Նորություններ

ՀՀ կրթության և գիտության նախարարը մասնակցել է հանրակրթական ուսումնական հաստատությունների ներկայացուցիչների ՏՀՏ վերապատրաստման դասընթացին

03.10.2018

Հոկտեմբերի 3-ին ՀՀ կրթության և գիտության նախարար Արայիկ Հարությունյանը Կրթության ազգային ինստիտուտի երևանյան գրասենյակում մասնակցել է հանրակրթական ուսումնական հաստատությունների ներկայացուցիչների ՏՀՏ վերապատրաստման դասընթացին: ՀՀ ԿԳ նախարարը «Կրթական ծրագրերի կենտրոն» ԾԻԳ-ի տնօրեն Գրիշա Հովհաննիսյանի ուղեկցությամբ ծանոթացել է վերապատրաստման ընթացքին, կրթական տարբեր հարցերի շուրջ զրուցել վերապատրաստմանը մասնակից ինֆորմատիկայի ուսուցիչների հետ: Հիշեցնենք, որ սեպտեմբերի 17-ից «Կրթության բարելավում» ծրագրի «Կրթության համակարգում տվյալների հավաքագրման և առաջընթացի մշտադիտարկման բարելավում» ենթաբաղադրիչի աշխատանքների շրջանակներում մեկնարկել էին հանրակրթական ուսումնական հաստատությունների ներկայացուցիչների ՏՀՏ վերապատրաստման դասընթացները: Վերապատրաստումներն իրականացվում են վարկային ծրագրի շրջանակներում կանադական հեղինակավոր Ագենս Յունիվերսարի Դե Լա Ֆրանկոֆոն կազմակերպության կողմից վերապատրաստված և միջազգային հավաստագիր ստացած 30 տեղական դասախոսների կողմից՝ նույն կազմակերպության կողմից մշակված յոթ մոդուլներով: Հանդիպման մեկնարկին «Կրթության համակարգում տվյալների հավաքագրման և առաջընթացի մշտադիտարկման բարելավում» ենթաբաղադրիչի ղեկավար Հարություն Ղարիբջանյանը կարևորեց ՏՀՏ գործիքների կիրառման անհրաժեշտությունը ուսումնական հաստատություններում՝ նշեց, որ ՏՀՏ գործիքների կիրառման արդյունավետության բարձրացման նպատակով իրականացվող վերապատրաստումները երաշխավորում են նոր մեթոդների կիրառումը հայաստանյան կրթական համակարգում: 30 վերապատրաստվողներից երկուսը՝ Սոնա Խաչատրյանն ու Արմեն Մկրտչյանը, որոնք վարում էին դասընթացն ու ներկայացնում ՏՀՏ գործիքների կիրառության առանձնահատկությունները, խոսեցին վերապատրաստման կարևորության և արդյունավետության մասին: ՏՀՏ գործիքների կիրառությանը և դրանց առանձնահատկություններին ԿԳՆ նախարարը ծանոթացավ սեփական փորձով: Անձնական սմարտֆոնով, միանալով վիրտուալ համակարգին, Արայիկ Հարությունյանը փորձարկեց ՏՀՏ գործիքներից մի քանիսը և կարծիք հայտնեց դրանց արդյունավետության մասին: ԿԳՆ նախարարը փաստեց , որ ՏՀՏ գործիքները օգտակար են հիմնական և ավագ դպրոցի բովանադակության բարելավման համատեքստում. «Մենք այժմ քայլեր ենք ձեռնարկում դպրոցի կրթական ծրագրի բովանդակությունը փոխելու ուղղությամբ: Առաջին հերթին ուսուցիչը պիտի հասկանա ՏՀՏ կիրառության առավելությունները և զգա, թե որքանով է այն հեշտացնում թե իր՝ ուսուցչի գործը և թե աշակերտների՝ առարկան հասկանալու, թեմաներն ընկալելու խնդիրը: Բայց, իհարկե, անհրաժեշտ են համապատասխան պաշարներ և դրանք կիրառելու հմտություններ»,- հավելեց նախարարը:
Վերոնշյալ վերապատրաստման դասընթացների արդյունքում ուսուցիչները տիրապետում են ՏՀՏ նոր գործիքների, հետաքրքիր մուլտիմեդիա նյութերի ստեղծմանը և վստահեցնում են որ կօգտագործեն դրանք դասերի ժամանակ: Արդյունքում՝ ժամանակակից, ինտերակտիվ խաղային նյութերը, վիրտուալ փորձերն ու շրջապտույտները կդառնան դասապրոցեսի անբաժանելի մասը:
ԿԾԿ ԾԻԳ-ի տնօրենի խոսքով այս վերապատրաստումները կվերափոխեն ոչ միայն ավանդական կրթական համակարգը այլև կնպաստեն կրթության մշտական հնարավորություն ապահովող ցանցի ձևավորմանը, անհրաժեշտ կադրերի պատրաստմանը, նոր ուսումնական նյութերի, դասավանդման մեթոդաբանության ստեղծմանը, և իհարկե, կրթական նոր ստանդարտների մշակմանն ու տարածմանը:
«Վերապատրաստման դասընթացների արդյունքում ունենալով անհրաժեշտ մակարդակ՝ ինֆորմատիկայի ուսուցիչներն իրենց առարկայի դասավանդումից շատ ավելի մեծ դեր կարող են ունենալ դպրոցում. տնօրինել համակարգչայնացման հարցերը, մշտապես օգնել մյուս ուսուցիչներին տեղեկատվական տեխնոլոգիաները տիրապետելու եւ օգտագործելու գործում»,-հավելեց Հարություն Ղարիբջանյանը։
ՀՀ ԿԳՆ նախարարը ծանոթացավ նաև http://esource.armedu.am/ հասցեով հայալեզու և առարկայական ծրագրերին համապատասխան կառուցված ինտերակտիվ վիրտուալ լաբորատորիաներին , որոնք ստեղծվել են ` «Կրթական ծրագրերի կենտրոն» ԾԻԳ-ի «Տեղեկատվական և հաղորդակցման տեխնոլոգիաների ներդրում հանրակրթության համակարգում» ենթաբաղադրիչի աշխատանքների շրջանակներում, երկրաչափություն, ֆիզիկա, քիմիա և կենսաբանություն առարկաների համար: Մանկավարժների հավաստմամբ` վիրտուալ լաբորատորիաները օգնում են դպրոցներին լրացնելու իրական սարքավորումների պակասը և օժանդակում են ուսումնական գործընթացի գրագետ և մատչելի կազմակերպմանը:
Նախարարը վստահեցրեց, որ այս գործիքների կիրառումը և վիրտուալ լաբորատորիաների առկայությունը դասապրոցեսը ավելի գրավիչ կդարձնեն աշակերտների համար, որոնց հետաքրքրվածությունը նոր տեխնոլոգիաներով հաջողությամբ կարող է օգտագործվել նաև դպրոցական առարկաների՝ առավել արդյունավետ ուսուցանման նպատակներով:

 

Նորություններ

10.02.2020 Ամփոփվեց դրամաշնորհային ծրագրերի երկշաբաթյա մշտադիտարկումը բուհերում Փետրվարի 7-ին Հայաստանի բարձրագույն կրթության Նորարարությունների մրցակցային հիմնադրամի շրջանակներում ամփոփվեց ընթացիկ դրամաշնորհային ծրագրերի երկշաբաթյա մշտադիտարկումը ՆՄՀ երկրորդ հիմնական շրջափուլով դրամաշնորհառու հանդիսացող բուհերում: Վերջին հանդիպումը տեղի ունեցավ Հայ-Ռուսական համալսարանում (ՀՌՀ): Հանդիպման ընթացքում ՀՌՀ-ի կողմից իրականացվող դրամաշնորհային ծրագրի ղեկավար Արսեն Առաքելյանը ծանոթացրեց ՆՄՀ երկրորդ հիմնական շրջափուլի շրջանակներում հիմնվող ««Գենային... 07.02.2020 Անասնաբուժական կրթագիտական գերազանցության կենտրոն՝ ՆՄՀ դրամաշնորհով Փետրվարի 5-ին ԿԾԿ ԾԻԳ-ի ներկայացուցիչները աշխատանքային այց են իրականացրել «Հայաստանի ազգային ագրարային համալսարան» (ՀԱԱՀ) հիմնադրամ: Այցի նպատակը Հայաստանի բարձրագույն կրթության Նորարարությունների մրցակցային հիմնադրամի (ՆՄՀ) դրամաշնորհային ընթացիկ ծրագրի մշտադիտարկումն էր: ԿԾԿ ԾԻԳ-ի ներկայացուցիչները ՀԱԱՀ-ի դրամաշնորհային ծրագրի ղեկավար Սոնա Ծառուկյանի ուղեկցությամբ ծանոթացան ՆՄՀ երկրորդ հիմնական շրջափուլի շրջանակներում հիմնվող «Անասնաբուժական կրթագիտական... 07.02.2020 ՀՊՄՀ-ում բացվել է ապագա, մանկավարժների գործնական հմտությունների զարգացմանն ուղղված մուլտիմեդիոն լաբորատորիա «Խաչատուր Աբովյանի անվան հայկական պետական մանկավարժական համալսարան» հիմնադրամում (ՀՊՄՀ) փետրվարի 6-ին բացվել է ապագա մանկավարժների գործնական հմտությունների զարգացմանն ու կատարելագործմանն ուղղված մուլտիմեդիոն լաբորատորիան և երկու հետազոտական լսարանները՝ համալրված համապատասխան գույքով, մասնագիտական ծրագրեր պարունակող համակարգիչներով, ինչպես նաև ստեղծվել է էլեկտրոնային կրթական հարթակը՝ մշակված ուսումնաօժանդակ նյութերով և վիրտուալ գրադարանով: Այս ժամանակակից ենթակառուցվածքը...