Նորություններ

Աշակերտներն այսուհետ կարող են գիտափորձեր կատարել վերջին սերնդի սարքավորումներով

26.02.2020

Փետրվարի 26-ին «Կրթական ծրագրերի կենտրոն» ԾԻԳ-ի «Աջակցություն միջնակարգ դպրոցի երրորդ աստիճանի զարգացմանը» ենթաբաղադրիչի աշխատանքների շրջանակներում ԾԻԳ–ի ներկայացուցիչները մշտադիտարկման այց իրականացրեցին Երևանի թիվ 182 ավագ դպրոց : Ներկաները, տնօրեն Ռուզաննա Ալավերդյանի ուղեկցությամբ, մասնակցեցին բնագիտական առարկաների գծով ստեղծվող լաբորատորիաների համար մատակարարվող ժամանակակից սարքավորումների ընդունման գործընթացին: Հանդիպմանը ներկա էր նաև «ԷՆՍՈՖ» ՍՊԸ (նախկինւմ «ԷՆԳԼԵՐ» ՍՊԸ) ընկերության ներկայացուցիչ Մարիա Նաբոյանը: Նա ֆիզիկայի և քիմիայի ուսուցիչներին ծանոթացրեց սարքավորումների տեխնիկական հնարավորություններին ու օգտագործման պայմաններին, խոսեց դրանց կիրառելիության մասին:
Տնօրեն Ռ. Ալավերդյանի հավաստմամբ տրամադրված լաբորատոր սարքավորումները ամենօրյա կիրառելիություն կունենան դասապրոցեսում:
«Ավագ դպրոցներում նորարարական լաբորատորիաները շատ կարևոր են բնագիտական ոլորտի զարգացման համար: Դրանք երեխաներին հնարավորություն կտան մասնագիտական կողմնորոշման, ինչպես նաև ժամանակակից աշխարհում դառնալու մրցունակ մասնագետներ և իրենց ստացած տեսական գիտելիքները  համատեղելու գործնականի հետ: Բնագիտական առարկաների լաբորատորիաների ստեղծումը մեզ համար երազանք է եղել և մենք այս սարքավորումներին վաղուց ենք սպասում», հավելեց տնօրենը:
«Կրթական ծրագրերի կենտրոն» ԾԻԳ-ի «Աջակցություն միջնակարգ դպրոցի երրորդ աստիճանի զարգացմանը» ենթաբաղադրիչի համակարգող Նունե Ասրյանը փաստեց, որ նորաստեղծ լաբորատորիաները կօգնեն հետաքրքրություն առաջացնել բնագիտական առարկաների նկատմամբ, իսկ դասավանդող ուսուցիչներին էլ հնարավորություն կտան պրակտիկ պարապմունքների միջոցով ամրապնդել փոխանցվող գիտելիքները։
«Բնագիտական առարկաների լիարժեք, արդյունավետ ուսուցման համար ավագ դպրոցների հատկապես, մարզային ավագ դպրոցների նյութատեխնիկական բազան թերհագեցած է։ Բնագիտական առարկաների միայն տեսական դասավանդումը աշակերտների մոտ չի զարգացնում գործնական կարողություններ և հմտություններ և դրանք ձևավորվում են լաբորատոր, ցուցադրական փորձերի կատարման ժամանակ: Այժմ աշակերտները իրենց ուսումնասիրության տեսական մասը կարող են գործնականում փորձարկել, ինքնուրույն կատարել ոչ բարդ քիմիական փորձեր և այս լաբորատոր սարքավորումները նրանց տալիս են այդ հնարավորությունը և վստահ եմ, կկարողանան դառնալ նաև գյուտարարներ- հավելեց Նունե Ասրյանը:
 

Նորություններ

08.04.2020 Կրթական ծրագրերի կենտրոն ԾԻԳ-ի տնօրենը մասնակցել է վարչապետ Նիկոլ Փաշինյանի մոտ տեղի ունեցած խորհրդակցությանը Վարչապետ Նիկոլ Փաշինյանի մոտ տեղի են ունեցել խորհրդակցություններ, որոնց ընթացքում քննարկվել են կրթության, էներգետիկայի, ճանապարհաշինության ուղղություններով կապիտալ և դեռևս տարիներ առաջ ներգրավված վարկային ծրագրերի իրականացման ընթացքին վերաբերող հարցեր: Վարչապետը նախ անդրադարձել է կորոնավիրուսի հետ կապված խնդրին, այնուհետև կապիտալ ծրագրերի իրականացման ուղղությամբ կառավարության քայլերին: «Կորոնավիրուսի համաճարակն ամբողջ աշխարհում բերել է տնտեսական և սոցիալական բարդություններ և... 02.04.2020 Ավագ դպրոցները շուտով կհամալրվեն «Աշխարհագրություն» առարկայի համար անհրաժեշտ լաբորատոր սարքավորումներով ՀՀ բոլոր ավագ դպրոցներն այս տարի կունենան բնագիտական առարկաների գծով ժամանակակից ռեսուրսներով կահավորված լաբորատորիաներ: Փետրվարից մայրաքաղաքում և մարզերում մեկնարկել էր ավագ դպրոցներին բնագիտական առարկաների գծով լաբորատոր սարքավորումների տրամադրման գործընթացը: Բնագիտական առարկաների (ֆիզիկա, քիմիա, աշխարհագրություն և կենսաբանություն) լաբորատորիաները ստեղծվում են Համաշխարհային բանկի համաֆինանսավորմամբ, ‹‹Կրթական ծրագրերի կենտրոն›› ԾԻԳ-ի կողմից իրականացվող... 01.04.2020 Հայալեզու առցանց ռեսուրսներ և գործիքներ հեռավար կրթության կազմակերպման համար Նոր կորոնավիրուսի համավարակի պայմաններում աշխարհն արտառոց իրավիճակում է հայտնվել։ Ստեղծված իրադրությունը մեծ մարտահրավեր է ոչ միայն պետությունների, տնտեսության, առողջապահական համակարգի, այլ նաև կրթական համակարգի համար։ Երկրում հայտարարված արտակարգ դրության պայմաններում կրթական հաստատությունները ստիպված են առցանց սկզբունքով ուսուցում իրականացնել՝ ապահովելու աշակերտների կրթության անընդհատությունը։ Ուսուցման առցանց իրականացումը ենթադրում է նոր մոտեցումներ և ՏՀՏ նոր գործիքներ: Կրթական...