Նորություններ
Մշտադիտարկում ՀՀ Արագածոտնի մարզի կրթական հաստատություններում
21.06.2023
ՀՀ Արագածոտնի մարզում նոր ուսումնական տարվանից կգործի թվով 7 նախակրթարան: Հունիս ամսվա ընթացքում մարզային այցերի համատեքստում ‹‹Դպրոցին երեխաների պատրաստվածության մակարդակի բարձրացում և կրթության հավասար մեկնարկային հնարավորությունների ապահովում›› ենթաբաղադրիչի աշխատակիցները այցելել են ՀՀ Արագածոտնի մարզի կրթական հաստատություններ, որտեղ այս տարվա սեպտեմբերին կբացվեն նոր նախակրթարանները: ՀՀ Արագածոտնի մարզում շինարարական աշխատանքներն ընթանում են ամբողջ թափով և սահմանված ժամանակացույցով:Նշենք, որ Համաշխարհային բանկի համաֆինանսավորմամբ ‹‹Կրթության բարելավման ծրագրի լրացուցիչ ֆինանսավորում›› վարկային ծրագրի շրջանակում ‹‹Դպրոցին երեխաների պատրաստվածության մակարդակի բարձրացում և կրթության հավասար մեկնարկային հնարավորությունների ապահովում›› ենթաբաղադրիչի աշխատանքների համատեքստում նախադպրոցական միկրոծրագրերում ընդգրկված են թվով 29 կրթական հաստատություններ ՀՀ Արարատի, Կոտայքի , Գեղարքունիքի, Արագածոտնի, Արմավիրի մարզերից: Հավելենք, որ ՀՀ մարզերի բոլոր կրթական հաստատություններում այս պահին ընթանում են շինարարական աշխատանքներ: Աշխատանքային այցերի շրջանակում կատարված մշտադիտարկման արդյունքում ԿԾԿ ԾԻԳ-ի ինժեներ-խորհրդատու Վռամ Բոյաջյանը արձանագրեց, որ նախակրթարանների հիմնման համար ընտրված տարածքներում կատարվել են էլեկտրամոնտաժային և սանհանգույցների խողովակների մոնտաժման աշխատանքներ: Կառուցվել է հատակի ցեմենտ-ավազե նախաշերտը, ընթանում են սալիկապատման աշխատանքները: Նշենք, որ շինարարական աշխատանքներն ընթանում են պայմանագրով նախատեսված ժամանակացույցին և որակական պահանջներին համապատասխան, դրանք կամփոփվեն հունիսին : Հավելենք նաև, որ վերոնշյալ կրթական հաստատություններում կմեկնարկեն կահույքի, գրենական պիտույքների ուսումնամեթոդական նյութերի ձեռքբերման աշխատանքները: Նախատեսվում է, որ նորաստեղծ նախակրթարանները կգործեն սեպտեմբերի 1-ից:
