Նորություններ

ՀԱՊՀ-ում ամփոփվում է դրամաշնորհային ծրագրի երրորդ փուլը

08.06.2017

     Հունիսի 8-ին ՀՀ կրթության և գիտության նախարարության և ԿԾԿ ԾԻԳ-ի ներկայացուցիչները աշխատանքային այցով եղան Հայաստանի ազգային պոլիտեխնիկական համալսարանի ՏՏ ուսումնահետազոտական նորարարական կենտրոնում: Այցի նպատակը Հայաստանի բարձրագույն կրթության Նորարարությունների մրցակցային հիմնադրամի (ՆՄՀ) դրամաշնորհային ընթացիկ ծրագրի մշտադիտարկումն էր: (ՀԱՊՀ) Գիտության և գիտատեխնոլոգիական համագործակցության գծով պրոռեկտոր, ծրագրի ղեկավար Արեգ Գրիգորյանը ներկաներին ծանոթացրեց ՆՄՀ շրջանակներում «Տեխնոլոգիական ինովացիոն հարթակ» դրամաշնորհային ծրագրի ընթացիկ աշխատանքներին: Նշենք, որ դրամաշնորհային ծրագրի իրականացումը մեկնարկել է 2015 թվականի դեկտեմբերին «Կրթության բարելավում» վարկային ծրագրի շրջանակներում: Սույն թվականի հունիսին ավարտվում է դրամաշնորհային ծրագրի երրորդ փուլը: Այս փուլի ավարտին կատարված մշտադիտարկման արդյունքում ներկաներն արձանագրեցին, որ իրականացվել է ՀԱՊՀ գիտակրթական ինովացիոն գործունեության երկարաժամկետ պլանի հրատարակումը և տրամադրումը բուհի ուսումնական և գիտակրթական ստորաբաժանումներին: Հիշեցնենք, որ մշակվել է նաև ինովացիոն գործունեության հայեցակարգը, ստեղծվել և գործում է ինովացիոն խորհուրդը: Նախորդ փուլերում է իրականացվել նաև հեռահաղորդակցական և տեղեկատվական տեխնոլոգիաների լաբորատորիայի սարքավորումների գնումը: Ձեռք են բերվել «Գիտաարտադրական լաբորատորիայի» և «Տեխնոլոգիական ինովացիոն հարթակի այլընտրանքային էներգիայի լաբորատորիայի» սարքավորումների մի մասը, իրականացվել են ինովացիոն ծառայության աշխատակիցների վերապատրաստման դասընթացներ: Ամփոփվել են ինովացիոն հարթակի ստեղծման աշխատանքները և ներկայումս իրականացվում է մեծ ծավալով տեղեկատվության արխիվացման, մշակման, ամբողջացման և տեղադրման գործընթացը: Հիշեցնենք, որ երկրորդ փուլի ավարտին դրամաշնորհային ծրագրով նախատեսված «Նորարարության դպրոցի» հիմնումը և երկամսյա դասընթացների կազմակերպումը հաջողությամբ իրականացվել էր և ծրագրի այս փուլի ավարտին «Նորարարության դպրոցի» հիման վրա մշաված համապատասխան «Նորարարություն» դասընթացի առարկայական ծրագիրն արդեն մշակված է և նոր ուսումնական տարում կներդրվի բուհի ուսումնական գործընթացում: Հանդիպման ընթացքում ներկաները քննարկեցին նախատեսված այլ լաբորատոր սարքավորումների գնման գործընթացների կազմակերպմանն առնչվող մի շարք հարցեր: Ծրագրի ղեկավարը ներկայացրեց նաև կոնսորցիումի գործընկերոջ հետ համագործակցության ընթացքը: Ներկաները եղան «Տեխնոլոգիական ինովացիոն հարթակի այլընտրանքային էներգիայի լաբորատորիայում», որտեղ Չափագիտության ամբիոնի վարիչ պրոֆեսոր Ռուբեն Վարդանյանը ներկայացրեց ձեռք բերված լաբորատոր սարքավորումները փաստելով, որ դրանք կնպաստեն գիտահետազոտական աշխատանքների արդյունավետության բարձացմանը: Ներկաները հուսով էին, որ ընթացիկ դրամաշնորհային ծրագիրն էլ ավելի կընդլայնի բուհում ձևավորված ստեղծագործ մթնոլորտը: Այցի ընթացքում աշխատանքային խմբի անդամները եղան նաև կառուցվածքային հետազոտությունների լաբորատորիայի համար նախատեսված տարածքում, տեսան գիտաարտադրական լաբորատորիայի` մատակարարված սարքավորումների մի մասը: Բուհում էին նաև ինովացիոն ծառայության համար նախատեսված համակարգչային սարքավորումները, դեռևս պահեստավորված վիճակում: Առաջիկայում, բուհի ներկայացուցիչների հավաստմամբ, կիրականացվի ինովացիոն ծառայության համար նախատեսված տարածքի վերանորոգումը, որից հետո այնտեղ կտեղադրվեն համապատասխան գույքն ու սարքավորումները:
Հավելենք, որ դրամաշնորհային ծրագրի իրականացումը միտված է համալսարանի գիտական ու նորարարական աշխատանքների արդյունավետության բարձացմանը:
 

