Նորություններ

Երկօրյա աշխատաժողով՝ ՆՄՀ երկրորդ հիմնական շրջափուլի շրջանակներում

22.03.2019

Մարտի 21-22-ին ԿԳՆ «Կրթական ծրագրերի կենտրոն» ԾԻԳ-ում` իրականացվեց «Կրթության բարելավում» վարկային ծրագրի Նորարարությունների մրցակցային հիմնադրամի շրջանակներում մեկնարկած դրամաշնորհային մրցույթի հայտերի լրացմանը օժանդակելու նպատակով կազմակերպված երկօրյա աշխատաժողով, որն ուղղված էր դրամաշնորհային հայտերի մշակմանը, ֆինանսական և գնումների ընթացակարգերին վերաբերող հարցերի ներկայացմանը: Վերապատրաստման նպատակով՝ աշխատաժողովին մասնակցում էին դրամաշնորհային ծրագրով հետաքրքրված պետական և ոչ պետական բուհերի 40 և ավելի ներկայացուցիչներ:
Հիշեցնենք, որ Նորարարությունների մրցակցային հիմնադրամի երկրորդ հիմնական շրջափուլի շրջանակներում մեկնարկած դրամաշնորհային մրցույթի հայտերի ներկայացման վերջնաժամկետ է սահմանվել ս.թ.ապրիլի 16 -ը:
Աշխատաժողովին մասնակցում էին պետական և ոչ պետական 10 ևավելի բուհերի ներկայացուցիչներ: Օրակարգը կազմված էր՝ անդրադարձ անելով դրամաշնորհային հայտի ներկայացման բոլոր կողմերին՝ ներառյալ ծրագրային, ֆինանսական, գնումների, մշտադիտարկման և այլ ընթացակարգերը: ՀՀ ԿԳՆ «Կրթական ծրագրերի կենտրոն» ԾԻԳ-ի ներկայացուցիչները մանրամասն ներկայացրեցին և պարզաբանեցին լրացման ենթակա բոլոր ձևաչափերի կազմման առանձնահատկությունները: Հարկ է նշել, որ ֆինանսական և գնումների ընթացակարգերը ներկայացվեցին «Կրթական ծրագրերի կենտրոն» ԾԻԳ-ի ֆինանսական և գնումների բաժինների կողմից:
Բովանդակային հարցերի և այլ ընթացակարգերի պարզաբանումը տրվեց «Կրթական ծրագրերի կենտրոն» ԾԻԳ-ի բարձրագույն կրթության բաղադրիչի աշխատակիցների կողմից: Աշխատաժողովի սկզբում ներկայացվեց ՆՄՀ համակարգն ու իրականացված փուլերը, մասնավորապես անդրադարձ կատարվեց Հայաստանում ՆՄՀ զարգացման փուլերի առանձնահատկություններին ուկազմակերպական կառուցվածքին: «Աջակցություն Նորարարությունների մրցակցային հիմնադրամի զարգացմանը» բաղադրիչի ղեկավարի պաշտոնակատար Լիանա Մամյանը շեշտեց, որ ՆՄՀ նպատակն է խթանել ՀՀ բարձրագույն կրթության ոլորտի բարեփոխումները՝ նորարարությունների, բուհերի կարողությունների և գիտահետազոտական գործունեության զարգացման միջոցով: Միաժամանակ, ներկայացվեցին ՆՀՄ երկրորդ հիմնական շրջափուլի համար Համակարգող խորհրդի հաստատված գերակա ուղղությունները: Ծավալվեց քննարկում, եղան դիտարկումներ ու առաջարկներ, հարցերին տրվեցին սպառիչ պատասխաններ: Դրամաշնորհների համակարգողները ներկայացրեցին դրամաշնորհային ծրագրի ուղղություններն ու տեսակները, կարևորելով ներկայացրած դրամաշնորհային ծրագրի համապատասխանությունն ազգային առաջնահերթություններին և հաստատության ռազմավարական պլանին, ինչպես նաև անդրադարձան դրամաշնորհային ծրագրի նախատեսված աշխատակազմի որակավորման և համապատասխանության խնդրին: Հանդիպման ընթացքում անդրադարձ եղավ նաև կոնսորցիում ծրագրերի ներկայացման առանձնահատկություններին: Ներկայացվեց կոնսորցիում ծրագրի նպատակն ու մասնակիցներին ներկայացվող պահանջները, ինպես նաև անդրադարձ եղավ կոնսորցիում անդամների միջև Համագործակցության հռչակագրի և Փոխըմբռնման հուշագրի կնքման և ներկայացման հետ կապված որոշ հարցերի:
Դրամաշնորհային ծրագրի մասնագետներն անդրադարձան հայտի գնահատման չափանիշներին և ընտրության գործընթացին:
Հաջորդ օրն աշխատաժողովի մասնակիցների ուշադրության կենտրոնում ՆՄՀ դրամաշնորհային ծրագրերի գնումների և ֆինանսական ընթացակարգերի պլանավորման և կազմակերպման առնձնահատկություններն էին: Հանդիպման ավարտին քննարկում ծավալվեց նաև ՆՄՀ դրամաշնորհային ծրագրի հաշվետվողականության խնդրի շուրջ, ԾԻԳ-ի գլխավոր հաշվապահ Հասմիկ Հակոբյանը ներկայացրեց ՆՄՀ դրամաշնորհային ծրագրի ֆինանսական կարողությունների գնահատման և ծրագրի բյուջեի կազմման ու ներկայացման առանձնահատկությունները, ինչպես նաև պարզաբանեց դրամաշնորհառու բուհի կողմից ներկայացվող փուլային, եռամսյակային և ավարտական հաշվետվության հետ կապված որոշ հարցեր: Արդյունքում,ծավալվեց մասնագիտական քննարկում:
Աշխատաժողովի ավարտին ներկաները փաստեցին, որ հանդիպումը նպաստեց ոչ միայն դրամաշնորհային հայտերի մշակման ու ներկայացման պահանջների հստակեցմանը, այլև առաջիկայում դրամաշնորհային հայտերի մշակման գործընթացը առավել համակարգված և գրագետ կազմակերպելուն:

 

Նորություններ

05.06.2019 Ամփոփվեց ՆՄՀ դրամաշնորհային ծրագրերի մշտադիտարկումը ՇՊՀ-ում Հունիսի 4-ին աշխատանքային այցով Շիրակի պետական համալսարանում (ՇՊՀ) էին ԿԾԿ ԾԻԳ-ի ներկայացուցիչները: Այցի նպատակը Հայաստանի բարձրագույն կրթության Նորարարությունների մրցակցային հիմնադրամի շրջանակներում բուհի կողմից իրականացվող դրամաշնորհային ծրագրի ամփոփիչ մշտադիտարկումն էր:ԿԾԿ ԾԻԳ-ի ներկայացուցիչներին ողջունեց ՇՊՀ դրամաշնորհային ծրագրի ղեկավար Հովիկ Մելքոնյանը: Նա նշեց, որ նմանօրինակ ծրագրերի իրականացումը նոր որակական հարթության վրա է տեղափոխում բուհի գործունեությունն ու նրա վարկանիշը: ՇՊՀ... 03.06.2019 Կայացավ հանրակրթական չափորոշիչների քննարկմանը նվիրված աշխատաժողովը Եվրոպական միության ֆինանսավորմամբ իրականացվող «ԵՄ-ն նորարարության համար. բնագիտական, տեխնոլոգիական, ճարտարագիտական առարկաների և մաթեմատիկայի ուսումնական ծրագրերի վերամշակում և փորձարկում» ծրագրի շրջանակում մայիսի 30-ից հունիսի 1-ը տեղի ունեցավ ուսումնական ծրագրերի աշխատաժողով, որը կազմակերպվել էր ՀՀ կրթության, գիտության, մշակույթի և սպորտի նախարարության և Համաշխարհային բանկի կողմից։ Միջոցառմանը հրավիրված էին կրթության փորձագետներ, միջնակարգ դպրոցների ուսուցիչներ և ղեկավարներ,... 03.06.2019 Կայացավ Շիրակի պետական համալսարանի «ՆՈՐԿԵՆՏ» դրամաշնորհային ծրագրի ամփոփիչ աշխատաժողովը Մայիսի 31-ին Շիրակի պետական համալսարանում կայացավ «Շիրակի պետական համալսարանի հզորացման և կրթական ծառայությունների բազմազանեցման միջոցով տարածաշրջանային համաչափ զարգացման ապահովում» դրամաշնորհային ծրագրի ամփոփիչ աշխատաժողովը: Համաշխարհային բանկի համաֆինանսավորմամբ, «Կրթական ծրագրերի կենտրոն» ԾԻԳ-ի կողմից իրականացվող «Կրթության բարելավում» վարկային ծրագրի Նորարարությունների մրցակցային հիմնադրամի (ՆՄՀ) շրջանակներում իրականացվող դրամաշնորհային ծրագրով...