Կրթական ծրագրերի կենտրոն Կրթության, գիտության, մշակույթի և սպորտի նախարարություն

«Կրթության բարելավման ծրագրի լրացուցիչ ֆինանսավորում» վարկային ծրագրով 1.3 ենթաբաղադրիչի շրջանակներում իրականացվում է տվյալների վիզուալիզացիայի գործիքների մշակում եւ փորձարկում, որոնք կավելացվեն Կրթության կառավարման եւ տեղեկատվական համակարգին (ԿԿՏՀ)՝ ավելացնելով գործող համակարգի հաշվետվություններ տրամադրելու, վերլուծություններ իրականացնելու հնարավորությունը:Վերոնշյալ աշխատանքների համատեքստում 2024 թվականի ապրիլի 15-ին ԿԾԿ ԾԻԳ-ի և ԿՏԱԿ-ի միջև կնքվել է պայմանագիր՝ ԿԿՏՀ-ի բարելավմանն ուղղված նոր վիզուալիզացիայի գործիքների մշակման աշխատանքներն իրականացնելու նպատակով։ Պայմանագրի շրջանակներում ԿՏԱԿ-ի կողմից իրականացվել են տվյալների բազայի կառուցվածքի նախնական նախագծում, մասնավորապես՝ օգտատերերի, նրանց դերերի, թույլտվությունների մոդելավորում, տարբերակավորման կառավարման համակարգի նախագծում և այլն: ԿՏԱԿ-իկողմից իրականացված աշխատանքները դիտարկվել և ընդունվել են ԿԾԿ ԾԻԳ-ի անհատ խորհրդատուների կողմից։ 2025 թվականի ընթացքում շարունակվում է ԿԿՏՀ-ի բարելավման աշխատանքների իրականացումը, որի արդյունքում կներդրվի տվյալների պահպանման և արխիվացման ենթակառուցվածքը, վերլուծական գործիքների նոր հավաքածուն, հաշվետվությունների վիզուալիզացման գործիքները, որակի ապահովման և վերահսկման գործիքը, արհեստական բանականությամբ կառավարվող կանխատեսման համակարգը։Համաձայն պայմանագրի, ավարտը նախատեսվում է 2025 թվականի դեկտեմբերին, որի արդյունքում կունենանք համակարգի ամբողջական արդիականացում,կրթության կառավարման համակարգի բոլոր ենթահամակարգերի թարմացում, բջջային հավելվածների թողարկում: ԿՏԱԿ-ի կողմից ներկայացված աշխատանքներն ու ԿԿՏՀ-ի նոր մոդուլները փուլ առ փուլ կթեսթավորվերեն և կընդունվեն ԿԾԿ ԾԻԳ-ի կողմից ընտրված անհատ խորհրդատուների կողմից։
Բարելավված ԿԿՏՀ-ն արդյունավետ օգտագործման գիտելիքներն ու հմտությունները շահառուների ավելի մեծ շրջանակի համար զարգացնելու նպատակով ԿԾԿ ԾԻԳ-ի կողմից կընտրվի վերապատրաստող կազմակերպություն, որն էլ 2025 թվականի չորրորդ եռամսյակում կիրականացնի համապասասխան վերապատրաստումներ։