Նորություններ

ՀՀ ԿԳՄՍ նախարարի այցը մայրաքաղաքի ավագ դպրոցներ

27.08.2019

Օգոստոսի 26-ին օգոստոսյան խորհրդակցությունների համատեքստում ՀՀ ԿԳՄՍ նախարար Ա. Հարությունյանը շրջայց է իրականացրել Երևանի ավագ դպրոցներում ,որոնք հիմնովին վերակառուցվում են Համաշխարհային բանկի համաֆինանսավորմամբ, «Կրթության բարելավում» վարկային ծրագրի շրջանակներում: «Կրթական ծրագրերի կենտրոն» ԾԻԳ-ի տնօրեն Գրիշա Հովհաննիսյանի ուղեկցությամբ շրջելով շինհրապարակում և ծանոթանալով հիմնանորոգման ընթացիկ աշխատանքներին` ՀՀ ԿԳՄՍ նախարարը ԾԻԳ-ի ներկայացուցիչների հետ քննարկեց շինարարական աշխատանքներին առնչվող մի շարք հարցեր և ուղիղ միացմաբ ներկայացրեց հիմնանորոգման ընթացքը:ՀՀ ԿԳՄՍ նախարարը շրջայցը սկսեց Երևանի Շևչենկոյի անվան թիվ 42 դպրոցից: Վերոնշյալ ավագ դպրոցի հիմնանորոգման աշխատանքների մեկնարկը տրվել է սույն թվականի հուլիսի 20-ին, իսկ շինարարական աշխատանքների տևողությունը ըստ նախագծի կազմում է մոտ 24 ամիս: «Կրթական ծրագրերի կենտրոն» ԾԻԳ-ի տնօրեն Գրիշա Հովհաննիսյանը նշեց, որ հիմնանորոգվող դպրոցներում նախատեսվում է իրականացնել սեյսմակայունությանն ուղղված ամրացման, ինչպես նաև տանիքի կառուցման, պատուհանների տեղադրման, շենքերի հիմքերի ուժեղացման և ամրացման, ջեռուցման համակարգի մոնտաժման և տեղակայման աշխատանքներ:Կբարեկարգվի նաև դպրոցների հարակից տարածքները: Կկառուցվեն խաղահրապարակներ, ֆուտբոլի և թենիսի մարզահրապարակներ, մարզադահլիճներ, արտաքին և ներքին աստիճաններ ու թեքահարթակներ:
«Ավագ դպրոցները և ընդհանրապես դպրոցաշինությունը լինելու են ՀՀ կառավարության ուշադրության կետրոնում»,- նշեց ՀՀ ԿԳՄՍ նախարարը:
Նախարարի հաջորդ կանգառը Խ. Աբովյանի անվան հայկական պետական մանկավարժական համալսարանի հենակետային վարժարանն էր (ավագ դպրոց): Շրջայցի ընթացքում ԿԳՄՍ նախարարը նշեց, որ Հայաստանում 12-ամյա կրթության անցման ժամանակ ամենավատ ֆիզիկական պայմաններ ունեցող դպրոցները հատկացվել են ավագ դպրոցներին։ «Հաճախ բողոքում ենք ավագ դպրոցների բովանդակային առումով չկայացած լինելուց, բայց համոզված եմ, որ ֆիզիկական պայմանները ուղիղ ազդեցություն ունեն կրթության որակի վրա», հավելեց Ա. Հարությունյանը:
Հյուրերը շրջեցին դպրոցում և դպրոցի հարակից տարածքում:Այս դպրոցում շինարարական աշխատանքները տրելու են 22 ամիս:
Հավելենք, որ հիմնանորոգման նախագծերը մշակելիս «Կրթական ծրագրերի կենտրոն» ԾԻԳ-ի կողմից պահպանվել են ներառական կրթության կազմակերպման բոլոր պահանջները, այսինքն` վերակառուցված դպրոցների շենքերը կունենան հարմարեցված միջավայր: ՀՀ ԿԳՄՍ նախարարը շրջայցը ավարտեց Երևանի թիվ 142 դպրոցում, որտեղ «Կրթական ծրագրերի կենտրոն» ԾԻԳ-ի տնօրենը ներկայացրեց , որ ըստ նախագծի շինարարական աշխատանքների տևողությունը կազմում է 27 ամիս և այդ աշխատանքներին զուգահեռ իրակացվում է նաև տեխնիկական վերահսկողություն: Հավելենք, որ վերոնշյալ ավագ դպրոցները ներկայումս «Աջակցություն միջնակարգ դպրոցի երրորդ աստիճանի զարգացմանը» ենթաբաղադրիչի աշխատանքների շրջանակներում իրականացվող հիմնանորոգման ծրագրում ընդգրկված 7 ավագ դպրոցներից երեքն են: Նշենք, որ մայրաքաղաքում և ՀՀ մարզերում գործող 7 ավագ դպրոցներից վեցում արդեն մեկնարկել են հիմնանորոգման աշխատանքները:
 

