Նորություններ

Աշխատանքային հանդիպում Երևանի Կոմիտասի անվան պետական կոնսերվատորիայում

09.02.2018

Փետրվարի 1-ին Երևանի Կոմիտասի անվան պետական կոնսերվատորիայում (ԵՊԿ) տեղի ունեցավ աշխատանքային հանդիպում: Հանդիպմանը ներկա էին ՀՀ կրթության և գիտության նախարարության և ԿԾԿ ԾԻԳ-ի ներկայացուցիչները: Հանդիպման նպատակը Հայաստանի բարձրագույն կրթության Նորարարությունների մրցակցային հիմնադրամի (ՆՄՀ) դրամաշնորհային ընթացիկ ծրագրի մշտադիտարկումն էր: Ներկաները դրամաշնորհային ծրագրի համակարգող, ԵՊԿ-ի Որակի ներքին ապահովման բաժնի ղեկավար Նարինե Ավետիսյանի ուղեկցությամբ եղան նորաստեղծ Ինովացիոն ակուստիկ լաբորիատորիայում, ծանոթացան ՆՄՀ շրջանակներում հիմնվող լաբորատորիայի ստեղծման ընթացիկ աշխատանքներին: Դրամաշնորհային ծրագրի համակարգողը փաստեց, որ Երաժշտական ինովացիոն լաբորատորիայի առկայությունը կբարձրացնի բուհի վարկանիշը և կնպաստի ԵՊԿ-ի միջազգայնացման բարելավմանը: Ն. Ավետիսյանը ներկայացրեց, որ ԵՊԿ դրամաշնորհային ծրագրի շրջանակներում ընթացքում է երաժշտական լաբորատորիայի ստեղծումը և դրա զինումը նորարարական փոփոխական ակուստիկ սարքավորումներով, համապատասխան երաժշտական գործիքներով և մասնագիտական համակարգչային ծրագրերով: Նա խոսեց ծրագրի շրջանակներում այս փուլում իրականացված գործողությունների մասին: Ն. Ավետիսյանը նշեց, որ Երաժշտական ինովացիոն լաբորատորիայի հիմնադրման ընթացքը սկսվել է տարածքի վերանորոգման աշխատանքներից: Մասնավորապես, իրականացվել են լաբորատորիայի տարածքում փոփոխական ակուստիկ պանելների տեղադրման և համակարգող սենյակի ձայնամեկուսացման աշխատանքներ: Ձեռք բերված անհրաժեշտ կահույքը և համակարգչային սարքավորումները տեղադրված են: Մեկնարկել է համապատասխան մասնագիտական համակարգչային ծրագրերի գնման գործընթացը: ԾԻԳ-ի ներկայացուցիչները, շրջայցի արդյունքում, ամրագրեցին, որ ձեռք են բերվել նաև նախատեսված լարային գործիքներն ու անհրածեշտ երաժշտական սարքավորումները: Երաժշտական գործիքներն ու սարքավորումների մի մասն արդեն տեղադրված է նորաստեղծ լաբորատորիայում: Մյուս մասն էլ ձեռք է բերված, գտնվում է բուհում և առաջիկայում նույնպես կտեղադրվի նախատեսված տարածքում: Բուհը իրականացրել է նաև միջազգային խորհրդատուի ներգրավման աշխատանքները, ով պետք է աջակցություն ցուցաբերի նորարարական տեխնոլոգիաների՝ ուսումնական գործընթացում ներդրման տեսանկյունից, իրականացնի բուհի աշխատակիցների վերապատրաստում: Դրամաշնորհային ծրագրի համակարգողի հավաստմամբ մի շարք քայլեր են ձեռնարկված նաև Երևանի Կոմիտասի անվան պետական կոնսերվատորիայի երաժշտական կրթական գործընթացի բովանդակության արդիականացման ուղղությամբ. մասնավորապես, իրականացվել է <<Երաժշտական կատարողական արվեստ>> մագիստրոսական կրթական ծրագրի վերամշակում և արդիականացում, այս ծրագիրը հաստատվել է բուհի կողմից: Ընթացքում է <<Ստեղծագործություն>> (կոմպոզիցիա) մասնագիտության նոր ժամանակակից առարկայական ծրագրերի մշակման գործընթացը:
Հավելենք, որ Ինովացիոն ակուստիկ լաբորատորիայի ստեղծումը կնպաստի բուհի ուսանողների կիրառական կարողությունների և հմտությունների զարգացմանը և ընդլայնմանը, ինչպես նաև ուսանողների ձայնարտաբերման տեխնիկայի կատարելագործմանն ու մասնագիտության վերջնարդյունքների բարելավմանը:
 

Նորություններ

11.10.2018 ՀՀ ԿԳՆ նախարարը ներկա է գտնվել ՀՀ Գեղարքունիքի մարզի Ծաղկունք համայնքի նախակրթարանի բացմանը Հոկտեմբերի 9-ին Գեղարքունիքի մարզի Ծաղկունք համայնքի բաց դպրոցում տեղի է ունեցել նախակրթարանի բացում, որը ստեղծվել է <<Կրթական ծրագրերի կենտրոն>> ԾԻԳ-ի և վերոնշյալ կրթական հաստատության միջև սույն թվականի մայիսի 17-ին կնքված դրամաշնորհային պայմանագրերով: ՀՀ կրթության և գիտության նախարար Արայիկ Հարությունյանը շրջայցով Գեղարքունիքի մարզում էր: Նա ներկա գտնվեց Ծաղկունքի բաց դպրոցի նախակրթարանի պաշտոնական բացման արարողությանը: Նախակրթարանի բացմանը ներկա էին համայնքի ղեկավար Պ.... 10.10.2018 ՀՀ ԿԳՆ նախարարի ուշադրության կենտրոնում նախադպրոցական կրթությունն է Սեպտեմբեր–հոկտեմբեր ամիսներին ՀՀ Լոռու մարզի 4, Վայոց Ձորի մարզի 3 Գեղարքունիքի 1 համայնքների և Երևանի թվով 9 կրթական հաստատություններում տեղի է ունեցել նախակրթարանների բացում, որոնք ստեղծվել են «Կրթական ծրագրերի կենտրոն» ԾԻԳ-ի «Կրթության բարելավում» վարկային ծրագրի շրջանակներում: Հոկտեմբերի 8-ին ՀՀ ԿԳ նախարար Արայիկ Հարությունյանը ԿԾԿ ԾԻԳ-ի տնօրեն Գ, Հովհաննիսյանի և ԿԾԿ ԾԻԳ-ի ներկայացուցիչների ուղեկցությամբ այցելել է Ջոն Կիրակոսյանի անվան թիվ 20... 04.10.2018 ՀՀ կրթության և գիտության նախարարը ծանոթացել է ԿՏԱԿ-ի շենքի հիմնանորոգման աշխատանքներին Հոկտեմբերի 3-ին ՀՀ կրթության և գիտության նախարար Արայիկ Հարությունյանը շրջայց է իրականացրել <<Կրթական տեխնոլոգիաների ազգային կենտրոն>> ՊՈԱԿ-ին հատկացված նոր տարածքում, որը հիմնովին վերակառուցվում է «Կրթության բարելավում» վարկային ծրագրի շրջանակներում: <<Կրթական ծրագրերի կենտրոն>> ԾԻԳ-ի տնօրեն Գրիշա Հովհաննիսյանի ուղեկցությամբ շրջելով շինհրապարակում և ծանոթանալով հիմնանորոգման ընթացիկ աշխատանքներին` ՀՀ ԿԳՆ նախարարը ԾԻԳ-ի ներկայացուցիչների հետ...