Նորություններ

Ամփոփվում է ՆՄՀ հավելյալ շրջափուլի դրամաշնորհային ծրագրերի մշտադիտարկումը

12.02.2018

Փետրվարի 2-ին Հայաստանի բարձրագույն կրթության Նորարարությունների մրցակցային հիմնադրամի շրջանակներում ամփոփվեց ընթացիկ դրամաշնորհային ծրագրերի մշտադիտարկումը բուհերում: Վերջին հանդիպումը տեղի ունեցավ Շիրակի պետական համալսարանում (ՇՊՀ): Մշտադիտարկումն իրականացնում էին ՀՀ կրթության և գիտության նախարարության և ԿԾԿ ԾԻԳ-ի ներկայացուցիչները: ՇՊՀ դրամաշնորհային ծրագրի ղեկավար Հովիկ Մելքոնյանը ԿԾԿ ԾԻԳ-ի ներկայացուցիչներին ծանոթացրեց ՆՄՀ շրջանակներում իրականացվող <<Շիրակի պետական համալսարանի հզորացման և կրթական ծառայությունների բազմազանեցման միջոցով տարածաշրջանային համաչափ զարգացման ապահովում>> դրամաշնորհային ծրագրի ընթացիկ աշխատանքներին: Ծրագրի շրջանակներում ՇՊՀ-ում ստեղծվում է անհրաժեշտ նյութատեխնիկական բազայով ապահովված՝ լրացուցիչ և շարունակական կրթության կենտրոն՝ իր 2 ռեսուրս-կենտրոններով, ինչպես նաև արդիականացվում է կրթական գործընթացը՝ <<Ներառական կրթության կազմակերպում>> և <<Կայուն տուրիզմի զարգացում և մարզամշակութային միջոցառումների կազմակերպում>> պարտադիր դասընթացների մշակման ու ներդրման միջոցով: ՇՊՀ դրամաշնորհային ծրագրի ղեկավարի ուղեկցությամբ ներկաները շրջեցին բուհի տարածքում և ծանոթացան ծրագրի իրականացման ընթացքին. նրանք ամրագրեցին, որ դահլիճի, հարակից տարածքի, ինչպես նաև ռեսուրս-կենտրոնների վերանորոգումն ու կահավորումը ավարտված է: Ծրագրի շրջանակներում իրականացվել է համակարգչային տեխնիկայի, սինխրոն թարգմանության սարքավորումների, հեռուստակոնֆերանսի համակարգի և համակարգչային ծրագրերի մատակարարումը: Համակարգչային տեխնիկան, ըստ անհրաժեշտության, ամբողջությամբ տեղադրված էր երկու ռեսուրս-կենտրոններում և դահլիճում: Ծրագրի շրջանակներում անհատ խորհրդատուի կողմից մշակվել է էլեկտրոնային ուսուցման համակարգի նախագիծը: Այցի ընթացքում ԿԾԿ ԾԻԳ-ին ՇՊՀ դրամաշնորհային ծրագրի ընթացքում մասնագիտական աջակցություն ցուցաբերող խորհրդատու Արշակ Ղազարյանը բուհի ներկայացուցիչների հետ քննարկեց էլեկտրոնային ուսուցման համակարգի հնարավորությունները: ԾԻԳ-ի խորհրդատուն անդրադարձավ համակարգի տեղադրման և գործարկման, դրա տեղեկատվական բազայի օգտագործման առանձնահատկություններին, քննարկեց տվյալների արխիվացմանը և պահպանմանն առնչվող մի շարք հարցեր: Ծրագրի շրջանակներում, բուհի պատասխանատուների ներկայացմամբ, իրականացվել է ՇՊՀ կրթական ծրագրերի լրամշակմանն առնչվող հարցերի քննարկումներ մասնագիտական ամբիոնների ու շահառուների հետ: Ծրագրի ղեկավարը տեղեկացրեց, որ առաջիկայում կմեկնարկեն ուսումնական նյութերի մշակման աշխատանքները երկու ուղղություններով՝ ներառական կրթության կազմակերպում և կայուն տուրիզմի զարգացում և մարզամշակութային միջոցառումների կազմակերպում: Բուհի հավաստմամբ ընթացքում են հեռաուսուցման դասընթացի մշակման նպատակով չորս ուղղություններով անհրաժեշտ խորհրդատուների ներգրավման աշխատանքները: Հ. Մելքոնյանը նշեց, որ դրամաշնորհային ծրագրով նախատեսված հեռաուսուցման դասընթացի մշակման ուղղությամբ աշխատանքների իրականացումը տևեց ավելի երկար, քան նախատեսված էր, ինչը առաջ է բերում դրամաշնորհային ծրագրի տևողության երկարացման խնդիր: Ներկաները քննարկեցին ծրագրով նախատեսված գործողությունների ժամանակացույցը, և դրամաշնորհային պայմանագրի ժամկետի և ծրագրի փուլայնության վերանայման առնչությամբ որոշվեց առավել ընդգրկուն քննարկում անցկացնել ԿԾԿ ԾԻԳ-ում` բուհի կողմից փոփոխությունների նախնական տարբերակի մշակումից հետո: Ներկաները փաստեցին, որ նյութատեխնիկական բազայի հարստացումը, կրթական նոր տեխնոլոգիաների ներդրումը, համագործակցային ցանցի ստեղծումն ու ընդլայնումը կնպաստեն բուհի հզորացմանը և վարկանիշի բարձրացմանը: 

