Նորություններ

ՀՀ մարզերում ընթանում են հանրակրթական ուսումնական հաստատությունների ներկայացուցիչների ՏՀՏ վերապատրաստաման դասընթացները

12.11.2018

Նոյեմբերի առաջին տասնօրյակում ՀՀ մարզերի Աբովյան, Աշտարակ, Վաղարշապատ, Իջևան, Դիլիջան, Սևան, Արտաշատ, Գյումրի, Սպիտակ, Գորիս, Կապան և Սիսիան քաղաքներում, ինչպես նաև մի շարք համայնքերում մեկնարկեցին հանրակրթական ուսումնական հաստատությունների ներկայացուցիչների ՏՀՏ վերապատրաստաման դասընթացները, որոնք իրականացվում են կանադական հեղինակավոր Ագենս Յունիվերսարի Դե Լա Ֆրանկոֆոն կազմակերպության կողմից վերապատրաստված և միջազգային հավաստագիր ստացած տեղական դասախոսների կողմից՝ նույն կազմակերպության կողմից մշակված յոթ մոդուլներով: Հասցեական վերապատրաստումներն ընթանում են մի քանի փուլերով՝ ընդգրկելով հանրապետության գրեթե բոլոր մարզերը, և կամփոփվեն տարեվերջին: Վերոնշյալ վերապատրաստման դասընթացների արդյունքում մանկավարժները տիրապետում են ՏՀՏ նոր գործիքների, հետաքրքիր մուլտիմեդիա նյութերի ստեղծմանը և վստահեցնում են, որ կօգտագործեն դրանք դասերի ժամանակ: Վերապատրաստման արդյունքում՝ ժամանակակից, ինտերակտիվ խաղային նյութերը, վիրտուալ փորձերն ու շրջապտույտները կդառնան դասապրոցեսի անբաժանելի մասը: ԿԾԿ ԾԻԳ-ի «Կրթության համակարգում տվյալների հավաքագրման և առաջընթացի մշտադիտարկման բարելավում» ենթաբաղադրիչի ղեկավար Հարություն Ղարիբջանյանի խոսքով այս վերապատրաստումները կվերափոխեն ոչ միայն ավանդական կրթական համակարգը, այլև կնպաստեն կրթության մշտական հնարավորություն ապահովող ցանցի ձևավորմանը, անհրաժեշտ կադրերի պատրաստմանը, նոր ուսումնական նյութերի, դասավանդման մեթոդաբանության ստեղծմանը, և իհարկե, կրթական նոր ստանդարտների մշակմանն ու տարածմանը:
«Վերապատրաստման դասընթացների արդյունքում ձեռք բերելով անհրաժեշտ մակարդակ՝ ուսուցիչները ՏՀՏ գործիքների օգնությամբ կրթությունն ավելի գրավիչ եւ արդյունավետ կդարձնեն »,-հավելեց Հարություն Ղարիբջանյանը։
Վանաձորի դասընթացավար Նարինե Բաղդասարյանի խոսքով վերապատրաստման արդյունքում «Հիբրիդ կրթություն», «Շրջված դասարան» թեմաների համատեքստում ուսուցիչները ծանոթանում են ՏՀՏ գործիքների կիրառության առանձնահատկություններին և կարողանում են տիրապետել ինտերակտիվ դասընթացի կազմման հմտություններին: Վերապատրասման մասնակից, մանկավարժ Արմեն Մկրտչյանն առանձնապես ոգևորված է համագործակցային փաթեթի գործածությամբ, որը նպաստում է թիմային աշխատանքի արդյունավետությանը : Սևան քաղաքի դասընթացավար Ռուզաննա Պիպոյանն էլ նշեց, որ գրեթե բոլոր մասնակիցները, հաջողությամբ հանձնելով գիտելիքների ստուգման թեստը, վերադառնում են իրենց աշխատանքին` հետաքրքիր մտահղացումներով, խոստանալով կիրառել գիտելիքների ամբարած պաշարը: Աշտարակի թիվ 5 դպրոցի ուսուցչուհի Ալինա Մովսեսյանը փաստեց. «Հինգ օրն անցավ հագեցած ու բովանդակալից. Kahoot, Socrative, Quizizz, MindMup գործիքների կիրառումը, ինչպես նաև կրթական սցենարների ստեղծման MindMup միջավայրի փորձարկումը չափազանց հետաքրքիր էր» ,- հավելեց մասնակիցը:
Մանկավարժները վստահ են, որ ՏՀՏ գործիքների կիրառումը դասապրոցեսը ավելի գրավիչ կդարձնեն աշակերտների համար, որոնց հետաքրքրվածությունը նոր տեխնոլոգիաներով հաջողությամբ կարող է օգտագործվել նաև դպրոցական առարկաների՝ առավել արդյունավետ ուսուցանման նպատակներով: Նշենք, որ մինչև տարեվերջ հասցեական վերապատրաստումների արդյունքում կվերապատրաստվեն մարզային հանրակրթական ուսումնական հաստատությունների ավելի քան 300 ներկայացուցիչներ:
 

