-երը, խթանել «Կրթության գնահատում և թեստավորում» նորաստեղծ ՄԿԾ-ի իրականացումը,
 հիմնել «ՀայԼինգվոՏեք» գիտաուսումնական կենտրոն՝ իր տեխնոպարկով, որի գործունեությունը կներառի հաշվողական լեզվաբանության, բնական լեզվի մշակման և թեստավորման ոլորտներում հետազոտությունների իրականացումը՝ դիտարկելով հայերենը որպես թիրախային լեզու, և «ՀայԼինգվոՏեք»-ի հետազոտական-նորարարական աշխատանքների արդյունքներն արտացոլել ներդրվող ՄԿԾ-երում՝ ստեղծելով հետադարձ կապ:
Մասնավորապես, Ծրագրի նպատակներից է ԲՊՀ-ում հաշվողական (համակարգչային), ինչպես նաև կորպուսային լեզվաբանության բնագավառներում հետազոտական կարողությունների հզորացումը, բակալավրի և մագիստրոսի պատրաստման կրթական ծրագրերում բնական լեզվի մշակում հետազոտական բաղադրիչի ներդրումը՝ «UD_Armenian-Brusov/BSU շարահյուսական ծառերի բանկ» կիրառական հետազոտական նախագծի (այսուհետև՝ Նախագիծ) իրականացման միջոցով։
«UD_Armenian-Brusov/BSU շարահյուսական ծառերի բանկ» կիրառական հետազոտական նախագծի իրականացման համար նախատեսվում է ստեղծել 4 (չորս) անհատ խորհրդատուներից կազմված հետազոտական խումբ, որոնցից 1-ը (մեկը) կլինի հետազոտական խմբի համակարգողը, իսկ մնացյալ 3-ը (երեքը)՝ հետազոտողներ գրականոն գործերի, իրավական բնույթի տեքստերի, մամուլի լեզվի լեզվական տվյալների և բառամթերքի հավաքագրման և մշակման ուղղությամբ: Վերոնշյալ երեք ուղղությունների ընտրությունը պայմանավորված է տեքստերի ներկայացուցչականությամբ՝ տվյալ ուղղություններով բառամթերքի կիրառելիության հաճախականությամբ և քանակով: Հետազոտության իրականացման համար հետազոտական խմբում, որպես անհատ խորհրդատուներ, ներառված է հումանիտար, բանասիրական գիտությունների և լեզվաբանության 4 մասնագետ, որոնցից մեկը՝ հետազոտական խմբի համակարգող, հիմնական հետազոտող, երեքը՝ լեզվաբան ծանոթագրողներ։ Հետազոտական խմբում ներգրավված յուրաքանչյուր անհատ խորհրդատուի համար սահմանվում է պարտականությունների առանձին շրջանակ:

ՀԱՏՈՒԿ ԱՌԱՋԱԴՐԱՆՔ
Խորհրդատվական ծառայությունը մատուցող խմբի անհատ խորհրդատուն՝ լեզվաբան հիմնական հետազոտող և համակարգողը, իր պայմանագրի ժամանակահատվածում կիրականացնի ներքոնշյալ աշխատանքները՝ 3 փուլով:
Առաջին փուլ.
 Փուլայնացնել նախագծի իրականացման գործողությունները,
 Ընտրել ծառադարանի հիմքում դրվող լեզվական տվյալների շրջանակը (կորպուսի ներկայացուցչականություն, ենթակորպուսներ),
 Մշակել կորպուսի մատենագիտական ծանոթագրման համակարգը,
 Մշակել ծառադարանում բառամթերքի՝ բառարանների վրա հիմնվող շտեմավորման համակարգում բառարանների կառուցվածքը,
 Հարմարեցնել նախագծի իրականացման համար անհրաժեշտ թվային գործիքները (ծանոթագրման ծրագրային հարթակ) նախագծի կարիքներին,
 Մշակել և հարմարեցնել UD կաղապարներով արդի գրական արևելահայերենի ձևայնացված նկարագրությունը նախագծի կարիքներին,
 Կազմակերպել քննարկումներ ԲՊՀ-ի Լեզվաբանության և հաղորդակցության տեսության ամբիոնի աշխատակիցների հետ, ինչպես նաև հետազոտական խմբի մյուս անդամների հետ՝ ներկայացնելու հետազոտական նախագծի արդյունքները, մեթոդաբանությունը ԲՊՀ-ի կրթական ծրագրերում արդյունավետ ինտեգրման կամ ներդրման ուղղությամբ,
 Ըստ անհրաժեշտության, վերանայել արդյունքները՝ հիմք ընդունելով քննարկումների եզրակացությունները,
 Ներկայացնել առաջարկություններ, ըստ անհրաժեշտության, ժամանակակից գրականոն գործերի, իրավական բնույթի տեքստերի, մամուլի լեզվի լեզվական տվյալների և բառամթերքի վերաբերյալ,
 Ներկայացնել հաշվետվություն Ծրագրի ղեկավարին՝ ներառելով փուլի ընթացքում մշակված փաստաթղթերը,
 Լրամշակել հաշվետվությունը՝ հիմք ընդունելով ծրագրի ղեկավարի կողմից նկատառումներն ու առաջարկությունները և ներկայացնել հաստատման Վ. Բրյուսովի անվան պետական համալսարանի ռեկտորին:
Երկրորդ փուլ.
 Փորձարկել մշակումները և կատարել հնարավոր շտկումները մինչև 10 000 բառանիշ պարունակող կորպուսի վրա և ներկայացնել հետազոտական թիմի անդամներին,
 Ստուգել 40 000 բառանիշ ծավալով ծանոթագրված կորպուսի բոլոր նախադասությունները,
 Քննարկել հետազոտական խմբի անդամների հետ երկրորդ փուլի արդյունքները և քննարկումների արդյունքների հիման վրա, ըստ անհրաժեշտության, վերանայել ծանոթագրված նախադասությունները,
 Փուլի ավարտին ներկայացնել հաշվետվություն Ծրագրի ղեկավարին՝ ներառելով փուլում մշակված փաստաթղթերը,
 Լրամշակել հաշվետվությունը հիմք ընդունելով ծրագրի ղեկավարի կողմից նկատառումները ու առաջարկությունները և ներկայացնել հաստատման Վ. Բրյուսովի անվան պետական համալսարանի ռեկտորին:

