Նորություններ

Ամփոփիչ մշտադիտարկում Հյուսիսային Համալսարանում

21.12.2018

2016 թվականի դեկտեմբերին Հյուսիսային համալսարանում Նորարարությունների մրցակցային հիմնադրամի (ՆՄՀ) շրջանակներում մեկնարկել էր «Հեռակա ուսուցման դասընթացների կազմակերպում՝ հեռավար կրթական տեխնոլոգիաների զուգորդմամբ» դրամաշնորհային ծրագրի իրականացումը: Այսօր արդեն ծրագրի աշխատանքներն ամփոփվել են: Այս առիթով դեկտեմբերի 19-ին ‹‹Կրթական ծրագրերի կենտրոն» ԾԻԳ-ի ներկայացուցիչները մշտադիտարկման ամփոփիչ այց իրականացրեցին Հյուսիսային համալսարան «Հեռակա ուսուցման դասընթացների կազմակերպում՝ հեռավար կրթական տեխնոլոգիաների զուգորդմամբ» դրամաշնորհային ծրագրի ավարտն ամրագրելու նպատակով: Նշենք, որ ‹‹Հեռակա ուսուցման դասընթացների կազմակերպում՝ հեռավար կրթական տեխնոլոգիաների զուգորդմամբ » դրամաշնորհային ծրագիրը միտված է ՀՀ-ում հեռավար կրթության զարգացմանը և տեղեկատվական հաղորդակցական տեխնոլոգիաների (ՏՀՏ) կիրառման միջոցով ՀՀ Լոռու մարզում բարձրագույն մասնագիտական կրթության հասանելիության ապահովմանը: Ծրագրի շրջանակներում Հյուսիսային Համալսարանի երևանյան կրթահամալիրում և ՀՀ Լոռու մարզի Ալավերդու մասնաճյուղում իրականացվել է հեռավար ուսուցման լաբորատորիաների կահավորում և հագեցում համապատասխան համակարգչային սարքավորումներով: Ստեղծվել և մշակվել են հեռավար ձևաչափով ուսուցմամբ տասնհինգ դասընթացների ուսումնական նյութերի էլեկտրոնային շտեմարաններ: Իրականացվել են պրոֆեսորադասախոսական կազմի մեթոդական վերապատրաստումներ հեռավար դասընթացների կառուցման ուղղությամբ: Դասախոսները և բուհի վարչական կազմը վերապատրաստվել են հեռավար կրթության տեխնոլոգիաների, հեռավար դասընթացի ստեղծման առանձնահատկությունների և առցանց հաղորդակցման կանոնների ոլորտում: Նշենք նաև, որ դրամաշնորհային ծրագրի համատեքստում հրատարակվել է հեռավար ուսուցում կազմակերպելու նպատակով ուսումնական ձեռնարկը:
Հանդիպման ընթացքում դրամաշնորհային ծրագրի ղեկավար Ս. Սարգսյանը խոսեց կատարված աշխատանքի, արված ներդրումների մասին, ինչպես նաև մանրամասնեց ծրագրից ակնկալվող արդյունքների և հետագա նպատակների մասին, շեշտեց, որ հեռավար ուսուցման երկու կենտրոններն էլ կնպաստեն բուհի վարկանիշի բարձրացմանը: Ներկաները քննարկեցին ծրագրի սկզբում սահմանված արդյունքները, դրանց դրսևորումը մոնիտորինգային պլանով ձևակերպված ցուցիչների մակարդակում: Ինչպես ներկայացրեց դրամաշնորհային ծրագրի ղեկավարը, ստեղծված շտեմարանների միջոցով արդեն կան կազմակերպված դասընթացներ: Ս. Սարգյանը ներկայացրեց արդեն իսկ ընթացքում գտնվող հեռավար կրթության ուսումնական գործընթացի առանձնահատկությունները: Հատկանշական է, որ հեռավար ձևաչափով ներկայումս ուսումնառում են 15 ուսանողներ, որոնք մարզերից են: Սա արդեն իսկ խոսուն փաստ է հեռավար կրթության կիրառության միջոցով բարձրագույն կրթության հասանելիության ապահովման տեսանկյունից: Ծրագրի ղեկավարը ներկայացրեց հեռավար ձևաչափով դասընթացի մշակման և այնուհետ դասավանդման առանձնահատկությունները, խոսեց թե ընթացքում առաջ եկած դժվարությունների, թե դրանց կարգավորման կիրառված եղանակների մասին, ընդ որում, նշելով, որ հեռավար ձևաչափով կրթության ստացումը առավել աշխատատար է դասախոսի համար:
Ս. Սարգսյանը ներկայացրեց համալսարանի կայքի վերափոխման աշխատանքները, դրա հարմարեցումը հեռաուսուցման Moodle համակարգին: ԿԾԿ ԾԻԳ-ին մասնագիտական աջակցություն ցուցաբերող խորհրդատու Արշակ Ղազարյանը փորձարկեց հեռավար ուսուցման հարթակի հնարավորությունները՝ ծանոթանալով իրականացված աշխատանքներին: ԾԻԳ-ի խորհրդատուն մուտք գործեց վիրտուալ համակարգ, քննարկեց հարթակի տեղադրման և գործարկման, հեռավար դասընթացների կառուցմանն ու առցանց հաղորդակցման կանոններին առնչվող մի շարք հարցեր դրամաշնորհային ծրագրի տեխնիկական սպասարկման գծով խորհրդատուների և այլ մասնակիցների հետ:
Նշենք, որ հեռավար ձևաչափը գնալով ավելի լայն տարածում է ստանում Հայաստանի բարձրագույն կրթության համակարգում, ինչի վկայությունը միայն Նորարարությունների մրցակցային հիմնադրամի շրջանակներում այս ուղղության վրա հիմնված ևս երկու ծրագրերի իրականացումն է՝ ՀՀ պետական կառավարման ակադեմիայի և Շիրակի պետական համալսարանի կողմից: Իրականացված ծրագրերի արդյունքում հրատարակված հեռավար ուսուցման կազմակերպումը կանոնակարգող նորմատիվային փաստաթղթերը և ուսումնական ձեռնարկները խիստ կարևոր են հեռավար ուսուցման զարգացման ուղենիշ հանդիսանալու տեսանկյունից, բացի այդ իրականացված ծրագրերը նպաստում են ՀՀ-ում հեռավար կրթության ոլորտում փորձագիտական ներուժի ձևավորմանը:
 