Նորություններ

12.10.2020 Կրթական ծրագրերի կենտրոն ԾԻԳ-ի ուշադրության կենտրոնում ավագ դպրոցներն են Հոկտեմբերի 8- ին և 9-ին «Կրթության բարելավում» ծրագրի շրջանակներում իրականացվող աշխատանքների համատեքստում «Կրթական ծրագրերի կենտրոն» ԾԻԳ ներկայացուցիչները աշխատանքային այցով եղան հիմնանորոգվող Գյումրի քաղաքի վարժարանում և Արթիկի թիվ 3 ավագ դպրոցում: Այցի նպատակը շինարարական աշխատանքների որակի ու տեմպի տեխնիկական մոնիտորինգն էր: «Կրթական ծրագրերի կենտրոն» ԾԻԳ-ի «Աջակցություն միջնակարգ դպրոցի երրորդ աստիճանի զարգացմանը» ենթաբաղադրիչի... 06.10.2020 Աշխատանքային այց Սևանի ավագ դպրոց Հոկտեմբերի 6-ին «Կրթության բարելավում» ծրագրի շրջանակներում իրականացվող աշխատանքների համատեքստում ԿԾԿ ԾԻԳ-ի ներկայացուցիչները աշխատանքային այց եր են իրականացրել հիմնանորոգվող Սևանի ավագ դպրոցում: Այցի նպատակը շինարարական աշխատանքների որակի ու տեմպի տեխնիկական մոնիտորինգն էր: «Կրթական ծրագրերի կենտրոն» ԾԻԳ-ի «Աջակցություն միջնակարգ դպրոցի երրորդ աստիճանի զարգացմանը» ենթաբաղադրիչի ներկայացուցիչներ Ռաֆայել Հովսեփյանն ու Մանվել Սարիբեկյանը եղել են... 05.10.2020 Աշխատանքային այցեր ՀԲ երևանյան գրասենյակի խորհրդատու- շինարարի մասնակցությամբ Հոկտեմբերի 5-ին Համաշխարհային բանկի համաֆինանսավորմամբ «Կրթության բարելավում» ծրագրի շրջանակներում իրականացվող աշխատանքների համատեքստում ՀԲ երևանյան գրասենյակի խորհրդատու- շինարար Ալեքսանդր Թովմասյանը ԿԾԿ ԾԻԳ-ի ներկայացուցիչների հետ համատեղ աշխատանքային այցեր է իրականացրել Երևանի թիվ 42, 142 ավագ դպրոցներում և ՀՊՄՀ հենակետային վարժարանում: Հիշեցնենք, որ վերոնշյալ ավագ դպրոցներում շարունակվում են սեյսմակայուն հիմնանորոգման շինաշխատանքները: Այցի նպատակը շինարարական աշխատանքների...