Նորություններ

Հավաստագրեր` դպրոցի ներկայացուցիչներին

28.07.2017

     «Կրթության բարելավում» ծրագրի շրջանակներում 2016 թվականի նոյեմբերի 23-ին «Կրթական ծրագրերի կենտրոն» ԾԻԳ-ի և «Ագենս Յունիվերսարի դե Լա Ֆրանկոֆոն» կազմակերպության միջև ՏՀՏ վերապատրաստման կարիքների գնահատման, մոդուլների մշակման և վերապատրաստողների վերապատրաստման նպատակով կնքված պայմանագրի շրջանակներում մշակվել են ՏՀՏ վերապատրաստման մոդուլներ:Մշակված մոդուլները նախատեսված են շարունակական վերապատրաստումներ իրականացնելու համար: Պայմանագրի շրջանակներում վերապատրաստողների վերապատրաստումը իրականացնելու համար Երևանից և մարզերից ընտրվել են 30 վերապատրաստողների թեկնածուներ, որոնք երկու խմբով 5-օրյա աշխատակարգով՝ հունիսի 12-16-ը և 26-30-ը Ֆրանսիական համալսարանում անցել են վերապատրաստումներ և հաջողությամբ հանձնել ավարտական թեստը:Հուլիսի 27-ին Բրյուսովի անվան լեզվաբանական համալսարանում Ֆրանկոֆոն թվայնացված կենտրոնում 30 վերապատրաստողների հանձնվել են համապատասխան հավաստագրերը:
Մասնակիցներին շնորհավորելով և հանձնելով հավաստագրերը Ֆրանկոֆոնիայի համալսարանական գործակալության հայաստանյան ներկայացուցչության տնօրեն Ռուզաննա Ղանթաղչյանը հույս հայտնեց, որ այս վերապատրաստումները երաշխավորում են նոր մեթոդների կիրառումը հայստանյան կրթական համակարգում, ինչն էլ անպայման կբարելավի ուսուցման որակը։ «Կրթության համակարգում տվյալների հավաքագրման և առաջընթացի մշտադիտարկման բարելավում» ենթաբաղադրիչի ղեկավար Հարություն Ղարիբջանյանը նշեց, որ ունենալով նման գործիքներ, արդեն իսկ վերապատրաստված վերապատրաստողները «Կրթության բարելավում» ծրագրի շրջանակներում կիրականացնեն 4000 ուսուցիչների և վարչական աշխատողների հասցեական վերապատրաստումներ` ՏՀՏ-ի կիրառումը կոնկրետ առարկանրի դասավանդման և ուսումնական հաստատությունների վարչարարության ընթացքում: Վերապատրաստումները շարունակական բնույթ կկրեն և վերապատրաստումներից հետո հետադարձ կապի ապահովումը, ուսուցիչների միջև համագործակցային աշխատաոճ սերմանելու հնարավորությունները կնպաստեն շոշափելի առաջընթացի։
 

Նորություններ

20.08.2019 Մեկնարկել են ՀՀ Սյունիքի մարզի Գորիսի Ա.Բակունցի անվան ավագ դպրոցի հիմնանորոգման աշխատանքները Օգոստոսի 19-ին ԿԾԿ ԾԻԳ-ի ներկայացուցիչները աշխատանքային այցով եղան ՀՀ Սյունիքի մարզի Գորիսի Ակսել Բակունցի անվան թիվ 1 ավագ դպրոցում:Այցի նպատակը «Կրթության բարելավում» վարկային ծրագրի շրջանակներում վերոնշյալ ավագ դպրոցի հիմնանորոգման աշխատանքների մեկնարկն էր: Վերոնշյալ ավագ դպրոցը ներկայումս «Աջակցություն միջնակարգ դպրոցի երրորդ աստիճանի զարգացմանը» ենթաբաղադրիչի աշխատանքների շրջանակներում իրականացվող վերանորոգման ծրագրում ընդգրկված 7 ավագ դպրոցներից մեկն է : Նշենք... 13.08.2019 Գավառի Մ. Բունիաթյանի անվան կրթական հաստատությունում ամփոփվում են շինարարական աշխատանքները ‹‹Կրթության բարելավում›› ծրագրի շրջանակներում ‹‹Դպրոցին երեխաների պատրաստվածության մակարդակի բարձրացում և կրթության հավասար մեկնարկային հնարավորությունների ապահովում›› ենթաբաղադրիչի աշխատանքների համատեքստում ՀՀ Գեղարքունիքի մարզի Գավառ քաղաքի նախադպրոցական միկրոծրագրերում ընդգրկված Մ Բունիաթյանի անվան թիվ 8 կրթական հաստատությունում ամփոփվում են շինարարական աշխատանքները: Նշենք, որ շինարարական աշխատանքներն ընթանում են պայմանագրով... 09.08.2019 ՀՀ Արմավիրի մարզի կրթական հաստատություններում ամփոփվում են շինարարական աշխատանքները ‹‹Կրթության բարելավում›› ծրագրի շրջանակներում ‹‹Դպրոցին երեխաների պատրաստվածության մակարդակի բարձրացում և կրթության հավասար մեկնարկային հնարավորությունների ապահովում›› ենթաբաղադրիչի աշխատանքների համատեքստում ՀՀ Արմավիրի մարզի Դողս և Նոր Կեսարիա համայնքների նախադպրոցական միկրոծրագրերում ընդգրկված կրթական հաստատություններում ամփոփվում են շինարարական աշխատանքները: Նշենք, որ շինարարական աշխատանքներն ընթանում են պայմանագրով նախատեսված...