Նորություններ

Ամփոփվեց ՆՄՀ երկրորդ հիմնական շրջափուլով հայտարարված դրամաշնորհային մրցույթի հայտերի ընդունման գործընթացը

17.04.2019

Ապրիլի 17-ին ‹‹Կրթական ծրագրերի կենտրոն›› ԾԻԳ-ի ‹‹Աջակցություն Նորարարությունների մրցակցային հիմնադրամի զարգացմանը›› բաղադրիչի ներկայացուցիչներն ամփոփեցին Նորարարությունների մրցակցային հիմնադրամի (ՆՄՀ) երկրորդ հիմնական շրջափուլով հայտարարված դրամաշնորհային մրցույթի հայտերի ընդունման գործընթացը: Հիշեցնենք, որ ս.թ. հունվարից Նորարարությունների մրցակցային հիմնադրամի երկրորդ հիմնական շրջափուլի շրջանակներում մեկնարկել էր դրամաշնորհային մրցույթի հայտերի ներկայացման գործընթացը, որի վերջնաժամկետը սահմանվել էր ս.թ. ապրիլի 16-ը: Նշենք, որ Հայաստանում Նորարարությունների մրցակցային հիմնադրամը բուհերի ֆինանսավորման արդյունավետ մեխանիզմների ներդրման ուղղությամբ կարևոր նախաձեռնություն է: ՆՄՀ-ն, միաժամանակ, բարձրագույն կրթության ոլորտում նորարարությունները խթանող մեխանիզմ է, որի միջոցով մրցակցային հիմունքներով ՀՀ բուհերին տրամադրվում են դրամաշնորհներ՝ նորարարական ու զարգացման ծրագրերի իրականացման և բուհերի կարողությունների հզորացման նպատակով: Հավելենք, որ ՆՄՀ այս շրջափուլով բուհերին դրամաշնորհների տրամադրման գործընթացը կազմակերպվում է ՀՀ ԿԳ նախարարի կողմից 20.12.2018թ. թիվ 1713-Ա/2 հրամանով հաստատված ՆՄՀ գործարկման Ղեկավար ձեռնարկով, իսկ ներկա շրջափուլի համար գերակա են սահմանվել հիմնարար գիտական, տեխնոլոգիական, ինժեներական, մաթեմատիկական (STEM) և տնտեսաիրավագիտական ուղղությունները: Հիշեցնենք, նաև. որ դրամաշնորհային մրցույթի հայտերի լրացման գործընթացին օժանդակելու նպատակով ս.թ. մարտի 21-22-ին «Կրթական ծրագրերի կենտրոն» ԾԻԳ-ում կազմակերպվել էր երկօրյա աշխատաժողով, որն ուղղված էր դրամաշնորհային հայտերի մշակման, ֆինանսական և գնումների ընթացակարգերին վերաբերող հարցերի ներկայացմանը: Աշխատաժողովին մասնակցում էին դրամաշնորհային ծրագրով հետաքրքրված ՀՀ պետական և ոչ պետական 10 բուհերի 40 և ավելի ներկայացուցիչներ: Նշենք, որ ՆՄՀ-ի միջոցներով ֆինանսավորվող ծրագրերը կարող են լինել պետական կամ ոչ պետական բուհերի ծրագրեր, որոնք ուղղված են առանձին բուհերի, այդ թվում նաև նրանց մարզային մասնաճյուղերի առանձնահատուկ խնդիրների լուծմանը, երբ տրամադրվող դրամաշնորհի գումարը առավելագույնը 300,000 ԱՄՆ դոլարին համարժեք դրամ է, և կոնսորցիումային ծրագրեր, որոնք համատեղ ծրագրերի մեջ միավորելով պետական և ոչ պետական բուհերի, մասնավոր ձեռնարկությունների և կազմակերպությունների, գիտահետազոտական հաստատությունների, կնպաստեն սերտ համագործակցությանը: Կոնսորցիում ծրագրերին տրամադրվող դրամաշնորհի գումարը առավելագույնը 600,000 ԱՄՆ դոլարին համարժեք դրամ է: Նշենք, որ դրամաշնորհային բոլոր ծրագրերը պետք է իրականացվեն 24 ամսվա ընթացքում և ներկայացվող բոլոր ծրագրերի համար պարտադիր է հաստատության կողմից առնվազն 10 տոկոս համաֆինանսավորումը:
Նորարարությունների մրցակցային հիմնադրամի երկրորդ հիմնական շրջափուլով մեկնարկած դրամաշնորհային մրցույթին ներկայացվել է 13 հայտ : Միաժամանակ հավելենք, որ որ հայտերի ներկայացմանը հաջորդելու են դրանց ամբողջականության և իրավասության դիտարկման, ապա և գնահատման աշխատանքները: Փաստենք, որ ՆՄՀ-ի շրջանակներում ՀՀ պետական և ոչ պետական բուհերում մինչ օրս իրականացվել են նորարարական 22 ծրագրեր:
 