Երրորդ փուլ.
 Ամբողջացնել UD_Armenian-Brusov ծառադարանը CoNLL-U ձևաչափով և տեղադրել UD և Github հարթակներում;
 Քննարկել հետազոտական խմբի անդամների հետ երրորդ փուլի արդյունքները և քննարկումների արդյունքների հիման վրա, ըստ անհրաժեշտության, վերանայել ծանոթագրված նախադասությունները,
 Փուլի ավարտին ներկայացնել հաշվետվություն Ծրագրի ղեկավարին՝ ներառելով փուլում մշակված փաստաթղթերը,
 Լրամշակել հաշվետվությունը՝ հիմք ընդունելով ծրագրի ղեկավարի կողմից նկատառումները ու առաջարկությունները և ներկայացնել հաստատման Վ. Բրյուսովի անվան պետական համալսարանի ռեկտորին:

 

 

4. ԱՇԽԱՏԱՆՔՆԵՐԻ ԿԱՏԱՐՄԱՆ ԺԱՄԱՆԱԿԱՑՈՒՅՑ
(Կարող է ճշգրտվել պայմանագրի ստորագրման ժամանակ, կախված պայմանագրի կնքման ամսաթվից)
Լեզվաբան հիմնական հետազոտող և համակարգողը աշխատանքները կիրականացնի 3 փուլով՝ հետևյալ ժամանակացույցի համաձայն.
 առաջին փուլ՝ 2021թ. մայիս (1 ամիս),
 երկրորդ փուլ՝ 2021թ. հունիս (1 ամիս),
 երրորդ փուլ՝ 2021թ. հուլիս (1 ամիս):
Որակավորման նվազագույն պահանջները և գնահատման չափանիշները.
Չափանիշը Առավելագույն միավորը
Որակավորում`
 բարձրագույն կրթություն հումանիտար գիտությունների ոլորտի միջգիտակարգային մասնագիտությունների, բանասիրության, լեզվաբանության, մանկավարժության գիտությունների բնագավառում,
 գիտությունների թեկնածուի որակավորումը նշված ոլորտներում կդիտարկվի որպես առավելություն,
 հայերենի գերազանց, իսկ ռուսերենի և անգլերենի՝ լավ իմացություն։ 30
Ընդհանուր փորձառություն՝
 առնվազն 5 տարվա համապատասխան ոլորտով աշխատանքի փորձ բարձրագույն ուսումնական հաստատությունում,
 համակարգչային ծրագրերով (Microsoft Office) աշխատելու, ինչպես նաև համացանցի տեղեկատվական ռեսուրսներից օգտվելու գերազանց հմտություններ:
30
Հատուկ փորձառություն՝
 լեզվական տվյալների ծանոթագրման, քերականությունների ձևային նկարագրման գիտահետազոտական նախագծերում մասնակցություն,
 լեզվաբանության մասնագիտական առանձնահատկությունների, գործնական խնդիրների և դրանց տեսականացված հիմնավորումների իմացությունը կդիտարկվի որպես առավելություն: 40

«Խորհրդատուի ընտրությունը կիրականացվ «Ուղեցույց. ՄԶՎԲ վարկերի և ՄԶԸ փոխառությունների և դրամաշնորհների շրջանակներում Համաշխարհային Բանկի Փոխառուի կողմից խորհրդատուների ընտրություն և վարձույթ» («Խորհրդատուների ուղեցույց», 2011թ. հունվար, վերանայված 2014 հուլիս) «Անհատ խորհրդատուի ընտրություն» ընթացակարգի համաձայն»:

Դիմող թեկնածուները դիմումին կից (դիմումի ձևը կցվում է) պետք է ներկայացնեն հետևյալ փաստաթղթերը.
 ինքնակենսագրական տվյալները (CV), որը պետք է պարունակի դիմողի վերաբերյալ հետևյալ տեղեկությունները` անունը, ազգանունը, ծննդյան թիվը, կրթությունը, մասնագիտությունը, մանրամասն աշխատանքային փորձը, աշխատանքների ցանկը և այլ անհրաժեշտ տեղեկատվություն:
 Կրթությունը հիմնավորող փաստաթղթեր:

Համապատասխան փորձ ունեցող մասնագետները կարող են դիմել աշխատանքային օրերին «Վ. Բրյուսովի անվան պետական համալսարան» հիմնադրամ` ք. Երևան, Թումանյան 42 հասցեով, 2303 սենյակ, կամ էլ. փոստով (ysulsvacancy@gmail.com) մինչև ս.թ. ————-ը, ժամը 17:00 ներառյալ:
Լրացուցիչ տեղեկությունների համար խնդրում ենք դիմել վերոհիշյալ հասցեով, էլեկտրոնային հասցեով, կամ հետևյալ հեռախոսահամարով. (+37411) 300 – 111/206:

 

 

 

 


«Վ. Բրյուսովի անվան պետական համալսարան» հիմնադրամ

Դիմող`
հասցե`
հեռախոս`
Էլ. փոստ`

 

 

Դիմում

Սույնով ցանկություն եմ հայտնում մասնակցել «Լեզվական և կրթական տեխնոլոգիաների «ՀայԼինգվոՏեք» գերազանցության կենտրոնի ստեղծում» դրամաշնորհային ծրագրի «UD_Armenian_Brusov (ՅուԴի_Արմինիան_Բրյուսով) շարահյուսական ծառերի բանկ» կիրառական հետազոտական նախագծի ծրագրի իրականացման համար լեզվաբան հիմնական հետազոտող և համակարգող անհատ խորհրդատուի ընտրության մրցույթին:

Կից ներկայացնում եմ տվյալներ իմ աշխատանքային փորձի և կրթության մասին:

Դիմող`

<< >> ——————————— 2021թ.
 

Նորություններ

26.02.2024 Համաշխարհային բանկի թիմը Կրթական ծրագրերի կենտրոնի աշխատակիցների հետ ամփոփել է մայրաքաղաքային և մարզային այցերը Փետրվարի 23-ին Հայաստան այցի շրջանակում Համաշխարհային բանկի պատվիրակությունը ամփոփիչ հանդիպում է ունեցել ՀՀ ԿԳՄՍՆ ‹‹Կրթական ծրագրերի կենտրոն›› ԾԻԳ-ի աշխատակիցների հետ: Առաքելության կազմում էին Առաջադրանքի թիմի համաղեկավար Շիզուկա Կոնիմոտոն, ՀԲ խորհրդատու Աննա Մալխասյանը, ՀԲ Հայաստանի գրասենյակի ծրագրերի ավագ պատասխանատու՝ Նարինե Թադևոսյանը և ՀԲ գնումների մասնագետ Արմինե Այդինյանը : Հանդիպման առանցքում ՀԲ-ի կողմից ֆինանսավորվող «Կրթության բարելավման ծրագրի... 23.02.2024 ՀԲ-ն ներկայացրել է ԲՏՃՄ ուղղություններով իրականացված կրթական բարեփոխումների անկախ գնահատման արդյունքները ՀՀ կրթության, գիտության, մշակույթի և սպորտի նախարար Ժաննա Անդրեասյանն այսօր մասնակցել է Համաշխարհային բանկի կողմից Հայաստանում ԲՏՃՄ ուղղություններով իրականացված կրթական բարեփոխումների գնահատման վերաբերյալ հետազոտության արդյունքների ներկայացմանը նվիրված միջոցառմանը: Միջոցառմանը ներկա են եղել նաև Հայաստանում Եվրոպական միության ղեկավար, դեսպան Վասիլիս Մարագոսը, Համաշխարհային բանկի հայաստանյան գրասենյակի ղեկավար Կարոլին Գեգինաթը, ԿԳՄՍ նախարարի տեղակալներ Արաքսիա Սվաջյանն ու Արթուր... 22.02.2024 ՀԲ պատվիրակության այցերը ՀՀ մարզեր շարունակվում են ՀԲ պատվիրակության այցերը ՀՀ մարզեր շարունակվեցին նաև փետրվարի 21-ին: ՀԲ պատվիրակությունը եղավ ՀՀ Արմավիրի մարզի Մուսալեռ և Զարթոնք համայնքների միջնակարգ դպրոցներում, որտեղ դիտարկվեցին նորաստեղծ նախակրթարանները և տեղեկատվական տեխնոլոգիաների ( ինֆորմատիկա) և բնագիտական առարկաների (ֆիզիկա, քիմիա, աշխարհագրություն և կենսաբանություն) գծով լաբորատորիաները:: ՀԲ Առաջադրանքի թիմի համաղեկավար, Շիզուկա Կոնիմոտոն, նշեց, որ նախադպրոցական կրթությունը դպրոցում ուսումնական գործընթացի հաջող մեկնարկի...