Նորություններ

Հինգ ավագ դպրոցների հիմնանորոգումն ընթացքում է

02.04.2018

<<Կրթական ծրագրերի կենտրոն>> ԾԻԳ-ի <<Աջակցություն միջնակարգ դպրոցի երրորդ աստիճանի զարգացմանը>> ենթաբաղադրիչի ղեկավար Գրիշա Բաղդասարյանը, համակարգողներ Ռաֆայել Արզումանյանը և Նարեկ Պողոսյանը շինարարության ողջ ընթացքում իրականացվող այցերի շրջանակներում մարտ ամսին իրականացրել են այցեր ՀՀ մարզեր` «Կրթության բարելավում» վարկային ծրագրով ընթացող շինարարական աշխատանքների որակի ու տեմպի տեխնիկական մոնիտորինգ իրականացնելու նպատակով: ԿԾԿ ԾԻԳ-ի ներկայացուցիչները եղան ՀՀ Արմավիրի մարզի Մեծամորի թիվ 2, ՀՀ Արարատի մարզի Արարատ քաղաքի թիվ 3, ՀՀ Կոտայքի մարզի Հրազդանի թիվ 1, ՀՀ Գեղարքունիքի մարզի Մարտունու Տ. Աբրահամյանի անվան և ՀՀ Տավուշի մարզի, Նոյեմբերյանի թիվ 1 ավագ դպրոցներում և ծանոթացան հինգ տեղամասերի հիմնանորոգման ընթացիկ աշխատանքներին: Հիշեցնենք, որ «Կրթության բարելավում» վարկային ծրագրի շրջանակներում` առաջին փուլով իրականացվում են 5 ավագ դպրոցների հիմնանորոգման աշխատանքները: Այցի շրջանակներում ներկայացուցիչներն ուսումնասիրեցին կատարված շինարարության որակը: Շրջելով ինչպես շինհրապարակների ողջ տարածքում, այնպես էլ շենքերի ներսում ներկաները արձանագրեցին, որ ամփոփվում են դպրոցների հարակից տարածքների բարեկարգման աշխատանքները, խաղահրապարակների կառուցումը, արտաքին և ներքին աստիճանների ու թեքահարթակների կառուցումը: Դպրոցներում ավարտին են մոտենում նաև ներքին հարդարման աշխատանքները, քննարկեցին շինարարական աշխատանքներին առնչվող մի շարք հարցեր: Հիշեցնենք, որ դեկտեմբեր-հունվար ամիսներին արդեն ավարտին էին հասցվել դպրոցների տանիքների կառուցման, պատուհանների տեղադրման, շենքերի հիմքերի ուժեղացման և պատերի ջերմամեկուսացման շերտի տեղադրման աշխատանքները: Հավելենք, որ ՀՀ Կոտայքի մարզի Հրազդանի թիվ 1 դպրոցում ամփոփվում են տանիքի և հարակից տարածքի բարեկարգման աշխատանքները, իսկ ՀՀ Գեղարքունիքի մարզի Մարտունու Տ. Աբրահամյանի անվան ավագ դպրոցում ընթացքում են կաթսայատան կառուցման, և ջեռուցման կաթսաների տեղադրման աշխատանքները: ԾԻԳ-ի ներկայացուցիչները արձանագրեցին, որ իրականացվել է շինարարության գրեթե 77%-ը և շինարարական աշխատանքների ավարտը նախատեսվում է սույն թվականի աշնանը: Հավելենք, որ վերանորոգման աշխատանքները իրականացվում են սեյսմիկ անվտանգության չափանիշների համաձայն: Նման հանդիպումներին ներկա են լինում նաև կապալառու կազմակերպությունների ներկայացուցիչները և վերոնշյալ դպրոցների տնօրենները: Ներկաները հուսով են, որ նման աշխատանքային այցերը հնարավորինս կհեշտացնեն հիմնանորոգման գործընթացը ավագ դպրոցներում:

 

Նորություններ

10.02.2020 Ամփոփվեց դրամաշնորհային ծրագրերի երկշաբաթյա մշտադիտարկումը բուհերում Փետրվարի 7-ին Հայաստանի բարձրագույն կրթության Նորարարությունների մրցակցային հիմնադրամի շրջանակներում ամփոփվեց ընթացիկ դրամաշնորհային ծրագրերի երկշաբաթյա մշտադիտարկումը ՆՄՀ երկրորդ հիմնական շրջափուլով դրամաշնորհառու հանդիսացող բուհերում: Վերջին հանդիպումը տեղի ունեցավ Հայ-Ռուսական համալսարանում (ՀՌՀ): Հանդիպման ընթացքում ՀՌՀ-ի կողմից իրականացվող դրամաշնորհային ծրագրի ղեկավար Արսեն Առաքելյանը ծանոթացրեց ՆՄՀ երկրորդ հիմնական շրջափուլի շրջանակներում հիմնվող ««Գենային... 07.02.2020 Անասնաբուժական կրթագիտական գերազանցության կենտրոն՝ ՆՄՀ դրամաշնորհով Փետրվարի 5-ին ԿԾԿ ԾԻԳ-ի ներկայացուցիչները աշխատանքային այց են իրականացրել «Հայաստանի ազգային ագրարային համալսարան» (ՀԱԱՀ) հիմնադրամ: Այցի նպատակը Հայաստանի բարձրագույն կրթության Նորարարությունների մրցակցային հիմնադրամի (ՆՄՀ) դրամաշնորհային ընթացիկ ծրագրի մշտադիտարկումն էր: ԿԾԿ ԾԻԳ-ի ներկայացուցիչները ՀԱԱՀ-ի դրամաշնորհային ծրագրի ղեկավար Սոնա Ծառուկյանի ուղեկցությամբ ծանոթացան ՆՄՀ երկրորդ հիմնական շրջափուլի շրջանակներում հիմնվող «Անասնաբուժական կրթագիտական... 07.02.2020 ՀՊՄՀ-ում բացվել է ապագա, մանկավարժների գործնական հմտությունների զարգացմանն ուղղված մուլտիմեդիոն լաբորատորիա «Խաչատուր Աբովյանի անվան հայկական պետական մանկավարժական համալսարան» հիմնադրամում (ՀՊՄՀ) փետրվարի 6-ին բացվել է ապագա մանկավարժների գործնական հմտությունների զարգացմանն ու կատարելագործմանն ուղղված մուլտիմեդիոն լաբորատորիան և երկու հետազոտական լսարանները՝ համալրված համապատասխան գույքով, մասնագիտական ծրագրեր պարունակող համակարգիչներով, ինչպես նաև ստեղծվել է էլեկտրոնային կրթական հարթակը՝ մշակված ուսումնաօժանդակ նյութերով և վիրտուալ գրադարանով: Այս ժամանակակից ենթակառուցվածքը...