Նորություններ

10.02.2020 Ամփոփվեց դրամաշնորհային ծրագրերի երկշաբաթյա մշտադիտարկումը բուհերում Փետրվարի 7-ին Հայաստանի բարձրագույն կրթության Նորարարությունների մրցակցային հիմնադրամի շրջանակներում ամփոփվեց ընթացիկ դրամաշնորհային ծրագրերի երկշաբաթյա մշտադիտարկումը ՆՄՀ երկրորդ հիմնական շրջափուլով դրամաշնորհառու հանդիսացող բուհերում: Վերջին հանդիպումը տեղի ունեցավ Հայ-Ռուսական համալսարանում (ՀՌՀ): Հանդիպման ընթացքում ՀՌՀ-ի կողմից իրականացվող դրամաշնորհային ծրագրի ղեկավար Արսեն Առաքելյանը ծանոթացրեց ՆՄՀ երկրորդ հիմնական շրջափուլի շրջանակներում հիմնվող ««Գենային... 07.02.2020 Անասնաբուժական կրթագիտական գերազանցության կենտրոն՝ ՆՄՀ դրամաշնորհով Փետրվարի 5-ին ԿԾԿ ԾԻԳ-ի ներկայացուցիչները աշխատանքային այց են իրականացրել «Հայաստանի ազգային ագրարային համալսարան» (ՀԱԱՀ) հիմնադրամ: Այցի նպատակը Հայաստանի բարձրագույն կրթության Նորարարությունների մրցակցային հիմնադրամի (ՆՄՀ) դրամաշնորհային ընթացիկ ծրագրի մշտադիտարկումն էր: ԿԾԿ ԾԻԳ-ի ներկայացուցիչները ՀԱԱՀ-ի դրամաշնորհային ծրագրի ղեկավար Սոնա Ծառուկյանի ուղեկցությամբ ծանոթացան ՆՄՀ երկրորդ հիմնական շրջափուլի շրջանակներում հիմնվող «Անասնաբուժական կրթագիտական... 07.02.2020 ՀՊՄՀ-ում բացվել է ապագա, մանկավարժների գործնական հմտությունների զարգացմանն ուղղված մուլտիմեդիոն լաբորատորիա «Խաչատուր Աբովյանի անվան հայկական պետական մանկավարժական համալսարան» հիմնադրամում (ՀՊՄՀ) փետրվարի 6-ին բացվել է ապագա մանկավարժների գործնական հմտությունների զարգացմանն ու կատարելագործմանն ուղղված մուլտիմեդիոն լաբորատորիան և երկու հետազոտական լսարանները՝ համալրված համապատասխան գույքով, մասնագիտական ծրագրեր պարունակող համակարգիչներով, ինչպես նաև ստեղծվել է էլեկտրոնային կրթական հարթակը՝ մշակված ուսումնաօժանդակ նյութերով և վիրտուալ գրադարանով: Այս ժամանակակից ենթակառուցվածքը...