Նորություններ

Կրթական բարեփոխումներ ՀՌՀ-ում՝ ՆՄՀ դրամաշնորհով

13.03.2017

    Հայաստանի Հայ-Ռուսական (Սլավոնական) համալսարանի և <<Կրթական ծրագրերի կենտրոն>> ԾԻԳ-ի համագործակցությունը մեկնարկել է 2013 թվականին, երբ <<Կրթության որակ և համապատասխանություն>> վարկային երկրորդ ծրագրի շրջանակներում 10 բուհերի հետ կնքվեցին դրամաշնորհային պայմանագրեր` նորարարական ծրագրերի իրականացման նպատակով: Նորարարական մրցակցային հիմնադրամի (ՆՄՀ) փորձնական փուլի շրջանակներում Հայ-Ռուսական (Սլավոնական) համալսարանում (ՀՌՀ) դրամաշնորհային ծրագրի շնորհիվ <<Էլեկտրոնիկա և նանոէլեկտրոնիկա>> մասնագիտական կրթական ծրագրի որակը և վերազինվել է ուսումնական, գիտահետազոտական լաբորատոր բազան:Ծրագրի շրջանակներում <<Բարակ թաղանթային արևային էլեմենտների լաբորատորիայի>> ստեղծումը նպաստել է բուհում առարկայական ծրագրերի, ուսումնական պլանների արդիականացմանը և դասավանդման մեթոդաբանության վերանայմանը, խթանել ուսանողների ներգրավվածությունը լաբորատոր և գիտահետազոտական աշխատանքներում: Այսօր էլ ժամանակակից բարձր տեխնոլոգիաների ոլորտին համապատասխանող չափիչ, տեխնոլոգիական և տեխնիկական սարքավորումներով զինված ուսումնական լաբորատորիաների առկայությունը և դրանց համապատասխանեցված առարկայական ծրագրերը ՀՌՀ-ում ` հնարավորություն են ստեղծում ուսանողների համար իրականացնելու գիտահետազոտական աշխատանքներ, մագիտրոսական թեզեր և ասպիրանտական ատենախոսություններ: Վերազինված գիտահետազոտական լաբորատոր բազան հնարավորություն է տալիս նաև ընդլայնել ՀՌՀ կողմից իրականացվող գիտահետազոտական աշխատանքների շրջանակները նանոէլեկտրոնիկայի և նանոտեխնոլոգիայի բնագավառում` ընդլայնելով դասախոսական կազմի և ուսանողների գիտական հետազոտությունների ծավալը և շրջանակները: ՆՄՀ դրամաշնորհային ծրագրի շրջանակներում իրականացվել է անհրաժեշտ նյութատեխնիկական բազայի ապահովում, ձեռք են բերվել համապատասխան գույք, համակարգչային տեխնիկա, իսկ լաբորատոր ստենդերը, ավտոմատ փոշեցրման մագնետրոնային սարքավորումը, արևային ճառագայթման սիմուլյատորը այսօր էլ կիրառվում են գիտահետազոտական աշխատանքների իրականացման համար: Ծրագրի շրջանակներում իրականացվել է նաև համապատասխան կրթական փաստաթղթերի վերանայում: «Էլեկտրոնիկա և նանոէլեկտրոնիկա» մասնագիտական կրթական ծրագրի դասընթացների շրջանակներում մշակվել և լրամշակվել են մի շարք նոր լաբորատոր աշխատանքներ: Գիտահետազոտական աշխատանքների անցկացման համար մշակվել են լաբորատոր ձեռնարկներ, կազմակերպվել են մի շարք գիտական և ուսումնամեթոդաբանական սեմինարներ: ՆՄՀ դրամաշնորհային ծրագիրը հիմք է հանդիսացել իր բնույթով յուրօրինակ մի կառույցի ստեղծման համար: Վերակազմավորված ուսումնական և գիտահետազոտական լաբորատոր բազայի հիման վրա ստեղծվել է «Ուսանողական կոնստրուկտորային բյուրոն», որն այսօր աջակցում է առաջադեմ ուսանողներին, և հնարավորություն է տալիս նրանց իրականացնել ինքնուրույն գիտահետազոտական աշխատանքներ, նախագծել և պատրաստել փորձարարական նախատիպեր: Համալսարանն այսօր Ռադիոֆիզիկայի և էլեկտրոնիկայի գիտահետազոտական ինստիտուտի, նանոէլեկտրոնիկայի ոլորտում առաջատար «Ecoville energy» և «PROFHOLD» ընկերությունների հետ համատեղ իրականացնում է մետաղական և կիսահաղորդչային բարակ թաղանթների փոշեցրում, Ճկուն բարակ թաղանթային արևային էլեմենտների հետազոտում, ինչպես նաև նոր տիպի հեռանկարային արևային էլեմենտների նախագծում և ստացում: ՀՌՀ-ում նաև մասնագիտական դասընթացներ են կազմակերպվում Դուբնայի միջազգային համալսարանի, Կազանի պետական էներգետիկական համալսարանի, ՌԴ Ճշգրիտ մեխանիկայի և օպտիկայի համալսարանի հետ համատեղ:  