Նորություններ

05.06.2019 Ամփոփվեց ՆՄՀ դրամաշնորհային ծրագրերի մշտադիտարկումը ՇՊՀ-ում Հունիսի 4-ին աշխատանքային այցով Շիրակի պետական համալսարանում (ՇՊՀ) էին ԿԾԿ ԾԻԳ-ի ներկայացուցիչները: Այցի նպատակը Հայաստանի բարձրագույն կրթության Նորարարությունների մրցակցային հիմնադրամի շրջանակներում բուհի կողմից իրականացվող դրամաշնորհային ծրագրի ամփոփիչ մշտադիտարկումն էր:ԿԾԿ ԾԻԳ-ի ներկայացուցիչներին ողջունեց ՇՊՀ դրամաշնորհային ծրագրի ղեկավար Հովիկ Մելքոնյանը: Նա նշեց, որ նմանօրինակ ծրագրերի իրականացումը նոր որակական հարթության վրա է տեղափոխում բուհի գործունեությունն ու նրա վարկանիշը: ՇՊՀ... 03.06.2019 Կայացավ հանրակրթական չափորոշիչների քննարկմանը նվիրված աշխատաժողովը Եվրոպական միության ֆինանսավորմամբ իրականացվող «ԵՄ-ն նորարարության համար. բնագիտական, տեխնոլոգիական, ճարտարագիտական առարկաների և մաթեմատիկայի ուսումնական ծրագրերի վերամշակում և փորձարկում» ծրագրի շրջանակում մայիսի 30-ից հունիսի 1-ը տեղի ունեցավ ուսումնական ծրագրերի աշխատաժողով, որը կազմակերպվել էր ՀՀ կրթության, գիտության, մշակույթի և սպորտի նախարարության և Համաշխարհային բանկի կողմից։ Միջոցառմանը հրավիրված էին կրթության փորձագետներ, միջնակարգ դպրոցների ուսուցիչներ և ղեկավարներ,... 03.06.2019 Կայացավ Շիրակի պետական համալսարանի «ՆՈՐԿԵՆՏ» դրամաշնորհային ծրագրի ամփոփիչ աշխատաժողովը Մայիսի 31-ին Շիրակի պետական համալսարանում կայացավ «Շիրակի պետական համալսարանի հզորացման և կրթական ծառայությունների բազմազանեցման միջոցով տարածաշրջանային համաչափ զարգացման ապահովում» դրամաշնորհային ծրագրի ամփոփիչ աշխատաժողովը: Համաշխարհային բանկի համաֆինանսավորմամբ, «Կրթական ծրագրերի կենտրոն» ԾԻԳ-ի կողմից իրականացվող «Կրթության բարելավում» վարկային ծրագրի Նորարարությունների մրցակցային հիմնադրամի (ՆՄՀ) շրջանակներում իրականացվող դրամաշնորհային ծրագրով...