Նորություններ

Ամփոփիչ մշտադիտարկում ՀՊՄՀ-ում

22.11.2019

2016 թվականի դեկտեմբերին «Խ. Աբովյանի անվան հայկական պետական մանկավարժական համալսարան» հիմնադրամում (ՀՊՄՀ) «Կրթության բարելավում» վարկային ծրագրի Նորարարությունների մրցակցային հիմնադրամի (ՆՄՀ) երկրորդ (հավելյալ) շրջափուլի շրջանակներում մեկնարկել էր «Նախադպրոցական և տարրական կրթության արդիականացում ժամանակի պահանջներին համապատասխան մասնագետների պատրաստման միջոցով» դրամաշնորհային ծրագրի իրականացումը: Այսօր արդեն դրամաշնորհային ծրագրի աշխատանքներն ամփոփվել են: Այս առիթով նոյեմբերի 21-ին ԿԳՄՍ նախարարության և ‹‹Կրթական ծրագրերի կենտրոն» ԾԻԳ-ի ներկայացուցիչները ՀՊՄՀ միջազգային համագործակցության բաժնի ղեկավար, դրամաշնորհային ծրագրի համակարգող Մարիաննա Հարությունյանի ուղեկցությամբ շրջեցին նորաստեղծ մուլտիմեդիոն լաբորատորիայում և հետազոտական լսարաններում:
‹‹Մենք համոզված ենք` կատարված աշխատանքի արդյունավետության հետագա ցուցանիշը կլինի նախադպրոցական և տարրական մանկավարժության գծով մասնագիտական գիտելիքներով և նորարարական գործնական ու հետազոտական հմտություններով և կարողություններով օժտված նոր կադրերի պատրաստումը››, -նշեց Մ. Հարությունյանը:
Ամփոփիչ մշտադիտարկման ընթացքում դրամաշնորհային ծրագրի համակարգողը խոսեց կատարված աշխատանքի, արված ներդրումների մասին, ինչպես նաև մանրամասնեց ծրագրից ակնկալվող արդյունքների և հետագա նպատակների մասին։
Նշենք, որ ապագա, մանկավարժների գործնական հմտությունների զարգացմանն ու կատարելագործմանն ուղղված մուլտիմեդիոն լաբորատորիան և երկու հետազոտական լսարանները համալրված են համապատասխան գույքով, մասնագիտական ծրագրեր պարունակող համակարգիչներով, ստեղծված է էլեկտրոնային կրթական հարթակը, առկա է էլեկտրոնային գրադարանը:
Հանդիպման ընթացքում ներկաները քննարկեցին ծրագրի սկզբում սահմանված արդյունքները, դրանց դրսևորումը մոնիտորինգային պլանով ձևակերպված ցուցիչների մակարդակում: Ինչպես ներկայացրեց դրամաշնորհային ծրագրի համակարգողը, ծրագրի արդյունքում հատուկ առանձնացված տարածքում իրականացվել են անհրաժեշտ վերանորոգման աշխատանքները: Ծրագրի արդյունքում լաբորատորիան և լսարանները զինվել են անհրաժեշտ գույքով և տեխնիկայով: Դրամաշնորհային ծրագրի համակարգողը նշեց, որ խորհրդատուի որակավորման հիման վրա ընտրված կազմակերպության կողմից ավարտվել են էլեկտրոնային կրթական հարթակի և էլեկտրոնային գրադարանի մշակման աշխատանքները: Նա նաև հավելեց, որ դրամաշնորհային ծրագրի շրջանակներում անհատ խորհրդատուների կողմից մշակված ուսումնաօժանդակ նյութերը ևս զետեղվել են վիրտուալ հարթակում, ինչպես նաև իրականացվել է էլեկտրոնային կրթական հարթակի և էլեկտրոնային գրադարանի կիրառման ուղղությամբ համալսարանի դասախոսական կազմի ներկայացուցիչների վերապատրաստում: Նորաստեղծ լաբորատորիայում, դիտարկելով էլեկտրոնային կրթական հարթակը, ԿԾԿ ԾԻԳ-ին մասնագիտական աջակցություն ցուցաբերող անհատ խորհրդատու Արշակ Ղազարյանը քննարկեց էլեկտրոնային հարթակի և էլեկտրոնային գրադարանի գործարկման և կիրառելիության հետ կապված մի շարք հարցեր: Ա. Ղազարյանի հավաստմամբ, կատարված աշխատանքների արդյունքները գոհացուցիչ են:
Նորաստեղծ լաբորատորիայի հնարավորություններն ուսումնական գործընթացում լավագույնս օգտագործելու նպատակով իրականացվել է նաև համապատասխան կրթական բովանդակության ստեղծում: Մ. Հարությունյանը նշեց, որ առկա են լաբորատորիայի գործարկման ընթացակարգերը՝ այն է հայեցակարգը և կանոնակարգը, բարելավված հետազոտական բաղադրիչներով նախադպրոցական և տարրական մասնագիտությունների կրթական ծրագրերը: Դրամաշնորհային ծրագրի ղեկավարի խոսքով, լաբորատորիայի ստեղծմամբ ապահովվում է ծրագրի հիմնական նպատակի իրագործումը, այն է՝ եվրոպական չափանիշներին համապատասխան մրցունակ կադրեր պատրաստել նախադպրոցական և տարրական մանկավարժության ոլորտում:
 

