Նորություններ
Ամփոփվել է երկօրյա աշխատաժողովը՝ «Կրթության բարելավման ծրագրի լրացուցիչ ֆինանսավորում» վարկային ծրագրի ՆՄՀ շրջափուլի շրջանակներում
21.10.2022
Հոկտեմբերի 21-ին ԿԳՄՍՆ «Կրթական ծրագրերի կենտրոն» ԾԻԳ-ում ամփոփվեց «Կրթության բարելավման ծրագրի լրացուցիչ ֆինանսավորում» վարկային ծրագրի Նորարարությունների մրցակցային հիմնադրամի (ՆՄՀ) շրջանակում մեկնարկած դրամաշնորհային մրցույթի հայտերի լրացմանն օժանդակելու նպատակով կազմակերպված երկօրյա աշխատաժողովը, որն ուղղված էր դրամաշնորհային հայտերի մշակմանը` բովանդակային, ֆինանսական և գնումների ընթացակարգերին վերաբերող հարցերի քննարկմանը: Օրակարգը կազմված էր՝ անդրադարձ անելով դրամաշնորհային հայտի ներկայացման բոլոր կողմերին՝ ներառելով ծրագրային, ֆինանսական, գնումների, մշտադիտարկման և այլ ընթացակարգերը: Հիշեցնենք, որ աշխատաժողովի առաջին օրը մասնակիցների քննարկման տիրույթում էր «Կրթության բարելավման ծրագրի լրացուցիչ ֆինանսավորում» վարկային ծրագրի ՆՄՀ շրջափուլի հայտերի ներկայացման գերակա ուղղությունները, հայտերի գնահատման և ընտրության գործընթացները, ինչպես նաև դրամաշնորհային հայտին կից ներկայացվող հավելվածների ձևաչափերի կազմման առանձնահատկությունները։ Աշխատաժողովի երկրորդ օրը ԾԻԳ-ի ֆինանսական և գնումների համապատասխան մասնագետները ներկայացրեցին գնումների և ֆինանսական ընթացակարգերի տեսանկյունից ՆՄՀ դրամաշնորհային ծրագրի պլանավորման և կազմակերպման առնձնահատկությունները, ՀԲ գնումների ընթացակարգերը, գնման մեթոդները, ինչպես նաև գնումների պլանի լրացմանն ուղղված հարցերը: Հանդիպման ավարտին քննարկում ծավալվեց նաև ՆՄՀ դրամաշնորհային ծրագրի հաշվետվողականության խնդրի շուրջ, ներկայացվեց ՆՄՀ դրամաշնորհային ծրագրի ֆինանսական կարողությունների գնահատման և ծրագրի բյուջեի կազմման ու ներկայացման առանձնահատկությունները: Աշխատաժողովի ավարտին ներկաները նշեցին, որ հանդիպումը նպաստեց դրամաշնորհային հայտերի մշակման ու ներկայացման պահանջների հստակեցմանը:
