Նորություններ

Մանրէաբանական կենսատեխնոլոգիաների և կենսավառելիքի նորարական կենտրոն

04.11.2019


Երևանի պետական համալսարանում գործում է Մանրէաբանական կենսատեխնոլոգիաների և կենսավառելիքի նորարարական կենտրոնը: ԵՊՀ կենսաբանության ֆակուլտետում բացված Մանրէաբանական կենսատեխնոլոգիաների և կենսավառելիքի նորարարական կենտրոնի գաղափարը կյանքի է կոչվել «Կրթության բարելավում» ծրագրի շրջանակներում` Նորարարությունների մրցակցային հիմնադրամի դրամաշնորհով` Հայաստանի կառավարության և Համաշխարհային բանկի համաֆինանսավորմամբ, «Կրթական ծրագրերի կենտրոն» ԾԻԳ-ի աջակցությամբ:
Կենտրոնն ունի երեք ուղղվածություն` կրթական, գիտահետազոտական և նորարարական: Այստեղ ուսանողներն ու գիտնականները իրագործում են իրենց ինովացիոն գաղափարները` օգտագործելով նյութատեխնիկական ողջ բազան: Կենտրոնում ուսանողները և գիտնականները միջազգային չափանիշներով փորձեր անելու համար ապահովված են անհրաժեշտ բոլոր պայմաններով:
Կենտրոնի հիմնադրման ընթացքում մշակվել է նոր մագիստրոսական ծրագիր, և 2018թ. սեպտեմբերի 1-ից գործում է «Կիրառական մանրէաբանություն և նորարարական տեխնոլոգիաներ» ծրագիրը, որը ստեղծվել է արտասահմանյան մանրէաբանական ընկերությունների չափանիշներով: Կենտրոնը մասնագետներին հնարավորություն է տալիս որակյալ գիտափորձեր անել և արդյունքներ ստանալ և այն օղակն է, որը կապում է բիզնեսն ու գիտական ներուժը:
Կենսագործընթացների կառավարման համակարգը, որը միակն է Արևելյան Եվրոպայում, այսօր կիրառվում է սննդի արդյունաբերության, դեղագործության, ալկոհոլային խմիչքի արտադրության ոլորտում: Դրամաշնորհային ծրագրի շրջանակում իրականացված դասընթացների շնորհիվ ուսանողները սովորել են իրենց հետազոտությունը վերածել կենսունակ բիզնես նախագծի, որը հնարավորություն կունենա ֆինանսավորվելու ներդրողների կողմից։ Այսօր, ուսանողներն ու գիտնականները, օգտագործելով կենտրոնի նյութատեխնիկական ողջ բազան, իրականացնում են ստարտափային ծրագրեր:
«Climate Launchpad Armenia»-ի կողմից իրականացված ստարտափերի մրցույթում, որի հաղթողներն աշխարհի 50 երկրներից հնարավորություն կունենան նոյեմբերին մեկնելու Ամստերդամ ու այնտեղ մասնակցելու մեծ եզրափակչին, Հայաստանից այդ հնարավորությունը վաստակել է Մանրէաբանական կենսատեխնոլոգիաների և կենսավառելիքի նորարարական կենտրոնի թիմը: Այն ներկայացրել է գաղափար, որի միջոցով հնարավոր է արդյունաբերական և գյուղատնտեսական տարբեր թափոններից ստանալ կենսավառելիք: Ստեղծված ստարտափային ծրագիրը համաշխարհային մակարդակով մրցակցային է, որովհետև առաջարկում է էկոլոգիապես մաքուր վառելիք։ Կենտրոնի գործունեության մասին տեսանյութը կարող եք ներբեռնել հետևյալ հղմամբ՝ https://www.youtube.com/watch?v=mqTO34a5fLA&feature=youtu.be&fbclid=IwAR1mTovNmMn9M6CP2kV6IVCvW23OXB-QmZWvn8mylpDt0sE5H7C2l9JlMTw


 

Նորություններ

22.05.2020 Հանրակրթական ուսումնական հաստատությունների ներկայացուցիչների վերապատրաստումները շարունակվում են Նոր կորոնավիրուսի համավարակի պայմաններում աշխարհն արտառոց իրավիճակում է հայտնվել։ Ստեղծված իրադրությունը մեծ մարտահրավեր է կրթական համակարգի համար։ Երկրում հայտարարված արտակարգ դրության պայմաններում կրթական հաստատությունները ստիպված են առցանց սկզբունքով ուսուցում իրականացնել՝ ապահովելու աշակերտների կրթության անընդհատությունը։ Ուսուցման առցանց իրականացումը ենթադրում է նոր մոտեցումներ և ՏՀՏ նոր գործիքներ: Կրթական ծրագրերի կենտրոնը հաշվի առնելով ստեղծված իրավիճակի մարտահրավերները շարունակում է... 22.05.2020 Ավագ դպրոցները համալրվեցին <<Աշխարհագրություն>> առարկայի համար անհրաժեշտ լաբորատոր սարքավորումներով 2020 թվականի փետրվարից մայրաքաղաքում և ՀՀ բոլոր մարզերում մեկնարկել է ավագ դպրոցներին բնագիտական առարկաների գծով լաբորատոր սարքավորումների տրամադրման գործընթացը: Բնագիտական առարկաների (ֆիզիկա, քիմիա, աշխարհագրություն և կենսաբանություն) լաբորատորիաները ստեղծվում են Համաշխարհային բանկի համաֆինանսավորմամբ, ‹‹Կրթական ծրագրերի կենտրոն›› ԾԻԳ-ի կողմից իրականացվող ‹‹Կրթության բարելավում›› վարկային ծրագրի «Աջակցություն միջնակարգ դպրոցի... 15.05.2020 Դրամաշնորհային պայմանագրերի կնքում՝ նախակրթարանների հիմնման նպատակով «Կրթության բարելավում» վարկային ծրագրի շրջանակներում շարունակվում է դրամաշնորհների տրամադրում նախակրթարանների հիմնման նպատակով: Ծրագիրը նպատակաուղղված է նախադպրոցական կրթության ոլորտում երեխաների ընդգրկվածության աճի խթանմանը, երեխաներին տարրական դպրոցին նախապատրաստմանը: Մայիսի 15-ին ՀՀ կրթության, գիտության, մշակույթի և սպորտի նախարարության Կրթական ծրագրերի կենտրոն ԾԻԳ-ում տեղի ունեցավ հանդիպում Գեղարքունիքի, Արմավիրի,Արարատի, Արագածոտնի Սյունիքի, մարզերի 21 կրթական...