Նորություններ

10.07.2020 Հանրակրթության պետական չափորոշչի նախագիծը՝ ուսուցիչների հետ հանդիպման առանցքում ՀՀ կրթության, գիտության, մշակույթի և սպորտի նախարարությունը հանրային քննարկման է ներկայացրել «Հանրակրթության պետական չափորոշչի ձևավորման և հաստատման կարգի» նախագիծը, որի վերաբերյալ թիրախ խմբերի հետ պարբերաբար անցկացվում են առցանց հանդիպումներ: Այդ նպատակով ZOOM հարթակում տեղի է ունեցել վեբինար՝ ԿԳՄՍ նախարարի տեղակալ Ժաննա Անդրեասյանի մասնակցությամբ, որի ընթացքում փոխնախարարը հանրապետության բոլոր մարզերը ներկայացնող շուրջ 500 ուսուցիչների ներկայացրել է Հանրակրթության պետական... 05.07.2020 ՀՀ ԿԳՄՍ նախարարը այց է իրականացրել ՀՀ Արարատի մարզում ՀՀ Արարատի մարզում նոր ուսումնական տարվանից կգործի 5 նախակրթարան:Հուլիսի 4-ին մարզային այցերի համատեքստում ՀՀ ԿԳՄՍ նախարար Ա. Հարությունյանը այցելել է Արարատի մարզի Գետազատ, Նոր Կյանք և Դվին համայնքներ, ուր այս տարվա սեպտեմբերի մեկին կբացվեն նոր նախակրթարաններ: Շինարարական աշխատանքներն ընթանում են ամբողջ թափով և սահմանված ժամանակացույցով: Նախարարը փաստեց , որ վերոնշյալ նախակրթարանների ստեղծմամբ զգալի կթեթևանա նախադպրոցական ուսումնական հաստատությունների հերթերը: Արարատի մարզում... 05.07.2020 ՀՀ ԿԳՄՍ նախարար Արայիկ Հարությունյանը մեկնել է մարզեր՝ ծանոթանալու դպրոցաշինության ծրագրերին   ԿԳՄՍ նախարար Արայիկ Հարությունյանն աշխատանքային այցով հուլիսի 4-6-ը եղել է Արարատի, Վայոց ձորի և Սյունիքի մարզերում։  Նախարարն այցելել է պետական բյուջեի և Համաշխարհային բանկի ֆինանսավորմամբ վերակառուցվող և նորոգվող կրթական հաստատություններ, ծանոթացել շինարարական աշխատանքների ընթացքին: Նախարար Ա. Հարությունյանը այցելել է Գորիսի Ա. Բակունցի անվան թիվ 1 ավագ դպրոց, որտեղ ընթանում են կապիտալ շինարարության մեծածավալ աշխատանքներ։ Այս դպրոցը Համաշխարհային բանկի վարկային ծրագրով...