Նորություններ

ՆՄՀ դրամաշնորհով ստեղծված նորարարական կենտրոնները ներկայացան «Կրթություն և կարիերա Էքսպո-2019»- ին

22.04.2019

       «Երևան էքսպո»  ցուցահանդեսային համալիրում ապրիլի 17-ին մեկնարկեց 19-րդ միջազգային մասնագիտացված «Կրթություն և կարիերա Էքսպո-2019» եռօրյա ցուցահանդեսը, որտեղ առանձին տաղավարներով ներկայանում էին ավելի քան 80 կրթօջախներ՝ բուհեր, քոլեջներ, ուսումնական կենտրոններ, ինչպես նաև միջազգային դոնոր կազմակերպություններ՝ Հայաստանի Հանրապետությունից, Բելառուսից, Գերմանիայի Դաշնային Հանրապետությունից, Չեխիայի Հանրապետությունից, Ռուսաստանի Դաշնությունից:

Ապրիլի 17-ից 19-ն անցկացվող, տարածաշրջանում խոշորագույն կրթական ցուցահանդեսի նպատակն էր դպրոցականներին և ուսանողներին տրամադրել տեղեկատվություն ժամանակակից կրթության վերաբերյալ, նպաստել կրթօջախների և ձեռնարկությունների միջև գործնական հարաբերությունների կայացմանը, ինչպես նաև տեղեկացնել աշխատաշուկայում առավել պահանջված մասնագիտությունների մասին: 

Ցուցահանդեսի բացման հանդիսավոր արարողության ժամանակ ՀՀ կրթության և գիտության նախարար Արայիկ Հարությունյանը նշեց, որ նման ցուցահանդեսները կարևոր են առկա հնարավորությունները ներկայացնելու և համագործակցության ուղիներ նախանշելու տեսանկյուններից: 

Ցուցահանդեսի ընթացքում Հայաստանում և արտերկրում գործող կրթօջախները տարբեր տաղավարներով ներկայացնում էին  իրենց կրթական ծրագրերը:  

ՀՀ ԿԳ նախարարը մոտեցավ տարբեր  կրթական հաստատությունների և կազմակերպությունների տաղավարներին: ԵՊՀ տաղավարում նախարարին մանրամասն ներկայացվեց Կենսաբանության ֆակուլտետում բացված «Մանրէաբանական կենսատեխնոլոգիաների և կենսավառելիքի նորարարական կենտրոն»-ը:  Նշենք, որ կենտրոնը ստեղծվել է ՀՀ ԿԳՆ Կրթական ծրագրերի կենտրոն ԾԻԳ-ի կողմից իրականացվող «Կրթության բարելավում» վարկային ծրագրի շրջանակներում` Նորարարությունների մրցակցային հիմնադրամի դրամաշնորհով` Հայաստանի կառավարության և Համաշխարհային բանկի համաֆինանսավորմամբ: Կենտրոնի ղեկավար Կ. Թռչունյանը  ՀՀ ԿԳ նախարարին ներկայացրեց  դրամաշնորհային ծրագրի արդյունքում ձեռք բերված ժամանակակից սարքավորումների միջոցով արդեն իսկ իրականացվող գիտահետազոտական աշխատանքները:   

«Կենտրոնը մասնագետներին հնարավորություն է տալիս որակյալ գիտափորձեր անել և արդյունքներ ստանալ, և այն օղակն է, որը կապում է բիզնեսն ու գիտական ներուժը: Իսկ կենսագործընթացների կառավարման համակարգը, որը միակն է Արևելյան Եվրոպայում, արդեն կիրառվում է սննդի արդյունաբերության, դեղագործության, ալկոհոլային խմիչքի արտադրության ոլորտում»,- նշեց կենտրոնի ղեկավարը:  

 Հայաստանի Ֆիզիկական կուլտուրայի  և սպորտի պետական ինստիտուտը   «Երևան էքսպո»  ցուցահանդեսային համալիրում ներկայանում էր «Սպորտ Կաբ» գիտահետազոտկան կենտրոնով, որը նույնպես ստեղծվել է «Կրթական ծրագրերի կենտրոն»  ԾԻԳ-ի կողմից իրականացվող «Կրթության բարելավում» ծրագրի շրջանակներում` Նորարարությունների մրցակցային հիմնադրամի դրամաշնորհով: Հենց տեղում այցելուները հնարավորություն ունեին ստուգել սիրտ-անոթային և շնչառական համակարգի աշխատանքը, իսկ  արդեն Կենտրոնում հնարավորություն կա կետային ճառագայթների օգնությամբ ստուգել վերջույթներն ու ոսկրային համակարգը: Դրամաշնորհային ծրագրի արդյունքում ձեռք բերված եզակի սարքերը տալիս են  հենաշարժողական ապարատի, մարմնի կազմվածքի վերլուծություն:  Հատկանշական է՝ Կենտրոնը, որը հագեցած է կենսագործընթացների կառավարման համակարգով, դեռևս միակն է ողջ տարածաշրջանում;

