Նորություններ

Շնորհավոր Ամանոր և Սուրբ Ծնունդ

28.12.2017

 Սիրելի հայրենակիցներ

<<Կրթական ծրագրերի կենտրոն>> ԾԻԳ-ը շնորհավորում է Ձեզ Ամանորի եւ Սուրբ Ծննդյան տոների առթիվ:
Տարեվերջի ու տարեմուտի այս օրերին ընդունված է ամփոփել անցնող տարին և գալիք տարվա համար բարեմաղթանքներ հղել, որոնք լի են նոր հույսերով ու սպասումներով:
Կրթության ոլորտում մեր աշխատանքն առնչվում է հասարակության գրեթե բոլոր խմբերի սպասումների, ակնկալիքների և արձագանքի հետ, ինչը <<Կրթական ծրագրերի կենտրոն>> ԾԻԳ-ի համար իրականացվող աշխատանքի հանրային նշանակության հավելյալ պատասխանատվություն է: Տարվա ընթացքում փորձել ենք այդ պատասխանատվությունը իրացնել տարբեր հարթակներում՝ հանրային քննարկումների, աշխատանքի արդյունքների հնարավորինս լայն լուսաբանման և այլ միջոցներով:
Անցնող տարին ճանապարհում ենք նախատեսված աշխատանքների կատարողական բարձր ցուցանիշներով, շուրջտարյա անընդմեջ գործունեության հուսադրող արդյունքներով:
Ավարտվում է 2017-ը, որի ընթացքում մեր արդյունավետ աշխատանքի շնորհիվ մարզաբնակ բազում մանուկներ հաճախում են գեղեցիկ ու իրենց կարիքներին հարմարեցված նորաստեղծ նախակրթարաններ, որ պետք է ապահովի նրանց առավել պատրաստ մուտքը դպրոց: Տարվա ընթացքում մարզային հինգ ավագ դպրոցների հիմնանորոգումը թևակոխեց ամփոփիչ փուլ՝ նշելով մեր պատրաստակամությունը՝ խթանել անվտանգ և ապահով միջավայրերում կրթական գործընթացի իրականացման հնարավորությունները: Ժամանակի ոգուն համահունչ՝ մշակվեցին և ներդրվեցին էլեկտրոնային կրթության զարգացման նոր գործիքներ և հնարավորություններ: Բուհական համակարգում մեր աշխատանքի արդյունքում ուսանողները, գիտնականներն ու դասախոսներն այսուհետ իրենց նորարարական գաղափարները կարող են իրագործել վերանորոգված, նորագույն սարքավորումներով և տեխնիկայով զինված կենտրոններում ու լաբորատորիաներում: Ակնկալում ենք, որ նոր տարին բոլորիս համար կլինի այս ստեղծված հնարավորությունների առավելագույնս արդյունավետ օգտագործման և նոր հնարավորությունների ընդլայնման տարի՝ նպաստելով կրթության ոլորտի շահառուների և մեր պետության զարգացմանը:
Յուրաքանչյուր Ամանոր նոր մեկնարկի ներուժ ունի, թող այդ մեկնարկը իրացվի բոլորիս համար՝ լինելով հաջող և խոստումնալից:

Շնորհավոր Ամանոր և Սուրբ Ծնունդ

 

Նորություններ

13.07.2018 Համաշխարհային Բանկի պատվիրակությունը հանդիպել է ԿԾԿ ԾԻԳ-ի ներկայացուցիչներին Հուլիսի 9-13-ը Երևան է ժամանել Համաշխարհային բանկի (ՀԲ) կրթության հարցերով թիմը՝ ընթացող աշխատանքների որակի մոնիտորինգ իրականացնելու նպատակով: Այցի շրջանակներում հուլիսի 10-ին և 11-ին Համաշխարհային բանկի պատվիրակությունը հանդիպել է ԿԳՆ ԿԾԿ ԾԻԳ-ի ներկայացուցիչների հետ: Հանդիպումներին ներկա էին Համաշխարհային բանկի «Կրթության բարելավում» ծրագրի թիմի համաղեկավար Կատյա Մարինա Հերրերա Սոսան, ՀԲ «Կրթության բարելավում» ծրագրի թիմի համաղեկավար, ավագ տնտեսագետ Սորեն Նելմանը,... 12.07.2018 Նախադպրոցական միկրոծրագրերում ընդգրկված կրթական հաստատություններում մեկնարկել են շինարարական աշխատանքները <<Կրթության բարելավում>> ծրագրի շրջանակներում <<Դպրոցին երեխաների պատրաստվածության մակարդակի բարձրացում և կրթության հավասար մեկնարկային հնարավորությունների ապահովում>> ենթաբաղադրիչի աշխատանքների համատեքստում հունիս և հուլիս ամիսների ընթացքում ԿԾԿ ԾԻԳ-ի ներկայացուցիչները աշխատանքային այցեր են կատարել մայրաքաղաքի, Վայոց Ձորի, Լոռու և Գեղարքունիքի մարզերի նախադպրոցական միկրոծրագրերում ընդգրկված կրթական հաստատություններ: Աշխատանքային այցերի նպատակը Երևանում և վերոնշյալ... 10.07.2018 Ամփոփվում է ՆՄՀ հավելյալ շրջափուլի դրամաշնորհային ծրագրերի մշտադիտարկումը Հուլիսի 8-ին Հայաստանի բարձրագույն կրթության Նորարարությունների մրցակցային հիմնադրամի շրջանակներում ամփոփվեց ընթացիկ դրամաշնորհային ծրագրերի մշտադիտարկումը բուհերում: Վերջին հանդիպումը տեղի ունեցավ Շիրակի պետական համալսարանում (ՇՊՀ): Մշտադիտարկումն իրականացնում էին ԿԾԿ ԾԻԳ-ի ներկայացուցիչները` մասնագիտական աջակցության խորհրդատուի հետ համատեղ: Խմբի անդամներին ողջունեց բուհի ռեկտորի պարտականությունները կատարող Ե. Սերոբյանը: Նա ընդգծեց, որ այս դրամաշնորհային ծրագիրը լավ խթան է թե կրթության...