Նորություններ

Հեռավար մագիստրոսական կրթության մեկնարկը Հայաստանում

14.09.2017

Սեպտեմբերի 14-ին ՀՀ պետական կառավարման ակադեմիայում մեկնարկեց «Գործարար վարչարարություն» համատեղ հեռավար մագիստրոսական ծրագրի ամփոփիչ սեմինարը, որն իրականացվում է Հայաստանի բարձրագույն կրթության Նորարարությունների  մրցակցային  հիմնադրամի «Հեռավար մագիստրոսական կրթություն՝ համատեղ դիպլոմի շնորհմամբ» ծրագրի շրջանակներում: Սույն դրամաշնորհային ծրագրի շրջանակներում ՀՀ պետական կառավարման ակադեմիան և ՀՀ ԳԱԱ Գիտակրթական միջազգային կենտրոնը (ԳԿՄԿ) դարձան առաջին բուհերը, որոնց ՀՀ Կրթության և գիտության նախարարության կողմից շնորհվեց հեռավար կրթության իրականացման իրավունք:Սեմինար-շնորհանդեսի օրակարգում համատեղ հեռավար մագիստրոսական ծրագրի համաձայնագրի ստորագրումն էր և հեռավար կրթության առանձնահատկությունների ներկայացումը: Սեմինարին մասնակցում էին <<Կրթական ծրագրերի կենտրոն>> ԾԻԳ-ի ներկայացուցիչներ, ՀՀ ՊԿԱ-ի և ՀՀ ԳԱԱ ԳԿՄԿ-ի պրոֆեսորադասախոսական կազմը, ներկայացուցիչներ այլ բուհերից:
Հիշեցնենք, որ «Հեռավար մագիստրոսական կրթություն՝ համատեղ դիպլոմի շնորհմամբ» ծրագրով նախատեսված կարևորագույն բաղադրիչը 2016թ-ի. հունիսի 23-ին կոնսորցիումի մասնակից երկու բուհերի և ՀՀ կրթության և գիտության նախարարության միջև հեռավար կրթության զարգացման հուշագրի կնքումն էր, որն ուղղված է ՀՀ-ում հեռավար ուսուցման հիմքերի ամրապնդմանն ու հեռավար ուսուցման ազգային համակարգի զարգացմանն ու ինտեգրմանը, և հեռավար ուսուցմանը համահունչ և հեռավար կրթության իրականացումը կարգավորող նորմատիվ իրավական ակտերի մշակմանն ու հաստատմանը: Ծրագրի շրջանակներում մշակված նորմատիվ իրավական փաստաթղթերը առանցքային նշանակություն ունեն ինչպես դրամաշնորհին մասնակից բուհերի տեսանկյունից, այնպես էլ կարևորագույն խթան են հանդիսանում Հայաստանի բարձրագույն կրթության տարածքում հեռավար կրթության ներդրման և զարգացման համար: Նշենք նաև` ծրագրի շրջանակներում պատրաստվել է «Գործարար վարչարարություն» մագիստրոսական կրթական ծրագրի հեռավար ուսուցման ուսումնական պլանը` 26 առարկայական ծրագրերով` մշակված հեռավար ուսուցման ձևաչափով, որը կգործարկվի սույն ուսումնական տարում:
Սեմինարի մասնակիցներին ողջունեց ՀՀ ՊԿԱ ռեկտոր Ա.Լոքյանը նշելով, որ այս փորձը ուսանելի է հեռավար կրթություն իրականացնող բոլոր բուհերի համար: ՀՀ ՊԿԱ ռեկտորի խոսքով <<Կրթական ծրագրերի կենտրոն>> ԾԻԳ-ի աջակցության և երկու բուհերի արդյունավետ համագործակցության շնորհիվ այսօր ունենք արդիական հեռավար մագիստրոսական ծրագիր: ՀՀ ԳԱԱ ԳԿՄԿ տնօրեն Ա. Սարգսյանը կարևորելով համատեղ հեռավար կրթական ծրագրի իրականացումը` նշեց, <<Սա ձեռքբերում է երկու բուհերի համար և առավել խորը համագործակցության սկիզբ>>: Երկու բուհերի ռեկտորների կողմից իրականացվեց <<Համատեղ հեռավար մագիստրոսական ծրագրի համաձայնագրի>> ստորագրում: <<Կրթական ծրագրերի կենտրոն>> ԾԻԳ-ի ծրագրերի ղեկավարի ժ/պ Ժաննա Անդրեասյանը շնորհավորելով սեմինարի մասնակիցներին նշեց` <<Այն ջանքերն ու եռանդը , որ ներդրվել են մինչ այժմ, հիմնաքարն են, որի վրա իրապես պետք է մեկնարկի բուն մագիստրոսական ծրագրի իրականացումը:Մաղթելով հաջող ընթացք ծրագրին նա հավելեց` <<Սա նախապատրաստական աշխատանքն է և ամեն ինչ դեռ առջևում է>>: ՀՀ պետական կառավարման ակադեմիայի արտաքին կապերի գծով պրոռեկտոր Թերեզա Խեչոյանը և ՀՀ ԳԱԱ ԳԿՄԿ արտաքին կապերի բաժնի պետ Արուսյակ Հարությունյանը ներկայացրեցին ՆՄՀ շրջանակներում <<Հեռավար մագիստրոսական կրթություն՝ համատեղ դիպլոմի շնորհմամբ>> դրամաշնորհային ծրագրի իրականացման ընթացքը: Հավելենք որ երկօրյա սեմինար-շնորհանդեսի ընթացքում 2 բուհերի դասախոսները կներկայացնեն իրենց կողմից մշակված հեռավար դասընթացների առարկայական ծրագրերը:

 

Նորություններ

05.06.2019 Ամփոփվեց ՆՄՀ դրամաշնորհային ծրագրերի մշտադիտարկումը ՇՊՀ-ում Հունիսի 4-ին աշխատանքային այցով Շիրակի պետական համալսարանում (ՇՊՀ) էին ԿԾԿ ԾԻԳ-ի ներկայացուցիչները: Այցի նպատակը Հայաստանի բարձրագույն կրթության Նորարարությունների մրցակցային հիմնադրամի շրջանակներում բուհի կողմից իրականացվող դրամաշնորհային ծրագրի ամփոփիչ մշտադիտարկումն էր:ԿԾԿ ԾԻԳ-ի ներկայացուցիչներին ողջունեց ՇՊՀ դրամաշնորհային ծրագրի ղեկավար Հովիկ Մելքոնյանը: Նա նշեց, որ նմանօրինակ ծրագրերի իրականացումը նոր որակական հարթության վրա է տեղափոխում բուհի գործունեությունն ու նրա վարկանիշը: ՇՊՀ... 03.06.2019 Կայացավ հանրակրթական չափորոշիչների քննարկմանը նվիրված աշխատաժողովը Եվրոպական միության ֆինանսավորմամբ իրականացվող «ԵՄ-ն նորարարության համար. բնագիտական, տեխնոլոգիական, ճարտարագիտական առարկաների և մաթեմատիկայի ուսումնական ծրագրերի վերամշակում և փորձարկում» ծրագրի շրջանակում մայիսի 30-ից հունիսի 1-ը տեղի ունեցավ ուսումնական ծրագրերի աշխատաժողով, որը կազմակերպվել էր ՀՀ կրթության, գիտության, մշակույթի և սպորտի նախարարության և Համաշխարհային բանկի կողմից։ Միջոցառմանը հրավիրված էին կրթության փորձագետներ, միջնակարգ դպրոցների ուսուցիչներ և ղեկավարներ,... 03.06.2019 Կայացավ Շիրակի պետական համալսարանի «ՆՈՐԿԵՆՏ» դրամաշնորհային ծրագրի ամփոփիչ աշխատաժողովը Մայիսի 31-ին Շիրակի պետական համալսարանում կայացավ «Շիրակի պետական համալսարանի հզորացման և կրթական ծառայությունների բազմազանեցման միջոցով տարածաշրջանային համաչափ զարգացման ապահովում» դրամաշնորհային ծրագրի ամփոփիչ աշխատաժողովը: Համաշխարհային բանկի համաֆինանսավորմամբ, «Կրթական ծրագրերի կենտրոն» ԾԻԳ-ի կողմից իրականացվող «Կրթության բարելավում» վարկային ծրագրի Նորարարությունների մրցակցային հիմնադրամի (ՆՄՀ) շրջանակներում իրականացվող դրամաշնորհային ծրագրով...