Նորություններ

Համաժամանակյա առցանց մաթեմատիկայի դաս ՀՀ Սյունիքի մարզի դպրոցներում

25.04.2019

Ապրիլի 23-ին Կրթական ծրագրերի կենտրոնում «Կրթության համակարգում տվյալների հավաքագրման և առաջընթացի մշտադիտարկման բարելավում» ենթաբաղադրիչի աշխատանքների համատեքստում մեկնարկեց համաժամանակյա առցանց հեռավար դասընթացը, որին մասնակցում էին Սյունիքի մարզի Սիսիանի ավագ, Գորիսի թիվ 4 ավագ և Կապանի թիվ 2 ավագ դպրոցները:
Դասի թեման կոմպլեքս թվերի ամփոփումն էր, որը պատրաստել էին Սիսիանի ավագ դպրոցի մաթեմատիկայի ուսուցչուհի Բելլա Թամրազովան և ՏՀՏ մասով՝ Շինուհայրի միջն. դպրոցի ինֆորմատիկայի ուսուցիչ Հարություն Հարությունյանը: Տեխնիկակական և կազմակերպչական մասերով աջակցել են ԾԻԳ-ի ՏՀՏ Սյունիքի և Վայոց Ձորի մարզերի վերապատրաստողներ Ալբերտ Աբրահամյանը, Նինել Նահապետյանը և Սիրուն Սնեցունցը, Գորիսում՝ մաթեմատիկայի ուսուցիչ Սամվել Կոստանդյանը, և Կապանում՝ դպրոցի ինֆորմատիկայի և մաթեմատիկայի ուսուցիչ Տիգրան Ավանեսյանը:
Սիսիանի ավագ դպրոցի մաթեմատիկայի ուսուցչուհի Բելլա Թամրազովան նախապես տրամադրել էր դասի պլանը, ընթացքը և հայտորոշիչ թեստերը Հ. Հարությունյանին, որը Google-ի MindMup ծրագրով պատրաստել էր դասի սցենարը, Quizizz ծրագրով՝ հայտորոշիչ թեստերը և Kahoot ծրագրով՝ դասի քվեարկությունը:
ԾԻԳ-ի ներկայացուցիչներն արձանագրեցին, որ համաժամանակյա դասընթացի ժամանակ հստակ երևում էր համագործակցային փաթեթի գործածությունը և թիմային աշխատանքը, և «Kahoot», «Quizizz» գործիքների կիրառումը և «MindMup» միջավայրում ստեղծված կրթական սցենարները չափազանց հետաքրքիր էին: Ինտերակտիվ խաղային նյութերը, վիրտուալ փորձերն ու շրջապտույտները առցանց դասապրոցեսի անբաժանելի մասն էին կազմում: ԿԾԿ ԾԻԳ-ի «Կրթության համակարգում տվյալների հավաքագրման և առաջընթացի մշտադիտարկման բարելավում» ենթաբաղադրիչի ղեկավար Հարություն Ղարիբջանյանի խոսքով այս վերապատրաստումները վերափոխում են ոչ միայն ավանդական կրթական համակարգը, այլև նպաստում են կրթության մշտական հնարավորություն ապահովող ցանցի ձևավորմանը, անհրաժեշտ կադրերի պատրաստմանը, նոր ուսումնական նյութերի, դասավանդման մեթոդաբանության ստեղծմանը և, իհարկե, կրթական նոր ստանդարտների մշակմանն ու տարածմանը:
Հարություն Հարությունյանը, որը աջակցել էր ՏՀՏ մասով դասի անցկացմանը, դասի սկցբում խոսեց վերապատրաստման կարևորության և արդյունավետության մասին: Նա փաստեց, որ ՏՀՏ գործիքները օգտակար են դպրոցների բովանադակության բարելավման տեսանկյունից: «Դասընթացը նպաստում է, որ ուսուցիչը հասկանա ՏՀՏ կիրառության առավելությունները և զգա, թե որքանով է այն հեշտացնում թե՛ իր՝ ուսուցչի գործը և թե՛ աշակերտների՝ առարկան հասկանալու, թեմաներն ընկալելու խնդիրը»,- հավելեց նա:
Դասն անցավ բավականին հետաքրքիր, բովանդակալից և արդյունավետ. թե՛ աշակերտները, թե՛ ուսուցիչները և թե՛ հետևորդները գոհ էին արդյունքներից և մտադիր են այն դարձնել շարունակական:
  Տեսանյութը կարող եք դիտել այստեղ.

