Նորություններ

Ամփոփիչ մշտադիտարկում՝ Երևանի Կոմիտասի անվան պետական կոնսերվատորիայում

04.04.2018

2018 թվականի մարտին Նորարարությունների մրցակցային հիմնադրամի հավելյալ շրջափուլի շրջանակներում Երևանի Կոմիտասի անվան պետական կոնսերվատորիան (ԵՊԿ) ավարտեց 2017-ի հունվարին մեկնարկած նորարարական ծրագրի իրականացումը: Այս առիթով ապրիլի 3-ին մշտադիտարկման ամփոփիչ այց իրականացվեց Երևանի Կոմիտասի անվան պետական կոնսերվատորիա՝ <<Ինովացիոն ակուստիկ լաբորիատորիա>> դրամաշնորհային ծրագրի ավարտն ամրագրելու նպատակով: Դրամաշնորհային ծրագրի համակարգող, ԵՊԿ-ի Որակի ներքին ապահովման բաժնի ղեկավար Նարինե Ավետիսյանը խոսեց կատարված աշխատանքի մասին, ներդրումների, ինչպես նաև ծրագրից ակնկալվող արդյունքների և հետագա նպատակների մասին։ Ներկաները եղան նորաստեղծ Ինովացիոն ակուստիկ լաբորիատորիայում, ծանոթացան ՆՄՀ շրջանակներում հիմնված լաբորատորիայի ստեղծման աշխատանքներին: Դրամաշնորհային ծրագրի համակարգողը փաստեց, որ երաժշտական ինովացիոն լաբորատորիայի առկայությունը կբարձրացնի բուհի վարկանիշը և կնպաստի ԵՊԿ-ի միջազգայնացմանը: Ն. Ավետիսյանը խոսեց ծրագրի շրջանակներում իրականացված գործողությունների մասին: Նա նշեց, որ երաժշտական ինովացիոն լաբորատորիայի հիմնադրման ընթացքը սկսվել է տարածքի վերանորոգման աշխատանքներից: Մասնավորապես, իրականացվել են լաբորատորիայի տարածքում փոփոխական ակուստիկ պանելների տեղադրման և համակարգող սենյակի ձայնամեկուսացման աշխատանքներ: Ձեռք բերված անհրաժեշտ կահույքը և համակարգչային սարքավորումները տեղադրված են, համապատասխան մասնագիտական համակարգչային ծրագրերը՝ փորձարկված: ԿԾԿ ԾԻԳ-ի ներկայացուցիչները, շրջայցի արդյունքում ամրագրեցին, որ ձեռք բերված լարային ու ստեղնաշարահարվածային գործիքներն ու անհրաժեշտ այլ երաժշտական սարքավորումները նույնպես տեղադրված են նորաստեղծ լաբորատորիայում: Դրամաշնորհային ծրագրի համակարգողի հավաստմամբ մի շարք քայլեր են ձեռնարկված նաև Երևանի Կոմիտասի անվան պետական կոնսերվատորիայի երաժշտական կրթական գործընթացի բովանդակության արդիականացման ուղղությամբ. մասնավորապես, իրականացվել է <<Երաժշտական կատարողական արվեստ>> մագիստրոսական կրթական ծրագրի վերամշակում և արդիականացում, այս ծրագիրը ներդրվելու է նոր ուսումնական տարում: Ամփոփվում է <<Ստեղծագործություն>> (կոմպոզիցիա) մասնագիտության նոր առարկայական ծրագրերի մշակման գործընթացը: <<Այս ինովացիոն ակուստիկ լաբորատորիան բուհի ուսանողների համար կիրառական կարողություններ և պրակտիկ հմտություններ ձեռքբերելու հնարավորությունից բացի, նաև երաժշտագետների համար բացելու է գիտահետազոտական ուսումնասիրությունների նոր դաշտ>>,-նշեց դրամաշնորհային ծրագրի համակարգողը: Այցի ընթացքում ԿԾԿ ԾԻԳ-ին ԵՊԿ դրամաշնորհային ծրագրի ընթացքում մասնագիտական աջակցություն ցուցաբերող անհատ խորհրդատու Ս. Էլբակյանը ծրագրի համակարգողի հետ համատեղ քննարկեց ձեռք բերված երաժշտական սարքավորումների գործարկման հետ կապված մի շարք հարցեր:
<<Մենք համոզված ենք, որ դրամաշնորհային ծրագրի արդյունքում ստեղծված այս ենթակառուցվածքն էլ ավելի կընդլայնի բուհում ձևավորված ստեղծագործ մթնոլորտը, իսկ կատարված աշխատանքի արդյունավետության հետագա ցուցանիշները պետք է լինեն ստեղծված հնարավորությունների կիրառումն ու դրանցում երիտասարդ մասնագետների մասնակցության խթանումը>>,-հավելեց դրամաշնորհային ծրագրի համակարգողը:
 

Նորություններ

10.01.2019 Վերաբացվեց Մարտունու հիմնանորոգված և կահավորված ավագ դպրոցը Հունվարի 8-ին իր դռները բացեց Մարտունի քաղաքի Տ. Աբրահամյանի անվան հիմնանորոգված և կահավորված ավագ դպրոցը, որը 5-րդն է առաջին փուլով հիմնանորոգված և շահագործման հանձնված Մեծամորի, Արարատի, Հրազդանի և Նոյեմբերյանի ավագ դպրոցների շարքում: Դպրոցի հիմնանորոգումն իրականացվել է Համաշխարհային բանկի համաֆինանսավորմամբ, «Կրթական ծրագրերի կենտրոն» ԾԻԳ-ի «Կրթության բարելավում» վարկային ծրագրի շրջանակներում: Դպրոցի տնօրեն Վարդան Ավետիսյանը փաստում է, որ այս հիմնանորոգված դպրոցի... 26.12.2018 Շնորհավոր Ամանոր և Սուրբ Ծնունդ Հարգելի հայրենակիցներ, «Կրթական ծրագրերի կենտրոն» ԾԻԳ-ը շնորհավորում է Ամանորի և Սուրբ Ծննդյան տոների կապակցությամբ: 2018 թվականը մեզ համար եղավ նշանակալի հաջողությունների ու նոր նախաձեռնությունների տարի: Արդյունավետ ու համակարգված աշխատանքի արդյունքում 2018 թվականին ևս կարողացանք իրականացնել մի շարք ծրագրեր հանրակրթության և բարձրագույն կրթության ոլորտում: Ավարտվում է 2018 թվականը, որի ընթացքում մեր արդյունավետ աշխատանքի շնորհիվ մայրաքաղաքում, Վայոց Ձորի, Լոռու և... 25.12.2018 ‹‹Կրթական ծրագրերի կենտրոն ›› ԾԻԳ-ն ամփոփում է 2018-ի ընթացքում կատարված աշխատանքները ‹‹Կրթական ծրագրերի կենտրոն›› ծրագրերի իրականացման գրասենյակն ամփոփել է 2018 թվականին ‹‹Կրթության բարելավում›› վարկային ծրագրի շրջանակներում կատարված աշխատանքները: Ներկայացնենք տարվա ընթացքում ԾԻԳ-ի գործունեության համապարփակ պատկերը: 2018թ.-ի ընթացքում ‹‹Հանրակրթության որակի բարելավում›› բաղադրիչի ‹‹Դպրոցին՝ երեխաների պատրաստվածության բարձրացում և կրթության հավասար մեկնարկային...