Նորություններ

03.08.2020 Նորաստեղծ բնագիտական առարկաների լաբորատորիաներ՝ Վանաձորում 2020 թվականի փետրվարից մայրաքաղաքում և ՀՀ բոլոր մարզերում մեկնարկել է ավագ դպրոցներին բնագիտական առարկաների գծով լաբորատոր սարքավորումների տրամադրման գործընթացը: Վանաձորի մաթեմատիկայի և բնագիտական առարկաների խորացված ուսուցմամբ հատուկ դպրոցը այն 99 ավագ դպրոցներից մեկն է, որտեղ բնագիտական առարկաների (ֆիզիկա, քիմիա, աշխարհագրություն և կենսաբանություն) լաբորատորիաները արդեն իրականություն են: Համաշխարհային բանկի համաֆինանսավորմամբ, ‹‹Կրթական ծրագրերի կենտրոն››... 31.07.2020 Ամփոփվեց դրամաշնորհային ծրագրերի երկշաբաթյա մշտադիտարկումը բուհերում Հուլիսի 31-ին Հայաստանի բարձրագույն կրթության Նորարարությունների մրցակցային հիմնադրամի շրջանակներում ամփոփվեց ընթացիկ դրամաշնորհային ծրագրերի երկշաբաթյա մշտադիտարկումը՝ ՆՄՀ երկրորդ հիմնական շրջափուլով դրամաշնորհառու հանդիսացող բուհերում: Վերջին հանդիպումը տեղի ունեցավ Հայաստանի ազգային ագրարային համալսարանում (ՀԱԱՀ): «Կրթական ծրագրերի կենտրոն» ԾԻԳ-ի և ԿԳՄՍ նախարարության ներկայացուցիչները ՀԱԱՀ-ի դրամաշնորհային ծրագրի ղեկավար Սոնա Ծառուկյանի ուղեկցությամբ ծանոթացան ՆՄՀ երկրորդ... 30.07.2020 ՆՄՀ երկրորդ հիմնական շրջափուլով 2019 թվականի հուլիսի 30-ին կնքված դրամաշնորհային պայմանագրերով դրամաշնորհառու 6 բուհերն ամփոփում են ծրագրերի իրականացման մեկ տարին 2019 թվականի հուլիսի 30-ին «Կրթության բարելավում» վարկային ծրագրի Նորարարությունների մրցակցային հիմնադրամի երկրորդ հիմնական շրջափուլի շրջանակներում վեց բուհերի՝ Ճարտարապետության և շինարարության Հայաստանի ազգային համալսարանի, Երևանի պետական համալսարանի, Վ. Բրյուսովի անվան պետական համալսարանի, Երևանի Մ. Հերացու անվան պետական բժշկական համալսարանի, Հայ-ռուսական համալսարանի, Հայաստանի ազգային ագրարային համալսարանի հետ կնքվել են դրամաշնորհային պայմանագրեր, որոնցով վերջիններս մեկնարկել...