Նորություններ

ՀՀ ԿԳ նախարարի այցը ՀՀ Արմավիրի մարզ

22.08.2018

2018-2019 ուսումնական տարվան ընդառաջ մեկնարկել են ավանդական օգոստոսյան խորհրդակցությունները:Օգոստոսի 21-ին ՀՀ կրթության և գիտության նախարար Արայիկ Հարությունյանը օգոստոսյան խորհրդակցությունների համատեքստում այց է իրականացրել ՀՀ Արմավիրի մարզի Մեծամորի թիվ 2 ավագ դպրոց և Մեծամորի թիվ 1 հիմնական դպրոց: Հանդիպմանը ներկա էին <<Կրթական ծրագրի կենտրոն>> ԾԻԳ-ի տնօրեն Գրիշա Հովհաննիսյանը, ՀՀ կրթության և գիտության նախարարության և ԿԾԿ ԾԻԳ-ի ներկայացուցիչներ: ԾԻԳ-ի տնօրենի ուղեկցությամբ շրջելով վերոնշյալ հիմնանորոգվող ավագ դպրոցում ՀՀ ԿԳ նախարարը ծանոթացավ իրականացված աշխատանքներին, ԾԻԳ-ի ներկայացուցիչների հետ քննարկեց դրանց հետ առնչվող մի շարք հարցեր: Նշենք, որ Մեծամորի թիվ 2 ավագ դպրոցը ներկայումս «Աջակցություն միջնակարգ դպրոցի երրորդ աստիճանի զարգացմանը» ենթաբաղադրիչի աշխատանքների շրջանակներում իրականացվող հիմնանորոգման ծրագրում ընդգրկված 5 ավագ դպրոցներից մեկն է: Հավելենք, որ 5 դպրոցների ընտրությունը իրականացվել է համաձայն ԿԳ նախարարության կողմից մշակված չափանիշների: Ներկաները ԿԳ նախարարին ներկայացրեցին «Կրթության բարելավում» ծրագրի շրջանակներում իրականացված վերոնշյալ դպրոցի շենքի հիմնանորոգման և շինարարական աշխատանքների ողջ ընթացքը: Մեծամորի ավագ դպրոցում հիմնանորոգման գործընթացն ամփոփիչ փուլում է. ավարտին են մոտենում դպրոցի հարակից տարածքների բարեկարգման աշխատանքները, կառուցված են խաղահրապարակները, արտաքին և ներքին աստիճաններն ու թեքահարթակները, դպրոցում շարունակվում են նաև ներքին հարդարման աշխատանքները: ԿԾԿ ԾԻԳ-ի տնօրենը փաստեց, որ «Կրթության բարելավում» ծրագրի իրականացումը նպաստում է ոչ միայն ընտրված դպրոցների ենթակառուցվածքների վերականգնմանն ու բարելավմանը, այլ նվազեցնում է շահագործման և պահպանման ծախսերը:
Նախարարի հաջորդ կանգառը Մեծամորի թիվ 1 հիմնական դպրոցն էր: Այցի նպատակը վերոնշյալ կրթօջախում միկրոծրագրի շրջանակներում ստեղծված նախակրթարանի գործունեությանը ծանոթանալն էր: Նախարարին և հյուրերին ողջունեց նախակրթարանի տնօրեն Նունե Գևորգյանը: Տնօրենը կարևորեց դպրոցում իրականացված ծրագրի նշանակությունը սաների կրթության և դաստիարակության գործում` վստահեցնելով, որ դրամաշնորհային ծրագրի իրականացման արդյունքում ստեղծված պայմաններում ուսումնական գործընթացի արդյունավետությունը և որակը զգալիորեն բարձրացել է: ԿԳՆ նախարարը տնօրենի ուղեկցությամբ շրջեց խմբասենյակներով, եղավ նաև նախակրթարանի բակում: Հիշեցնենք, որ նախակրթարանը ստեղծվել է 2016 թ.-ին «Կրթական ծրագրերի կենտրոն» ԾԻԳ-ի և վերոնշյալ կրթական հաստատության միջև կնքված դրամաշնորհային պայմանագրով: Նախակրթարանը ծրագրի իրականացման արդյունքում կահավորվել է համապատասխան ժամանակակից գույքով, սարքավորումներով, ապահովվել է մանկական գրականությամբ, ուսումնական նյութերով ու խաղալիքներով: Նախարարը նշեց, որ կարևորում է ծրագրի շարունակականությունը, քանի որ ծրագրի շնորհիվ հնարավոր է դառնում հոգալ այն երեխաների կրթական կարիքները, ովքեր բնակվում են մարզերում, որտեղ հասանելի չեն նախադպրոցական հաստատությունները:
ԿԾԿ ԾԻԳ-ի տնօրենն ընդգծեց, որ <<Կրթության բարելավում>> ծրագրի շրջանակներում արդեն իսկ հիմնվել են 80 նախակրթարաններ, ևս 17-ը կսկսեն գործել առաջիկա ուսումնական տարվանից:
 