Նորություններ

16.07.2018 ՀԲ «Կրթության բարելավում» ծրագրի թիմի համաղեկավարի այցը Չարենցավանի թիվ 6 հիմնական դպրոց Հուլիսի 13–ին Համաշխարհային բանկի «Կրթության բարելավում» ծրագրի թիմի համաղեկավար Կատյա Մարինա Հերրերա Սոսան ԿԾԿ ԾԻԳ-ի <<Դպրոցին երեխաների պատրաստվածության մակարդակի բարձրացում և կրթության հավասար մեկնարկային հնարավորությունների ապահովում>> ենթաբաղադրիչի ղեկավար Արմինե Խաչատրյանի և ԾԻԳ-ի ինժեներ-խորհրդատու Վռամ Բոյաջյանի ուղեկցությամբ այցելեց Չարենցավանի թիվ 6 հիմնական դպրոց: Այցի նպատակը վերոնշյալ կրթօջախում միկրոծրագրի շրջանակներում ստեղծված նախակրթարանի... 13.07.2018 Համաշխարհային Բանկի պատվիրակությունը հանդիպել է ԿԾԿ ԾԻԳ-ի ներկայացուցիչներին Հուլիսի 9-13-ը Երևան է ժամանել Համաշխարհային բանկի (ՀԲ) կրթության հարցերով թիմը՝ ընթացող աշխատանքների որակի մոնիտորինգ իրականացնելու նպատակով: Այցի շրջանակներում հուլիսի 10-ին և 11-ին Համաշխարհային բանկի պատվիրակությունը հանդիպել է ԿԳՆ ԿԾԿ ԾԻԳ-ի ներկայացուցիչների հետ: Հանդիպումներին ներկա էին Համաշխարհային բանկի «Կրթության բարելավում» ծրագրի թիմի համաղեկավար Կատյա Մարինա Հերրերա Սոսան, ՀԲ «Կրթության բարելավում» ծրագրի թիմի համաղեկավար, ավագ տնտեսագետ Սորեն Նելմանը,... 12.07.2018 Նախադպրոցական միկրոծրագրերում ընդգրկված կրթական հաստատություններում մեկնարկել են շինարարական աշխատանքները <<Կրթության բարելավում>> ծրագրի շրջանակներում <<Դպրոցին երեխաների պատրաստվածության մակարդակի բարձրացում և կրթության հավասար մեկնարկային հնարավորությունների ապահովում>> ենթաբաղադրիչի աշխատանքների համատեքստում հունիս և հուլիս ամիսների ընթացքում ԿԾԿ ԾԻԳ-ի ներկայացուցիչները աշխատանքային այցեր են կատարել մայրաքաղաքի, Վայոց Ձորի, Լոռու և Գեղարքունիքի մարզերի նախադպրոցական միկրոծրագրերում ընդգրկված կրթական հաստատություններ: Աշխատանքային այցերի նպատակը Երևանում և վերոնշյալ...