https://www.youtube.com/watch?v=yImT5JwQhC4&feature=youtu.be&fbclid=IwAR0Cb9Co7zRMTSvvkNXYj98-ebS4_teF9ldbH0m7VhGWaWtzACzUvnzzdG0

Նորություններ

10.08.2020 Պարզաբանում #1 ՀՀ ԿԳՄՍՆ «Կրթական ծրագրերի կենտրոն» ԾԻԳ ՊՀ-ի կողմից Դպրոցների համար համակարգչային սարքավորումների ձեռքբերման նպատակով հայտարարված թիվ NCB – 1-1.3.5 մրցույթի շրջանակներում ստաց Կրթական ծրագրերի կենտրոն ԾԻԳ ՊՀ-ի կողմից Դպրոցների համար համակարգչային սարքավորումների ձեռքբերման նպատակով hայտարարված թիվ NCB – 1-1.3.5 մրցույթի շրջանակներում ստացված հարցադրումների վերաբերյալ Հարց 1 Հարգելի՛ գործընկեր, Համաձայն մրցույթի առաջին չափաբաժնում բերվող համակարգչի տեխնիկական բնութագրի՝ հոսանքի սնուցման բլոկի (Power Supply) համար պահանջվում է նվազագույնը 250W հզորություն: Հաշվի առնելով համակարգչի համար առաջադրված մյուս տեխնիկական պահանջները՝ նման հզորությամբ... 03.08.2020 Նորաստեղծ բնագիտական առարկաների լաբորատորիաներ՝ Վանաձորում 2020 թվականի փետրվարից մայրաքաղաքում և ՀՀ բոլոր մարզերում մեկնարկել է ավագ դպրոցներին բնագիտական առարկաների գծով լաբորատոր սարքավորումների տրամադրման գործընթացը: Վանաձորի մաթեմատիկայի և բնագիտական առարկաների խորացված ուսուցմամբ հատուկ դպրոցը այն 99 ավագ դպրոցներից մեկն է, որտեղ բնագիտական առարկաների (ֆիզիկա, քիմիա, աշխարհագրություն և կենսաբանություն) լաբորատորիաները արդեն իրականություն են: Համաշխարհային բանկի համաֆինանսավորմամբ, ‹‹Կրթական ծրագրերի կենտրոն››... 31.07.2020 Ամփոփվեց դրամաշնորհային ծրագրերի երկշաբաթյա մշտադիտարկումը բուհերում Հուլիսի 31-ին Հայաստանի բարձրագույն կրթության Նորարարությունների մրցակցային հիմնադրամի շրջանակներում ամփոփվեց ընթացիկ դրամաշնորհային ծրագրերի երկշաբաթյա մշտադիտարկումը՝ ՆՄՀ երկրորդ հիմնական շրջափուլով դրամաշնորհառու հանդիսացող բուհերում: Վերջին հանդիպումը տեղի ունեցավ Հայաստանի ազգային ագրարային համալսարանում (ՀԱԱՀ): «Կրթական ծրագրերի կենտրոն» ԾԻԳ-ի և ԿԳՄՍ նախարարության ներկայացուցիչները ՀԱԱՀ-ի դրամաշնորհային ծրագրի ղեկավար Սոնա Ծառուկյանի ուղեկցությամբ ծանոթացան ՆՄՀ երկրորդ...