Նորություններ

Ամփոփվում է ՀՀ ՊԿԱ դրամաշնորհային ծրագրի երրորդ փուլը

14.06.2017

    Հունիսի 14-ին ԿԾԿ ԾԻԳ-ի ներկայացուցիչները աշխատանքային այցով եղան Հայաստանի Հանրապետության պետական կառավարման ակադեմիայում, որտեղ տեղի ունեցավ աշխատանքային հանդիպում: Այցի նպատակը Հայաստանի բարձրագույն կրթության Նորարարությունների մրցակցային հիմնադրամի (ՆՄՀ) դրամաշնորհային ընթացիկ ծրագրի մշտադիտարկումն էր: Ծրագրի ղեկավար, ՀՀ պետական կառավարման ակադեմիայի արտաքին կապերի գծով պրոռեկտոր Թերեզա Խեչոյանը ներկաներին ծանոթացրեց ՆՄՀ շրջանակներում <<Հեռավար մագիստրոսական կրթություն՝ համատեղ դիպլոմի շնորհմամբ>> դրամաշնորհային ծրագրի ընթացիկ աշխատանքներին: 2015 թվականի դեկտեմբերին մեկնարկած այս ծրագիրը միտված է ՀՀ-ում հեռավար կրթության ներդրմանն ու զարգացմանը, տեղեկատվական հաղորդակցական տեխնոլոգիաների (ՏՀՏ) կիրառման միջոցով մագիստրոսական կրթության հասանելիության ապահովմանը: Ծրագրի շրջանակներում իրականացված գործողությունները ներառում են հետևյալը՝ հեռավար ուսուցման հարթակի տեղադրում, ՀՀ պետական կառավարման ակադեմիայի և ՀՀ ԳԱԱ գիտակրթական միջազգային կենտրոնի պրոֆեսորադասախոսական կազմի վերապատրաստում և հեռավար դասընթացների կառուցում, համատեղ դիպլոմի ձևաչափի մշակում: Հիշեցնենք, որ ծրագրի շրջանակում 2016-ի հունիսի 23-ին կոնսորցիումի մասնակից երկու բուհերի և ՀՀ կրթության և գիտության նախարարության միջև կնքվել է <<Հեռավար կրթության զարգացման հուշագիրը>>, որն ուղղված է ՀՀ-ում հեռավար ուսուցման հիմքերի ամրապնդմանն ու հեռավար ուսուցման ազգային համակարգի զարգացմանն ու ինտեգրմանը: Հավելենք, որ մշակվել և բուհերի գիտխորհուրդների կողմից հաստատվել են նաև հեռավար ուսուցմանը համահունչ և հեռավար կրթության իրականացումը կարգավորող առանցքային նշանակություն ունեցող նորմատիվ իրավական ակտերի նախագծերը: Սույն թվականի հունիսին ամփոփվում է ծրագրի երրորդ փուլը: Դրամաշնորհային ծրագրի երրորդ փուլի ավարտին կատարված մշտադիտարկման արդյունքում ներկաներն ամրագրեցին ,որ ավարտվել է հեռավար ձևաչափով «Գործարար վարչարարություն» մագիստրոսական կրթական ծրագրի ուսումնական պլանի կազմումը, որը կգործարկի 2017-2018 ուսումնական տարում: Ավարտին է մոտենում նաև են նաև ծրագրում ներառված դասընթացների՝ հեռավար ձևաչափով ուսուցմամբ մշակումը: Սույն թվականի ապրիլի 26-ին «Գործարար վարչարարություն» մագիստրոսական կրթական ծրագիրը ներկայացվել է «Կրթություն եվ կարիերա Expo 2017» 17-րդ միջազգային մասնագիտացված կրթական ցուցահանդեսին: Դրամաշնորհային ծրագրի ղեկավարի հավաստմամբ սույն թվականի ապրիլից ՀՀ ԳԱԱ գիտակրթական միջազգային կենտրոնում մեկնարկել են պրոֆեսորադասախոսական կազմի մեթոդական վերապատրաստումները հեռավար դասընթացների կառուցման ուղղությամբ: Չորս ամիսների ընթացքում դասախոսները վերապատրաստվել են հեռավար կրթության տեխնոլոգիաների, հեռավար դասընթացի ստեղծման առանձնահատկությունների և առցանց հաղորդակցման կանոնների ոլորտում: Ծրագրի համատեքստում նաև հրատարակվել է <<Հեռավար ուսուցման կազմակերպումն ու իրականացումը կանոնակարգող փաստաթղթերի ժողովածուն>>, որն ամփոփում է դրամաշնորհային ծրագրի շրջանակներում մշակված փաստաթղթերը՝ հեռավար կրթության իրականացման մեթոդաբանական ուղեցույցը, ուսումնական գործընթացի կազմակերպման կարգը, համատեղ դիպլոմների շնորհման կարգը, հեռավար ուսուցման հարթակի տեղեկատվական բազայի օգտագործման կարգը և այլն: Նշվեց, որ մշակված փաստաթղթերը խիստ կարևոր են բարձրագույն կրթության ոլորտի այլ մասնակիցների համար ևս՝ հեռավար ուսուցման զարգացման ուղենիշ հանդիսանալու տեսանկյունից: Այս առումով էլ ավելի կարևորվում է դրամաշնորհային ծրագրով նախատեսված Բիզնեսի կառավարման ուղղությամբ մագիստրոսական ծրագրի՝ հեռավար ձևաչափով իրականացման լիցենզիայի ստացումը, որը կարող է լուջ խթան հանդիսանալ Հայաստանում հեռավար կրթության զարգացման և հետագա ծավալման համար: Հանդիպման ընթացքում քննարկվեցին դրամաշնորհային ծրագրով նախատեսված հետագա աշխատանքների կազմակերպմանն առնչվող մի շարք հարցեր: Հավելենք, որ դրամաշնորհային ծրագրի իրականացումը միտված է ՀՀ-ում հեռավար ուսուցման հիմքերի ամրապնդմանն ու հեռավար ուսուցման ազգային համակարգի զարգացմանը:


 

Նորություններ

05.06.2019 Ամփոփվեց ՆՄՀ դրամաշնորհային ծրագրերի մշտադիտարկումը ՇՊՀ-ում Հունիսի 4-ին աշխատանքային այցով Շիրակի պետական համալսարանում (ՇՊՀ) էին ԿԾԿ ԾԻԳ-ի ներկայացուցիչները: Այցի նպատակը Հայաստանի բարձրագույն կրթության Նորարարությունների մրցակցային հիմնադրամի շրջանակներում բուհի կողմից իրականացվող դրամաշնորհային ծրագրի ամփոփիչ մշտադիտարկումն էր:ԿԾԿ ԾԻԳ-ի ներկայացուցիչներին ողջունեց ՇՊՀ դրամաշնորհային ծրագրի ղեկավար Հովիկ Մելքոնյանը: Նա նշեց, որ նմանօրինակ ծրագրերի իրականացումը նոր որակական հարթության վրա է տեղափոխում բուհի գործունեությունն ու նրա վարկանիշը: ՇՊՀ... 03.06.2019 Կայացավ հանրակրթական չափորոշիչների քննարկմանը նվիրված աշխատաժողովը Եվրոպական միության ֆինանսավորմամբ իրականացվող «ԵՄ-ն նորարարության համար. բնագիտական, տեխնոլոգիական, ճարտարագիտական առարկաների և մաթեմատիկայի ուսումնական ծրագրերի վերամշակում և փորձարկում» ծրագրի շրջանակում մայիսի 30-ից հունիսի 1-ը տեղի ունեցավ ուսումնական ծրագրերի աշխատաժողով, որը կազմակերպվել էր ՀՀ կրթության, գիտության, մշակույթի և սպորտի նախարարության և Համաշխարհային բանկի կողմից։ Միջոցառմանը հրավիրված էին կրթության փորձագետներ, միջնակարգ դպրոցների ուսուցիչներ և ղեկավարներ,... 03.06.2019 Կայացավ Շիրակի պետական համալսարանի «ՆՈՐԿԵՆՏ» դրամաշնորհային ծրագրի ամփոփիչ աշխատաժողովը Մայիսի 31-ին Շիրակի պետական համալսարանում կայացավ «Շիրակի պետական համալսարանի հզորացման և կրթական ծառայությունների բազմազանեցման միջոցով տարածաշրջանային համաչափ զարգացման ապահովում» դրամաշնորհային ծրագրի ամփոփիչ աշխատաժողովը: Համաշխարհային բանկի համաֆինանսավորմամբ, «Կրթական ծրագրերի կենտրոն» ԾԻԳ-ի կողմից իրականացվող «Կրթության բարելավում» վարկային ծրագրի Նորարարությունների մրցակցային հիմնադրամի (ՆՄՀ) շրջանակներում իրականացվող դրամաշնորհային ծրագրով...