Նորություններ

10.02.2020 Ամփոփվեց դրամաշնորհային ծրագրերի երկշաբաթյա մշտադիտարկումը բուհերում Փետրվարի 7-ին Հայաստանի բարձրագույն կրթության Նորարարությունների մրցակցային հիմնադրամի շրջանակներում ամփոփվեց ընթացիկ դրամաշնորհային ծրագրերի երկշաբաթյա մշտադիտարկումը ՆՄՀ երկրորդ հիմնական շրջափուլով դրամաշնորհառու հանդիսացող բուհերում: Վերջին հանդիպումը տեղի ունեցավ Հայ-Ռուսական համալսարանում (ՀՌՀ): Հանդիպման ընթացքում ՀՌՀ-ի կողմից իրականացվող դրամաշնորհային ծրագրի ղեկավար Արսեն Առաքելյանը ծանոթացրեց ՆՄՀ երկրորդ հիմնական շրջափուլի շրջանակներում հիմնվող ««Գենային... 07.02.2020 Անասնաբուժական կրթագիտական գերազանցության կենտրոն՝ ՆՄՀ դրամաշնորհով Փետրվարի 5-ին ԿԾԿ ԾԻԳ-ի ներկայացուցիչները աշխատանքային այց են իրականացրել «Հայաստանի ազգային ագրարային համալսարան» (ՀԱԱՀ) հիմնադրամ: Այցի նպատակը Հայաստանի բարձրագույն կրթության Նորարարությունների մրցակցային հիմնադրամի (ՆՄՀ) դրամաշնորհային ընթացիկ ծրագրի մշտադիտարկումն էր: ԿԾԿ ԾԻԳ-ի ներկայացուցիչները ՀԱԱՀ-ի դրամաշնորհային ծրագրի ղեկավար Սոնա Ծառուկյանի ուղեկցությամբ ծանոթացան ՆՄՀ երկրորդ հիմնական շրջափուլի շրջանակներում հիմնվող «Անասնաբուժական կրթագիտական... 07.02.2020 ՀՊՄՀ-ում բացվել է ապագա, մանկավարժների գործնական հմտությունների զարգացմանն ուղղված մուլտիմեդիոն լաբորատորիա «Խաչատուր Աբովյանի անվան հայկական պետական մանկավարժական համալսարան» հիմնադրամում (ՀՊՄՀ) փետրվարի 6-ին բացվել է ապագա մանկավարժների գործնական հմտությունների զարգացմանն ու կատարելագործմանն ուղղված մուլտիմեդիոն լաբորատորիան և երկու հետազոտական լսարանները՝ համալրված համապատասխան գույքով, մասնագիտական ծրագրեր պարունակող համակարգիչներով, ինչպես նաև ստեղծվել է էլեկտրոնային կրթական հարթակը՝ մշակված ուսումնաօժանդակ նյութերով և վիրտուալ գրադարանով: Այս ժամանակակից ենթակառուցվածքը...