Նորություններ

10.08.2020 Պարզաբանում #1 ՀՀ ԿԳՄՍՆ «Կրթական ծրագրերի կենտրոն» ԾԻԳ ՊՀ-ի կողմից Դպրոցների համար համակարգչային սարքավորումների ձեռքբերման նպատակով հայտարարված թիվ NCB – 1-1.3.5 մրցույթի շրջանակներում ստաց Կրթական ծրագրերի կենտրոն ԾԻԳ ՊՀ-ի կողմից Դպրոցների համար համակարգչային սարքավորումների ձեռքբերման նպատակով hայտարարված թիվ NCB – 1-1.3.5 մրցույթի շրջանակներում ստացված հարցադրումների վերաբերյալ Հարց 1 Հարգելի՛ գործընկեր, Համաձայն մրցույթի առաջին չափաբաժնում բերվող համակարգչի տեխնիկական բնութագրի՝ հոսանքի սնուցման բլոկի (Power Supply) համար պահանջվում է նվազագույնը 250W հզորություն: Հաշվի առնելով համակարգչի համար առաջադրված մյուս տեխնիկական պահանջները՝ նման հզորությամբ... 03.08.2020 Նորաստեղծ բնագիտական առարկաների լաբորատորիաներ՝ Վանաձորում 2020 թվականի փետրվարից մայրաքաղաքում և ՀՀ բոլոր մարզերում մեկնարկել է ավագ դպրոցներին բնագիտական առարկաների գծով լաբորատոր սարքավորումների տրամադրման գործընթացը: Վանաձորի մաթեմատիկայի և բնագիտական առարկաների խորացված ուսուցմամբ հատուկ դպրոցը այն 99 ավագ դպրոցներից մեկն է, որտեղ բնագիտական առարկաների (ֆիզիկա, քիմիա, աշխարհագրություն և կենսաբանություն) լաբորատորիաները արդեն իրականություն են: Համաշխարհային բանկի համաֆինանսավորմամբ, ‹‹Կրթական ծրագրերի կենտրոն››... 31.07.2020 Ամփոփվեց դրամաշնորհային ծրագրերի երկշաբաթյա մշտադիտարկումը բուհերում Հուլիսի 31-ին Հայաստանի բարձրագույն կրթության Նորարարությունների մրցակցային հիմնադրամի շրջանակներում ամփոփվեց ընթացիկ դրամաշնորհային ծրագրերի երկշաբաթյա մշտադիտարկումը՝ ՆՄՀ երկրորդ հիմնական շրջափուլով դրամաշնորհառու հանդիսացող բուհերում: Վերջին հանդիպումը տեղի ունեցավ Հայաստանի ազգային ագրարային համալսարանում (ՀԱԱՀ): «Կրթական ծրագրերի կենտրոն» ԾԻԳ-ի և ԿԳՄՍ նախարարության ներկայացուցիչները ՀԱԱՀ-ի դրամաշնորհային ծրագրի ղեկավար Սոնա Ծառուկյանի ուղեկցությամբ ծանոթացան ՆՄՀ երկրորդ...