Նորություններ

Շնորհավոր Ամանոր և Սուրբ Ծնունդ

26.12.2018

Հարգելի հայրենակիցներ,
«Կրթական ծրագրերի կենտրոն» ԾԻԳ-ը շնորհավորում է Ամանորի և Սուրբ Ծննդյան տոների կապակցությամբ:
2018 թվականը մեզ համար եղավ նշանակալի հաջողությունների ու նոր նախաձեռնությունների տարի: Արդյունավետ ու համակարգված աշխատանքի արդյունքում 2018 թվականին ևս կարողացանք իրականացնել մի շարք ծրագրեր հանրակրթության և բարձրագույն կրթության ոլորտում:
Ավարտվում է 2018 թվականը, որի ընթացքում մեր արդյունավետ աշխատանքի շնորհիվ մայրաքաղաքում, Վայոց Ձորի, Լոռու և Գեղարքունիքի մարզերում նորաստեղծ 17 նախակրթարաններ հաճախող մանուկները համալրեցին նախորդ տարիներին բացված գեղեցիկ ու իրենց կարիքներին հարմարեցված նախակրթարաններից օգտվող հազարավոր այլ երեխաների թիվը, հիմնանորոգված հինգ ավագ դպրոցներում՝ Մեծամորում, Նոյեմբերյանում, Հրազդանում, Արարատում և Մարտունիում, աշակերտները հնարավորություն ստացան ուսումնառել անվտանգ և հարմարավետ միջավայրում, շուրջ 580 ուսուցիչներ բոլոր մարզերից վերապատրաստվեցին էլեկտրոնային կրթության զարգացման նոր գործիքների և հնարավորությունների կիրառության ուղղությամբ: Բուհական համակարգում մեր աշխատանքի արդյունքում ուսանողները, գիտնականներն ու դասախոսներն այսուհետ իրենց նորարարական գաղափարները կարող են իրագործել վերանորոգված, նորագույն սարքավորումներով և տեխնիկայով զինված և կենտրոններում ու լաբորատորիաներում, որոնք 2018 թվականին համալրվեցին Երևանի պետական բժշկական համալսարանի Ստոմատոլոգիական գերազանցության կենտրոնով, Երևանի պետական կոնսերվատորիայի Ինովացիոն ակուստիկ լաբորատորիայով, Գլաձոր համալսարանի կրիմինիալիստիկայի նորագույն լաբորատորիայով, Ֆիզիկական կուլտուրայի և սպորտի պետական ինստիտուտի գիտահետազոտական եզակի կենտրոնով, Հյուսիսային համալսարանի Ալավերդի մասնաճյուղում հեռավար ուսուցման շնորհիվ մարզի ուսանողներին ընձեռված առավել բարձրորակ մասնագիտական կրթության ստացման հնարավորություններով:
«Կրթական ծրագրերի կենտրոնը» նույն պատրաստակամությամբ ջանքերը ներդնելու է 2019 թվականին՝ կրթության ոլորտի բարելավման նոր գաղափարներ և ծրագրեր կյանքի կոչելու համար:
Լիահույս ենք, որ 2019 թվականը բոլորիս համար լինելու է մեծ ձեռքբերումների տարի։ Ինչպես նախկինում, գալիք տարի նույնպես «Կրթական ծրագրերի կենտրոնը» կաջակցի կրթության բարելավմանն ու կրթական խնդիրների լուծմանը:
Մաղթում ենք, որ 2019 թվականը լինի խաղաղության, բարեկեցության, մտքի խթանման և իրացման, նորարարությունների և առաջընթացի տարի:
Շնորհավոր Ամանոր և Սուրբ Ծնունդ
 

Նորություններ

05.06.2019 Ամփոփվեց ՆՄՀ դրամաշնորհային ծրագրերի մշտադիտարկումը ՇՊՀ-ում Հունիսի 4-ին աշխատանքային այցով Շիրակի պետական համալսարանում (ՇՊՀ) էին ԿԾԿ ԾԻԳ-ի ներկայացուցիչները: Այցի նպատակը Հայաստանի բարձրագույն կրթության Նորարարությունների մրցակցային հիմնադրամի շրջանակներում բուհի կողմից իրականացվող դրամաշնորհային ծրագրի ամփոփիչ մշտադիտարկումն էր:ԿԾԿ ԾԻԳ-ի ներկայացուցիչներին ողջունեց ՇՊՀ դրամաշնորհային ծրագրի ղեկավար Հովիկ Մելքոնյանը: Նա նշեց, որ նմանօրինակ ծրագրերի իրականացումը նոր որակական հարթության վրա է տեղափոխում բուհի գործունեությունն ու նրա վարկանիշը: ՇՊՀ... 03.06.2019 Կայացավ հանրակրթական չափորոշիչների քննարկմանը նվիրված աշխատաժողովը Եվրոպական միության ֆինանսավորմամբ իրականացվող «ԵՄ-ն նորարարության համար. բնագիտական, տեխնոլոգիական, ճարտարագիտական առարկաների և մաթեմատիկայի ուսումնական ծրագրերի վերամշակում և փորձարկում» ծրագրի շրջանակում մայիսի 30-ից հունիսի 1-ը տեղի ունեցավ ուսումնական ծրագրերի աշխատաժողով, որը կազմակերպվել էր ՀՀ կրթության, գիտության, մշակույթի և սպորտի նախարարության և Համաշխարհային բանկի կողմից։ Միջոցառմանը հրավիրված էին կրթության փորձագետներ, միջնակարգ դպրոցների ուսուցիչներ և ղեկավարներ,... 03.06.2019 Կայացավ Շիրակի պետական համալսարանի «ՆՈՐԿԵՆՏ» դրամաշնորհային ծրագրի ամփոփիչ աշխատաժողովը Մայիսի 31-ին Շիրակի պետական համալսարանում կայացավ «Շիրակի պետական համալսարանի հզորացման և կրթական ծառայությունների բազմազանեցման միջոցով տարածաշրջանային համաչափ զարգացման ապահովում» դրամաշնորհային ծրագրի ամփոփիչ աշխատաժողովը: Համաշխարհային բանկի համաֆինանսավորմամբ, «Կրթական ծրագրերի կենտրոն» ԾԻԳ-ի կողմից իրականացվող «Կրթության բարելավում» վարկային ծրագրի Նորարարությունների մրցակցային հիմնադրամի (ՆՄՀ) շրջանակներում իրականացվող դրամաշնորհային ծրագրով...