 Այսպիսով, ՆՄՀ դրամաշնորհով ՀՀ բուհերում ստեղծված բազմաթիվ ենթակառուցվածքներում  այսօր  ոչ միայն իրականացվում են գիտահետազոտական, նորարարական ծրագրեր, այլև ակտիվորեն իրականացվում են աշխատանքներ, որոնց արդյունքում ակնկալվում է ստանալ հետագա առևտրայնացման ներուժ ունեցող կարևոր գիտական նորույթներ: Այս ենթակառուցվածքների ստեղծումը և նման արդիական սարքավորումների առկայությունը բուհերում նպաստում են  գիտահետազոտական նոր ուղղությունների խթանմանն ու ձևավորմանը, գործարար ոլորտի հետ փոխշահավետ համագործակցային կապերի սերտացմանը և պետության համար ռազմավարական նշանակություն ունեցող ծրագրերի իրականացմանը: 

 

 

 

Նորություններ

10.08.2020 Պարզաբանում #1 ՀՀ ԿԳՄՍՆ «Կրթական ծրագրերի կենտրոն» ԾԻԳ ՊՀ-ի կողմից Դպրոցների համար համակարգչային սարքավորումների ձեռքբերման նպատակով հայտարարված թիվ NCB – 1-1.3.5 մրցույթի շրջանակներում ստաց Կրթական ծրագրերի կենտրոն ԾԻԳ ՊՀ-ի կողմից Դպրոցների համար համակարգչային սարքավորումների ձեռքբերման նպատակով hայտարարված թիվ NCB – 1-1.3.5 մրցույթի շրջանակներում ստացված հարցադրումների վերաբերյալ Հարց 1 Հարգելի՛ գործընկեր, Համաձայն մրցույթի առաջին չափաբաժնում բերվող համակարգչի տեխնիկական բնութագրի՝ հոսանքի սնուցման բլոկի (Power Supply) համար պահանջվում է նվազագույնը 250W հզորություն: Հաշվի առնելով համակարգչի համար առաջադրված մյուս տեխնիկական պահանջները՝ նման հզորությամբ... 03.08.2020 Նորաստեղծ բնագիտական առարկաների լաբորատորիաներ՝ Վանաձորում 2020 թվականի փետրվարից մայրաքաղաքում և ՀՀ բոլոր մարզերում մեկնարկել է ավագ դպրոցներին բնագիտական առարկաների գծով լաբորատոր սարքավորումների տրամադրման գործընթացը: Վանաձորի մաթեմատիկայի և բնագիտական առարկաների խորացված ուսուցմամբ հատուկ դպրոցը այն 99 ավագ դպրոցներից մեկն է, որտեղ բնագիտական առարկաների (ֆիզիկա, քիմիա, աշխարհագրություն և կենսաբանություն) լաբորատորիաները արդեն իրականություն են: Համաշխարհային բանկի համաֆինանսավորմամբ, ‹‹Կրթական ծրագրերի կենտրոն››... 31.07.2020 Ամփոփվեց դրամաշնորհային ծրագրերի երկշաբաթյա մշտադիտարկումը բուհերում Հուլիսի 31-ին Հայաստանի բարձրագույն կրթության Նորարարությունների մրցակցային հիմնադրամի շրջանակներում ամփոփվեց ընթացիկ դրամաշնորհային ծրագրերի երկշաբաթյա մշտադիտարկումը՝ ՆՄՀ երկրորդ հիմնական շրջափուլով դրամաշնորհառու հանդիսացող բուհերում: Վերջին հանդիպումը տեղի ունեցավ Հայաստանի ազգային ագրարային համալսարանում (ՀԱԱՀ): «Կրթական ծրագրերի կենտրոն» ԾԻԳ-ի և ԿԳՄՍ նախարարության ներկայացուցիչները ՀԱԱՀ-ի դրամաշնորհային ծրագրի ղեկավար Սոնա Ծառուկյանի ուղեկցությամբ ծանոթացան ՆՄՀ երկրորդ...