Նորություններ

10.08.2020 Պարզաբանում #1 ՀՀ ԿԳՄՍՆ «Կրթական ծրագրերի կենտրոն» ԾԻԳ ՊՀ-ի կողմից Դպրոցների համար համակարգչային սարքավորումների ձեռքբերման նպատակով հայտարարված թիվ NCB – 1-1.3.5 մրցույթի շրջանակներում ստաց Կրթական ծրագրերի կենտրոն ԾԻԳ ՊՀ-ի կողմից Դպրոցների համար համակարգչային սարքավորումների ձեռքբերման նպատակով hայտարարված թիվ NCB – 1-1.3.5 մրցույթի շրջանակներում ստացված հարցադրումների վերաբերյալ Հարց 1 Հարգելի՛ գործընկեր, Համաձայն մրցույթի առաջին չափաբաժնում բերվող համակարգչի տեխնիկական բնութագրի՝ հոսանքի սնուցման բլոկի (Power Supply) համար պահանջվում է նվազագույնը 250W հզորություն: Հաշվի առնելով համակարգչի համար առաջադրված մյուս տեխնիկական պահանջները՝ նման հզորությամբ... 03.08.2020 Նորաստեղծ բնագիտական առարկաների լաբորատորիաներ՝ Վանաձորում 2020 թվականի փետրվարից մայրաքաղաքում և ՀՀ բոլոր մարզերում մեկնարկել է ավագ դպրոցներին բնագիտական առարկաների գծով լաբորատոր սարքավորումների տրամադրման գործընթացը: Վանաձորի մաթեմատիկայի և բնագիտական առարկաների խորացված ուսուցմամբ հատուկ դպրոցը այն 99 ավագ դպրոցներից մեկն է, որտեղ բնագիտական առարկաների (ֆիզիկա, քիմիա, աշխարհագրություն և կենսաբանություն) լաբորատորիաները արդեն իրականություն են: Համաշխարհային բանկի համաֆինանսավորմամբ, ‹‹Կրթական ծրագրերի կենտրոն››... 31.07.2020 Ամփոփվեց դրամաշնորհային ծրագրերի երկշաբաթյա մշտադիտարկումը բուհերում Հուլիսի 31-ին Հայաստանի բարձրագույն կրթության Նորարարությունների մրցակցային հիմնադրամի շրջանակներում ամփոփվեց ընթացիկ դրամաշնորհային ծրագրերի երկշաբաթյա մշտադիտարկումը՝ ՆՄՀ երկրորդ հիմնական շրջափուլով դրամաշնորհառու հանդիսացող բուհերում: Վերջին հանդիպումը տեղի ունեցավ Հայաստանի ազգային ագրարային համալսարանում (ՀԱԱՀ): «Կրթական ծրագրերի կենտրոն» ԾԻԳ-ի և ԿԳՄՍ նախարարության ներկայացուցիչները ՀԱԱՀ-ի դրամաշնորհային ծրագրի ղեկավար Սոնա Ծառուկյանի ուղեկցությամբ ծանոթացան ՆՄՀ երկրորդ...